EZRA 6:1 - Cho Bible Common Language 2016

¹ Cun ah kyasei Dirius ghangpughang naw thukbäi ne, Babilon ung mi gim ah bawi ah rekawt cu shui sak gui ci.

EZRA 6:1 Referans Kwoze

EZRA 5:17

“Tuhbäi bawimang aw, Babilon bawi ah rekawt ung shui ba sak gui ä, Jerusalem ung cawh ba vai ah Taigüim ah phäh ah Sairus naw Thukbäi a pek cu hmuh ba vai aw, i vai aw? Cun kawn ah shin ah mawng ung a i na ng’yak hlü cu na hmat ba sak gui ä.”

NG'THU K'THUUK~ 25:2

Khanpughi cu kami m’tam ci, am yih m’thuh ah mawng ah phäh ah, ghangpughang gui cu kami m’taam gui ci, ami cangkha ah phä ah.

EZRA 4:15

Tuhbäi na pupa gui ah gimtha man gui cu shui teng sak gui ä. Cun ung shin ah mang gaw cu ak phlüt ah hnungtuk ciah gaw, cau ä tün ne ghhangpughang gui la khopäng uktu gui khüikha sak ciah gaw ah na hmuk khai nei. Shin ung chang gui cu akphlü ah uk gui vai khak ci nei. Cun ah kyasei mang gaw cu ami m’di ah kyak ci nei.

THU PHLAAN 5:1

Mang kiaang ung ngok ciah akpat lam a kut ung ca k’chaw cu ka hmuk ci: cun ah ca k’chaw cu vang ah vei ah ca be sei gu ne, m’hnüt nak chih awn m’hnüt ah kyak ci.

EZEKIEL 2:9

Kei naw kei täng ah a kut shäng lawk cicu ka hmuk ci awn naw cak chaw kawt ci.

JEREMIAH 36:32

Cun kawn ah kei naw ahei ca k’chaw cu la ne ka secretary Baruk am ka pek ci, ani naw kei naw ka m’cu nü cu guk ci. Akhtük ah ca k’chaw ungka gui nü phi ani naw guk ci, awn ah mäih gui kei naw ka m’cu pek gui phi ani naw guk ci.

JEREMIAH 36:29

Bawipa naw ghangpughang ka pyen nak vai ah ana m’thein cu “Nang naw ca k’chaw na m’khih ci, a i ah kyasei Babilonia ghangpughang naw law ne, shin ah khaw cu m’di ne, cun ung chang gui la khisa gui cu ngawn gui khai, cine a guk ah Jeremiah cu na ng’shik ci.

SAM 40:7

Cun ah kyasei ka ning m’shan cu, “Kei shi ah nei; nang ah nam shüm thein nak cu thukhän ca uk ung om ci nei.

JOB 29:16

Kei cu dukhaih ci gui ah phäh ah pa ah kya ne, Khüikha nak ung gawk ciah chang hei gui ah phäh ah phi ka ng’düi man ci.

EZRA 4:19

Kei naw thukbäi ne apüh akheh ah bi sak gui neta cun cu akcang ah ka hmuk ci nei, cau ä tün ne shin ah Jerusalem naw bawimang ah huham cu hnungtuk ng’küknet püi ci nei. Amät cu hnungtuk nak la yaica nak vai bik ci gui awn be ciah kyak ci nei.

EZEKIEL 3:1

Khaipughi naw pyen ci, “hnicim chang, Shinah ca k’chaw cu ei ä; cun kawn ah hteit ne Israel chang gui ah ma ah ng’thu pyen ä.”

EZRA 6:22

Ngami naw k’caw kä shum ah m’htut ei nak ah pawi cu hnüüp chih ung yeikyai ne bik ci gui. Ngami cu yeikyai aih ci gui. A i ah kyasei ci ung Bawipa naw Assiria ghangpughang cu ngami m’hlüngtai gui khai ah bii bik ci. Cun ah kyasei Israel Khanpughi ah Taigüim ami cawh ba nak bii ami bi cu ani naw k’cang na gui ci.

EZRA 7:13

Kei naw ka thukhän cu ka uknak khaw ung Israel chang avan Taigü gui, Levit gui la hteit ba hlük ci avan cu nang awn atäng ah Jerusalem ah hteit ba u sä.

DANIEL 9:25

Shin cu ngaih na ne hmuhmat vä. Jerusalem cawh ba vai ah thumkhän ah akhin ungka naw Khanpughi naw a ghü ah ang vaihta a law ung khut ciah khokum chih chih vei lüng khai, cun cu kum chukkip-lei goi chih vei khäng khai, cun ung phi cun cu khüikha nak ah khin ah kyak khai.