EZRA 6:4 - Cho Bible Common Language 2016

⁴ Paang gui cu lung kleep thum päng ah akhan ung sing klep ät ciah phah ne cawh vai. Ng’pyi ciah a phu avan cu bawi mang ah ngui m’küm ungka pek vai.

EZRA 6:4 Referans Kwoze

1 GHANGPUGHANG GUI 6:36

Taigüim ah a hmai täng ah yungkhan ah co ci gui, acun ung k’pang gui om ci, lung athat thum ung pen cedar lawng tumat ciah pyan ci gui.

SAM 68:29

cun cu ghangpughang gui naw khawihnah nak ami ning pek law nak ah Jerusalem na Taigüim ungka ah kyak ci.

THU PHLAAN 12:16

Cun ung phi khomdek naw am gawng m’aan ne, shawk ah m’gawng ung lut lawk ciah tui avan cu m’yaw yawp netah hnuminu cu phiawn sak ci.

ISAIAH 49:23

Nangmi ah hmawk ah ghangpughang cu pa ah mäih ah kya ne, ghangpughangnu cu nu ah mäih ah kyak khai. Ngami naw nang ah ma ah kawp ne ning m’tamkhah khai gui; Ngami naw ami m’lung neim sak ne, ami ning changmsui nak cu m’dang khai gui. Cun kawn ah Kei, Bawipa ah ka kyak cu nang naw na hmat khai, kei naw ka m’htei vai ah na k’äih ci phung cu am’lung kä thüi khai.”

SAM 72:10

Spain la khohmun ghangpughang gui naw m’cümhnah nak pe lawk khai gui. Sheba la Seba ghangpughang gui naw khawihnah nak pe lawk khai gui.

EZRA 6:8

Cawh kyan nak ung ami bawm gui vai ah kei naw thumkhän ka ning pe gui ci, cawh pyan nak ung ng’pyi ciah ngui cu Euphratis akhei täng ung akhon loh ah mang im ngui ungka kä m’düm ne pek vai nei. Cun ung bi nak cu kä ng’düm khai.

EZRA 3:7

Chang gui naw lung im co ci gui la peen im co ci gui am pek gui vai ah ngui cu pek ci gui. Lebanon ah ka cedar sing gui ami m’thawng nak ah Tire la Sidon mang gaw chang gui am ei vai awk vai la oliv situi gui cu pek ci gui. Ngami naw tuinu ung Joppa ah ami law püi vai ah kyak ci. Cun gui avan cu Persia uktu bawi Sairus ah shai chah nak awn ami bi ah kyak ci.

EZRA 5:8

“Nang bawi naw na hmat khai nei, Keimi cu Judah khopäng ah hteit u neta, dämduh ciah Khanpughi ah Taigüim cu lung nu gui awn co ne khaai u ne, akpaang ung sing lawng nu gui ami dawn cu kami hmuk ci nei. Ami bi cu ang htei ah geing na ne bi u ne, ang khän ah bik ci gui nei.