EZRA 5:3 - Cho Bible Common Language 2016

³ Acun vai am Euphratis akhei täng uktu Tattenai, Shethar Boyenai la ami paw bawi gui naw Jerusalem ah law u neta ami k’thäh cu shin ah Taigüim co ne m’khüüp vai ah a u naw ang thumkhän aning pek gui?

EZRA 5:3 Referans Kwoze

EZRA 6:6

Cun kawn ah Darus naw shin ah ng’thu m’hlan ba gui ci; “Tattenai, Euphratis akhei täng uktu, Shethar Boyenai, la Euphratis akhei täng ung na bawi gui, Taigüim awn ang shawng ah nami om vai.

EZRA 6:13

Cun kawn ah uktu bawi Tattenai, Shethar Boyenai, la ami bawi gui naw ghangpughang ah pyen ah mäih ah bik ci gui.

EZRA 5:9

Cun kawn ah keimi naw chang ah ng’vai hta gui cu a u naw cawh ba vi ah huham pe gui sei, Taigüim co ne m’khüüp ne ami cicu ami na m’thein gui vai ah kami k’thäh gui ci.

EZRA 1:3

Khanpughi naw aning chang gui avan ning om püi gui khai nei. Nangmi cu Jerusalem ah hteit ne Israel Khanpughi, Jerusalem ung khawihnah ah Khanpughi, Bawipa ah Taigüim cu nami co ba khai nei.

LAMKTU 4:7

Ngah mi naw ang düihpüi hnih cu ami ma ah m’düih u ne tah, “Nang ni naw a i cha shin na ni bi ang? a i hlüng tai nak, a u ah ng’ming awn na ni bi ang?” cine ng’ng’shi gawi ci gui.

MATTHE 21:23

Bawipa Jesuh naw pum im ah law ba ne am theithang gui yah ung taigüpa gui la ang vai gui cu Bawipa Jesuh ah pei ah law u netah, “Nang naw shin gui cu a i m’khüt näng nak awn na bi ang? Cun ah m’khüt näng nak cu a u naw a ning peit ang?” cine ng’shik ci gui.

EZRA 7:21

“Kei naw Euphratis akhei täng khopäng ung ngui m’kümbawi gui ami van am ka thumkhän gui ci, Taigü ah kya ne, khankho Khanpughi ah ang thukhän ung cüvai chang ah kyak ciah Ezra naw ak thäh phung cu aktung ah nami pek vai nei.

EZRA 5:6

Shin cu ngami naw ghangpughang am ami m’khäh ah ca ah kyak ci.

EZRA 4:12

“Nang kami bawi naw na hmat vai kami ng’yak hlü cu ahei na khopäng gui ungka lawk ciah Jew chang gui cu shin ung law u ne, Jerusalem ung khäng ne om u ne, shekha ne ng’küknet ciah mang gaw cu co ba ci gui nei. Ngami naw tün ne gawkpaang cu co ba pyi ci gui. Kä shou pha sei pyi lawk khai gui nei.

HAKKAI 1:1

Persia khaw ung Darius ghangpughang ah a kyak nak, a kum goi nak, a cha chuk nak ah hnüüp ät hnüüp ung Bawipa naw prophet Hakkai ung ng’thu pyen ci. Cun ah ng’thu cu Judah uktu bawi Shealtiel ahta Zerubbabel la taigütung Joshua, Jehozadak ah hta ah phäh ah kyak ci.

EZRA 4:9

“Uktu bawi Rehum, khopängbawi Shimshai la thawi gui ci gui, ahei bawi gui ami van ngami cu Erek, Babilon la Elam khaw Susa ami om nak ungka lawk ci gui.