EZRA 6:10 - Cho Bible Common Language 2016

¹⁰ Acun ah nami bi vai, cun ung ngami naw Kkankhaw Khanpughi naw a dou thei vai ah khawihnah nak cu douthak khai gui. Kei la ka hta gui ah phäh ah ani ah phyuhtheh nak cu ng’yoi thäh khai gui.

EZRA 6:10 Referans Kwoze

JEREMIAH 29:7

Thawng kium ah kya ne nami hteh vai ah ka ning bi nak gui mang gaw gui ah ni nak vai, a i ah kyasei ci ung ngami ami bühmang law ung nangmi phi nami bühmang tuk khai.

EZRA 7:23

Khankho Khanpughi naw amät ah Taigüim ah phäh ah ak thäh phung cu, nangmi naw geing na ne nami pek vai, Kei ah khan ah phi kya, kei ah hnu ah uk lawk ciah khan ah phi kya, ani kä a m’lungshe phung en vai ah nami bi vai.

EPHESIAN 5:2

Bawi Khrit naw mikmi cu nam hni gui ne, Khanpughi ah yumhni ah ng’ui ciah m’küi khän nak la peit nak ah a hnun gui cu a peit ah mäih ah nami ghin nak cu m’hni nak naw ning kut shum gui sä.

TAIGÜTHUM 1:13

Cun ah chang naw apuk kyong ah kaa gui la a khaw gui cu m’si khai, taigü naw khawihnah nak cu Bawipa am pe ne, cun avan cu sonkiang khan ah m’khih khai. Cun ah ei-douthak ah ang ui cu Bawipa naw yeikyai nak ci.

TAIGÜTHUM 1:9

A chi kyong ah kaa la a khaw gui cu chang naw tui awn am si vai, taigü bawi gui naw sonkiang ung khawihnah nak avan cu ami m’khih vai. Cun ah ei-douthak ah ang ui cu Bawipa naw yei nak ci.

ATÜNNAK 8:21

Bawipa naw ng’ui ciah khawihnah nak cu dou neta “Cun kawn ah chang gui ah hmawk ah khomdek cu kä ka plah taam ba khai, chang gui cu ami hmaw sang ge ung ami m’lung ngaih shekhak ciah ka hmat ci. Tuhbäi ka bi ah mäih ah cun kawn ah a hnun ghing gui cu kä ka m’di ba gui khai.

EZRA 6:9

A hnüüp tä sei hnüüp kä m’chüh en ne Jerusalem ung taigü gui naw ami ng’yak hlü ami ning m’thein gui phung cu nami pek gui vai nei. Sei hta, htome, htome hta, cun gui cu Khankho Khanpughi am m’khih ne douthak vai, cun kawn ah htang m’shii, sapyit tui, oliv situi,

DANIEL 2:46

Cun kawn ah ghangpughang Nebukhadnezzar cu m’dek ung ng’boop neta khawihnah nak la douthak nak cu Daniela am ami pek vai ah thu k’bäi ci.

PHYAWN NAK 12:32

Nami htome gui, me gui la sei gui hteh püi ne hteit vä, kei phi taigü ne hrilham na pek vä” cik ci.

EZRA 1:2

Shin cu Persia uktubawi Sairus ah thumkhän nei. Bawipa, Khankho ah Khanpughi naw m’dek ah khan avan ka uk vai ah na pyang ci nei. Judah khaw Jerusalem ung ani ah phäh ah Taigüim cawh vai ah bi vai na pek ci nei.