EZRA 6:16 - Cho Bible Common Language 2016

¹⁶ Cun kawn ah Israel chang gui — taigü gui, Levit gui, la omktu khaw ah ka law ba ci gui ami van naw — Taigüim cu yeikyai ne ap ci gui.

EZRA 6:16 Referans Kwoze

2 SHONTÄP NAK 7:5

Ani naw vantang 22,000 la htome 120,000 khawtsheng-douthak nak cu bik ci. Cun ah kyasei ani la chang gui ami van naw Taigüim cu ap ci gui.

1 GHANGPUGHANG GUI 8:63

Ani naw vantang lu 22, 000 la htome 120, 000 cu khawtsheng douthak nak ah khawihnah ci. Cun kawn ah Ghangpughang la chang avan naw Taigüim cu ap ci gui.

PHILIPPIAN 4:4

Nang mi cu Bawipa ung nami ghin nak awn yeikyai vä, ka pyein ba mä cu yeikyai vä!

JOHAN 10:22

Cun yah cu khohting kho ah kya ne, Jerusalem ung taigü-im ap nak pawi bi yah ci gui.

SAM 122:1

Ngami naw, “Bawipa ah im ah mi hteit khai nei” ami ci ung, kei ka yei ci.

EZRA 6:22

Ngami naw k’caw kä shum ah m’htut ei nak ah pawi cu hnüüp chih ung yeikyai ne bik ci gui. Ngami cu yeikyai aih ci gui. A i ah kyasei ci ung Bawipa naw Assiria ghangpughang cu ngami m’hlüngtai gui khai ah bii bik ci. Cun ah kyasei Israel Khanpughi ah Taigüim ami cawh ba nak bii ami bi cu ani naw k’cang na gui ci.

NEHEMIAH 7:73

Taigü gui, Levit gui, Taigüim ung ngäng ci gui, ng’äi lam ci gui, chang hmün gui akda, Taigüim ung bii bi gui — Israel chang gui ami van — cu Judah khaw mang gaw gui la gawnu gui ung om tuk ci gui.

EZRA 4:1

Judah la Benjamin chang gui ah ami ga gui naw Omktu khaw ah ka law ba ci gui naw Israel Khanpughi Bawipa ah Taigüim co law ba ci gui cicu ng’yak ci gui.

2 SHONTÄP NAK 30:26

Jerusalem mang gaw cu yeikyai nak awn be ci. David ah htapa Ghangpughang Solomon ah khin ung phi shin ah mäih ah kä kya man ci.

2 SHONTÄP NAK 30:23

län ne hnüüp chi lüng pawi bi ba vai ah ami van naw k’ bäi ci gui. Cun ah kyasei ngami naw yeikyai ne bik ci gui.

1 SHONTÄP NAK 15:28

Cun ah kyasei Israel chang gui ami van naw yeikyai ne m’lau u ne, phyungheng ni, phyung puuk ni, ng’sheei ni, tingtäng harp ni tum ne Thukhän M’küm cu Jerusalem ah law püi ci gui.

1 SHONTÄP NAK 9:2

Ak htük bäih ah ami mang gaw gui ung gawk law ba ci gui ung Israel chang gui, taigü gui, Levit gui, la Taigüim ung bii bik ci gui ah kyak ci.

THULÄÄN NAK 12:7

Acun ah hriham ning pe gui ciah Bawipa nami Khanpughi ah ma ah nangmi la nami kyong chang gui naw nami bi ah hmawk ah akni gui cu ei u ne nami yeikyai khai.

NEHEMIAH 12:43

Cun ah hnüüp ung khawihnah nak akda douthak u ne, chang gui cu akbe ah yei ci gui, a i ah kyasei ci ung ngami cu Khanpughi naw ang htei ah a yei sak gui ah kyak ci. Hnumi gui la a hmaw gui cu cun ah pawi ung yeikyai ci gui, ngami ami van ah m’lau cu a shou nak ah ka naw ng’yak vai kyak ci.

NEHEMIAH 8:10

Tuhbäi nami im ah hteit ba ne ng’ei awk vä. A ei vai kä büh ciam nami buh nami sapyit tui cu teipai tu vä. Tuhngawi cu mi Bawipa ah ma ah theingcim ci nei, cun ah kyasei kä nami thüi vai nei. Bawipa naw aning pek gui ah yeikyai nak naw nangmi cu ning khüighat sak gui khai nei.”

1 GHANGPUGHANG GUI 8:62

Cun kawn ah Ghangpughang Solomon la acu ah chang gui avan naw Bawipa am khawihnah douthak ci gui.

DANIEL 5:13

Daniela cu ang ghit ah ghangpughang ah ma ah hteh püi u sei, ghangpughang naw ani cu pyen nak ci, “Nang cu ka pa ghangpughang naw Judah khaw ah ka a law püi ah Jew chang, omtu, Daniela ma?

2 SHONTÄP NAK 29:30

Ghangpughang la pakhui ung ami ng’vai gui naw, Levit gui ami pyen nak gui cu, David la prophet Asaph ah guk ah ng’äi gui cu Bawipa am ami m’cu vai ah pyen na gui ci gui. Cun ah kyasei chang nü naw akdämduh ah yei ne ng’äi m’cu ne m’khukdong ne, Khanpughi khawihnal ci gui.

NEHEMIAH 12:27

Jerusalem mang gaw pang ap nak ung Levit gui cu ami om nak päng ungka naw law püi gui ci gui, cun ah kyasei ngami naw ng’ap nak ah pawi ung m’hlüng nak ah ng’äi gui m’cu ne htingsheei tingtäng tum ne yeikyai ci gui.