EZRA 6:3 - Cho Bible Common Language 2016

³ “Ghangpughang Sairus naw a uk nak ah akum htük kum ung ang thumkhän cu, Jerusalem ung Taigüim cu khawihnah nak man la bi nak man, m’khih ne douthak nak man ah hmun ung cawh ba vai nei. Taigüim ah a hlüng cu metre m’ku lei chih ang shawng cu metre m’ku lei chih lawk khai nei.

EZRA 6:3 Referans Kwoze

2 SHONTÄP NAK 36:22

Sairus cu Persia ung uktubawi ah a kyak nak a kum ät nak ung Bawipa naw Jeremiah ung a pyen ah ng’thu cu bä khai ah bik ci. Ani naw Sairus cu k’tawt shi ne thumkhän tei sak ne, gu neta ani ah uknak khaw avan ung m’lau ne ami phat vai ah pyen ci.

THU PHLAAN 21:16

Mang gaw cu ayun akdang ng’cawih ne, ng’hniing ne ng’aai ci. Khankho chang naw ghui ng’mui pum awn cun ah mang gaw cu nüt khätah, ayun akdang a hlüng ni cu mäng phiaa gha-lei-hma bäng bäng lawk ci.

SAM 122:4

Cun cu Israel pakhui gui ah law nak ah kyak ci. Israel pakhui gui cu a thumkhän ah mäih ah Bawipa m’hlüngtai vai ah, a cu ah lawk ci gui.

2 SHONTÄP NAK 2:6

Akcang ah Khanpughi ah Taigüim cu a u naw kä co hning ci, ng’shawng aih ciah khankho avan phi Khanpughi ah ng’lawk nak vai ah kä kyak ci. Kei naw Khanpughi ah ma ah tui ng’ui m’khih nak vai ah hmun ah kyak ciah Taigüim ah kawn ah a i im cu kei naw ka co hlawt khai yaw?

EZRA 1:1

Sairus cu Persia Uktubawi ah a kyak nak akum htük nak ung prophet Jeremiah ung Bawipa naw a pyen ah ng’thu cu bäi lawk ci. Ani naw Sairus cu a shin ah thumkhän ang ng’shäu vai ah thawh let sak ci. Ca awn gu neta ani ah uknak khaw nü ung m’lau ne phat vai ah tüi gui ci.

EZRA 3:7

Chang gui naw lung im co ci gui la peen im co ci gui am pek gui vai ah ngui cu pek ci gui. Lebanon ah ka cedar sing gui ami m’thawng nak ah Tire la Sidon mang gaw chang gui am ei vai awk vai la oliv situi gui cu pek ci gui. Ngami naw tuinu ung Joppa ah ami law püi vai ah kyak ci. Cun gui avan cu Persia uktu bawi Sairus ah shai chah nak awn ami bi ah kyak ci.

2 SHONTÄP NAK 2:3

Solomon naw Tire ghangpughang Hiram am ng’thu m’khäh ci; “Kapa, ghangpughang David am nang naw im a cawh nak vai ah cedar sing gui na yoih nak ah mäih ah kei phi na sumlei püi ä.

EZRA 1:2

Shin cu Persia uktubawi Sairus ah thumkhän nei. Bawipa, Khankho ah Khanpughi naw m’dek ah khan avan ka uk vai ah na pyang ci nei. Judah khaw Jerusalem ung ani ah phäh ah Taigüim cawh vai ah bi vai na pek ci nei.

EZRA 6:14

Jew ami ng’vai gui cu prophet goi Hakkai la Zachariah naw thagui pe gui u sei, Taigüim ami cawh cu bä law pi khai ah bik ci gui. Ngami naw Israel Khanpughi ah ang’thukhän la persia ghangpughang gui Sairus, Darius la Artaxerxes gui ah thukbäi awn ngami naw Taigüim cu m’khüüp ne co ci gui.