EZRA 6:8 - Cho Bible Common Language 2016

⁸ Cawh kyan nak ung ami bawm gui vai ah kei naw thumkhän ka ning pe gui ci, cawh pyan nak ung ng’pyi ciah ngui cu Euphratis akhei täng ung akhon loh ah mang im ngui ungka kä m’düm ne pek vai nei. Cun ung bi nak cu kä ng’düm khai.

EZRA 6:8 Referans Kwoze

EZRA 6:4

Paang gui cu lung kleep thum päng ah akhan ung sing klep ät ciah phah ne cawh vai. Ng’pyi ciah a phu avan cu bawi mang ah ngui m’küm ungka pek vai.

HAKKAI 2:8

M’dek ah khan ung ghui la ngui avan cu kei ah kaa ah kyak ci.

EZRA 5:5

Cun ung phi Jew chang gui cu Khanpughi naw ngäng gui sei, Persian bawi gui cu Dirius am ca ami guk ung, kä ang hlan law pha ah chuih a i ah kä ci gui vai ah k’bäi ci gui.

EZRA 4:23

Artaxerxes ah ca phat neami m’thein gui vai am, Rehum ni, shimshai ni la thawi gui ci gui cu ang ghit ah Jerusalem ah hteit u ne, Jew gui naw mang gaw ami cawh ba cu, akgat ah ng’düm sak gui ci gui.

EZRA 4:16

Cun ah kyasei keimi naw kami ning pyen nak cu shin ah mang gaw cu co ba ne gawpaang cu ami m’üp ba ah a kyak ung Euphratis akhei lam khopäng cu nang bawi naw kä na kut shum ba hlawt khai nei,” cik ci gui.

EZRA 6:7

Ami cawh kyan nak ung kä nami tawmgu en tu vai, Judah uktu la Jew ang vai gui naw Khanpughi ah Taigüim cu acau a om nak te ung co ba u sä!

EZRA 6:9

A hnüüp tä sei hnüüp kä m’chüh en ne Jerusalem ung taigü gui naw ami ng’yak hlü ami ning m’thein gui phung cu nami pek gui vai nei. Sei hta, htome, htome hta, cun gui cu Khankho Khanpughi am m’khih ne douthak vai, cun kawn ah htang m’shii, sapyit tui, oliv situi,

EZRA 7:14

Kei naw ng’shin ah chang chih cu nang awn atäng ah Jerusalem la Judah ung ng’täi khai ah ka ning tüi gui ci nei. Nangmi naw nami yi hnei ah nami Khanpughi ah thukhän cu a i hlawk ah nami läk ah nami teng vai nei.

NEHEMIAH 11:23

A hnüüp tä sei Taigüim ng’äi awm nak ung tängpang ciah pahta gui naw a i cha akhin lak khai gui cicu ghangpughang ah k’bäi nak om ci.

DANIEL 6:26

Ka uknak ah khaw avan ung thukhän ka bik ci nei, Daniela ah Khanpughi cu chang nü naw a kyih vai nei, a chang m’sui vai nei. “Ani cu ghing ciah Khanpughi, Ani naw khonglän ung uk khai nei. Ani ah uknak khaw cu a i naw kä m’di hlawt khai nei, ani ah huham cu kä ng’pyi hlawt khai nei.

EZRA 6:14

Jew ami ng’vai gui cu prophet goi Hakkai la Zachariah naw thagui pe gui u sei, Taigüim ami cawh cu bä law pi khai ah bik ci gui. Ngami naw Israel Khanpughi ah ang’thukhän la persia ghangpughang gui Sairus, Darius la Artaxerxes gui ah thukbäi awn ngami naw Taigüim cu m’khüüp ne co ci gui.

NEHEMIAH 2:8

Mang ah khawbung m’htei ciah Asaph am, Taigüim ngäng nak vai ah m’kawt gui pyan nak vai ah sing gui, mang gaw k’paang gui la kei ah om nak vai im cawh nak vai ah sing gui ana pek tu vai ah m’cäi nak ah ca a guk vai ah ka thäh ci. Uktubawi naw ka k’thäh avan na pek ci, a i ah kyasei ci ung kei cu Khanpughi naw na om püi ci.