EZRA 6:12 - Cho Bible Common Language 2016

¹² Ani khawihnah nak vai ah hmun ah Jerusalem mang gaw ghü ciah Khanpughi naw a u ghangpughang phi a u pakhui phi, shin ah thumkhän hnungtuk ne Taigüim m’di vai ah tha nak ci phung cu, gawt sä. Kei, Darius naw shin ah thukbäi ka pek ci nei. Shin cu akbe ah nami läk vai nei” ciah kyak ci.

EZRA 6:12 Referans Kwoze

1 GHANGPUGHANG GUI 9:3

Bawipa naw ani cu pyen nak ci, “Kei naw nang ah taigü ka ng’yak ci. Ngawi yä kei na khawihnah nak vai ah nang naw na cawh ah shin ah Taigüim cu kei naw ka k’bäi ci. Kei naw shin cu a khokphlüt ung ngäng ne ka shungvong khai.

THULÄÄN NAK 12:5

Nami pakhui gui avan ah khopäng ah akpung ahBawipa naw hmun tumat cu ghü khai, acun ung chang gui naw ama ah law ne khawihnah lawk khai gui.

THULÄÄN NAK 12:11

Ani khawihnah nak vai ah Bawipa naw hmun tumat ghü khai. Acun ah kei naw ka ning thumkhän gui a päng cu nami law püi khai. M’khih vai ah nami khawihnah nak la a hei khawihnah nak gui, bum gha bum ät la dou thak gui, Bawipa ah nami shaitak ah aktung ah m’cümhnah nak gui,

PHYAWN NAK 20:24

Kei ah hmawk ah m’dek cu sonkiang ah na pyan vai, acun ah khan ah na htome la na sei cu khawihnah ne, akbe ah m’khih ne douthak nak la hmuhchum douthak nak ah na bi vai. Nami na khawihnah vai ah a hmun päng ung na pei ah kei cu ka ngok ci. Kei naw law ne hriham ka ning pek khai.

LAMKTU 9:5

Soul naw, “Bawipa Nang cu a u ang?” cine ng’shik ci.

OBADIAH 1:10

“Nang naw Jakob ah hta ng’shon, na mätyah hniim ne na ngawn ah hmawk ah ngawi yä nang cu ning m’di ne kä ning chang m’sui ba khai.

ISAIAH 60:12

Cun ung phi, nangmi ah bi kä bik ciah chang pakhui gui cu, ng’pyi khai gui ah m’di gui khai nei.

THUSHÄUTU 9:10

Na bi lawh phung cu tha na ne na bi vai nei, a i ah kyasei ci ung, hnünthawh nak, ngaih-tüh nak, hmuhmat nak, cüivai nak gui cu sih nak ah khaw ung kä om ba khai nei — cun cu nang naw na hteh nak ah kyak ci.

SAM 5:10

O Khanpughi, m’kyuk ne m’kat gui ä; Ami mät ah ng’zihkuh nak naw ami mät chah gui ci nei. Ami katnak gui la ami ning hnu ng’tuk püi ah hmawk ah, Na ma ungka naw k’täm gui ä.

ESTA 8:14

Ghangpughang ah thumkhän awn ca tei ci gui cu mang ah ng’se ng’cuum ne ak gai ah dawng ci gui. Susa mang gaw ung phi cun ah ca gui cu chang gui am tei gui ci gui.

2 SHONTÄP NAK 7:16

A i ah kyasei ci ung kei naw shin cu ghü ne khonglän ung kei na khawihnah nak vai ah hmun ah ka ap ah kyak ci. Kei naw shin cu ngäng ne akphlüt ah ka shungvong khai ne.

THULÄÄN NAK 16:2

Khawihnah nak hmun tumat ah hteit neta, Bawipa nami Khanpughi m’tamkhah nak ah phyawn nak pawi ei vai ah sei, kä cun ung htome tumat cu nami ngawn vai.

EZRA 6:13

Cun kawn ah uktu bawi Tattenai, Shethar Boyenai, la ami bawi gui naw ghangpughang ah pyen ah mäih ah bik ci gui.

EZRA 6:14

Jew ami ng’vai gui cu prophet goi Hakkai la Zachariah naw thagui pe gui u sei, Taigüim ami cawh cu bä law pi khai ah bik ci gui. Ngami naw Israel Khanpughi ah ang’thukhän la persia ghangpughang gui Sairus, Darius la Artaxerxes gui ah thukbäi awn ngami naw Taigüim cu m’khüüp ne co ci gui.

EZRA 7:15

Jerusalem Taigüim ung Israel Khanpughi am kei la ka ng’shica ah chang gui naw kami dpouthak vai ah ghui la ngui cu nangmi naw nami hteh püi vai nei.

EZRA 7:26

Chang tumat mat naw na Khanpughi ah thukhän gui, kä cung ghangpughang ah thukhän gui, Kä aläk ah akyak ung ani cu akcang ah m’kyuk vai nei. Sih nak, omktu ah hteh nak, a khawh guh pek nak, thawng ung chum nak pek vai nei.

EZRA 7:17

“Nangmi naw shin ah ngui cu geing na ne, nami mang vai, seipat htome la, htomehta, m’vapüm la sapyit tuicu hleih ne Jerusalem Taigüim sonkiang khan ung nami douthak vai.