EZRA 5:2 - Cho Bible Common Language 2016

² Shealtiela ah hta Jerubabel la Jehoyadak ah hta Joshua naw ami ng’thu pyen cu ng’ya ni neta Ngani naw Jerusalem ung Taigüim cu Tün ne co ni sei prophet goi naw cawh püi gui ci goi.

EZRA 5:2 Referans Kwoze

EZRA 3:2

Jehozadak ah hta Joshua la ak taigü paw gui, shealatiela ah hta Jerubabel la amätyah gui naw atäng ah Israel Khanpughi ah sonkiang cu co ba ci gui. Cun ah kya ne Khanpughi ah chang Moses ah thukhän ung ami guk ah mäih ah ngami naw sonkiang khan ung m’khih ne khawihnah nak cu bik ci gui.

EZRA 6:14

Jew ami ng’vai gui cu prophet goi Hakkai la Zachariah naw thagui pe gui u sei, Taigüim ami cawh cu bä law pi khai ah bik ci gui. Ngami naw Israel Khanpughi ah ang’thukhän la persia ghangpughang gui Sairus, Darius la Artaxerxes gui ah thukbäi awn ngami naw Taigüim cu m’khüüp ne co ci gui.

2 KORIN 1:24

Nangmi naw a i nami yum vai ah ning k’bäi gui ah kä kyak ci, nangmi ah yum nak cu khäng ciah kami hmat ci. Keimi naw nangmi ah yeikyai nak vai ah nangmi awn a täng ah kami bi ah kyak ci.

ZEKHARIAH 6:11

Ngami ah pek ah ghui la ngui gui awn lukhu pyang neta, Jehozadak ah hta, taigütung Joshua ah lu ung k’bün ä.

EZRA 10:18

Shin gui cu akhohei chang hnumi chu nak ci gui ah pami gui ah kyak ci; Joshua la aphäi nau gui ah pahta, Jehozadak ah hta gui, Maaseiah, Eliezer, Jarib la Kedaliah.

HAKKAI 2:18

Tuhngawi cu Taigüim lungtung k’süm, a küm nak ah a cha kaw nak, a hnüüp m’ku lei phi nak ah kyak ci. Tuhbäi ung tün ne ma lam ung a i ah a kyak law ah teng shüm vä.

EZRA 1:8

Ani naw cun gui cu mang ah ngui m’küm ciah angvai Mithredath am ap sei ani naw Sheshbayyar, Judah uktu am akni ah pyang ne

EZRA 3:8

Ngami cu Jerusalem Taigüim hmun ung ami gawk law nak ba kum, a cha goi nak ung Taigüim cawh vai cu tün ci gui. Jerubabel, Joshua la ami paw chang guitaigü gui, Levit gui, omktu khaw ah ka Jerusalem ah law ba ci gui, ami van naw law ne bi tuk ci gui. Levit gui ami van akho kum kum m’ku lawk ci la kum m’ku ah däm ci phung cu Taigüim cawh ba nak bi lawh nak ung tängpang ci gui.

ZEKHARIAH 4:4

Kei naw khanchang am, “Saya aw, shin gui ah mawng cu a i hawkcha ang?” cine ka ng’shik ci.

ZEKHARIAH 4:14

Cun kawn ah ani naw, “Shin ah angban goi cu chang sing goi ah kyak ci, Khanpughi naw abii bik khai ah a ghü, amdüih, m’dek khan avan ah bawi ah kyak ci.”

ZEKHARIAH 8:9

“K’thamah vä! Nangmi naw tuhbäi, Taigüim cawh ba vai ah lung k’tung ng’lin yah ung, prophet gui ah acun ah ng’thu bä cu nami ng’ya ba ci nei.