EZRA 5:8 - Cho Bible Common Language 2016

⁸ “Nang bawi naw na hmat khai nei, Keimi cu Judah khopäng ah hteit u neta, dämduh ciah Khanpughi ah Taigüim cu lung nu gui awn co ne khaai u ne, akpaang ung sing lawng nu gui ami dawn cu kami hmuk ci nei. Ami bi cu ang htei ah geing na ne bi u ne, ang khän ah bik ci gui nei.

EZRA 5:8 Referans Kwoze

DANIEL 6:26

Ka uknak ah khaw avan ung thukhän ka bik ci nei, Daniela ah Khanpughi cu chang nü naw a kyih vai nei, a chang m’sui vai nei. “Ani cu ghing ciah Khanpughi, Ani naw khonglän ung uk khai nei. Ani ah uknak khaw cu a i naw kä m’di hlawt khai nei, ani ah huham cu kä ng’pyi hlawt khai nei.

DANIEL 4:2

Hlüngtai ciah Khanpughi naw a nam hnuh ah cäicat gui vai la cäi aih gui vai cu ngai vä.

DANIEL 3:26

Nebukhadnezzar naw mei caang ah m’kawt ung law neta khü gui ci, “Shadrak! Meshak! Abedneko! Küikyang ciah Khanpughi ah chang shäm gui! Lut law ba vä!” cik ci. Cun a ci vai am ngami cu ang ghit ah lut law ba ci gui.

DANIEL 2:47

Ghangpughang naw, “Nang ah Khanpughi cu Khanpughi avan ah dämduh pi ci nei, ghangpughang gui ah bawipa ah kyak ci, cäiaih gui vai m’than ciah kyak ci. Kei naw shin cu ka hmat ci, a i ah kyasei ci ung, shin ah cäiaih vai gui cu nang naw na m’dang thei ah hmawk ah kyak ci.”

SAM 145:3

Bawipa cu dämduh ci kyasei, ak hlüngtai ah m’tamkhah vai nei; a dämduh nak cu kä hmat hlawt yawp vai kyak ci nei.

ESTA 1:22

Ani naw a khaw päng päng ung ami ng’thu phäh phäh awn ca gu ne m’khäh gui ne, ami cei phung cu amät ah im ung ang vaipi ah kyak khai, ani ah ng’thu cu tungpa khai cine ng’shäu ci.

ESTA 1:1

Persia khaw, Susa mang gaw, amang kyang ung om neta, Ghangpughang Ahasuerus naw khopäng 127, India ungka naw Sudan ung khüt khai ah avan uk ci.

NEHEMIAH 11:3

Ahei gawnu gui la mang gaw gui ung Israel chang gui, taigü gui, Levit gui, Taigüim ung bii bik ci gui, Solomon ah changshäm ah ang shon gui cu ami mät ah khawh awn, ami mät ah gawnu ung om ci gui. Shin cu Judah khopäng, Jerusalem ung om ciah ng’vai ciah ng’leimah gui tän gui ah kyak ci. Athaiah, Zekhariah ah tu Uzziah ah hta. Ahei ani ah a pupa gui cu Amariah, Shephatiah, la Mahalalela Judah ah hta Perez ah hta ng’shon gui.

NEHEMIAH 7:6

Omktu gui akda naw Babilon khopäng cu nawng shüt ne, Jerusalem la Judah ung law ba ci gui, ami mang gaw phäh phäh ung law ba ci gui. Ghangpughang Nebukhadnezzar naw pha ne thawng kyum ah hteh pui gui yung tün ne ami kyong chang gui cu Babilonia ah omktu ah kya ne om tuk ci gui.

EZRA 7:23

Khankho Khanpughi naw amät ah Taigüim ah phäh ah ak thäh phung cu, nangmi naw geing na ne nami pek vai, Kei ah khan ah phi kya, kei ah hnu ah uk lawk ciah khan ah phi kya, ani kä a m’lungshe phung en vai ah nami bi vai.

EZRA 6:10

Acun ah nami bi vai, cun ung ngami naw Kkankhaw Khanpughi naw a dou thei vai ah khawihnah nak cu douthak khai gui. Kei la ka hta gui ah phäh ah ani ah phyuhtheh nak cu ng’yoi thäh khai gui.

EZRA 2:1

Omktu khaw ah chang akda naw Babilon khopäng cu nawng shüt ne, Jerusalem la Judah khaw ung law ba ci gui. Ami mang gaw phäh phäh ung hteit ba ci gui. Ami kyong chang gui cu ghanpughang Nebukhadnezzar naw pha ne a law püi gui ung tün ne Babilonia ung omktu ah kya ne om tuk ci gui.

THULÄÄN NAK 32:31

Ami ga gui naw ami khanpughi gui cu aktha ken ciah hmat ci gui. Israel Khanpughi ah mäih ah kä m’gäi ci gui.

THULÄÄN NAK 10:17

Bawipa nami Khanpughi cu khanpughi avan khüm ci, huham avan uk ciah kyak ci. Ani cu dämduh ci, m’gäi ci, kyih vai ah kyak ci. Ani ung m’khom-hnga nak kä om ci, ani naw ng’mü khawh kä dou ci.

EZRA 5:7

“Ghangpughang Darius, na uk nak cu dim deeih sä,

EZRA 5:9

Cun kawn ah keimi naw chang ah ng’vai hta gui cu a u naw cawh ba vi ah huham pe gui sei, Taigüim co ne m’khüüp ne ami cicu ami na m’thein gui vai ah kami k’thäh gui ci.

EZRA 6:4

Paang gui cu lung kleep thum päng ah akhan ung sing klep ät ciah phah ne cawh vai. Ng’pyi ciah a phu avan cu bawi mang ah ngui m’küm ungka pek vai.