EZRA 5:16 - Cho Bible Common Language 2016

¹⁶ Cun ah kyasei Sheshbayyar law ne cun ah ng’nei cu m’düih ci. Ami cawh pyan nak cu cun ung tün ne tuh güt ung ah kyak ci. Cun ung phi Taigüim cu tuh güt kä ng’pyi ci, cine pyen ci gui.’

EZRA 5:16 Referans Kwoze

EZRA 6:15

Darius ghangpughang ah uk nak akum chuk nak Adar cha ah a hnüüp thum hnüüp ung ngami naw Taigüim cu pyi ci gui.

EZRA 3:10

Chang gui naw Taigüim ah ang nei m’düih vai ami tün law ung taigü gui cu suinu sui nephyungheng khawt u ne, ami ng’düih nak vai ung ng’düi ci gui. Ngami naw David ghangpughang ah khin ung ami dou ah m’shümthein nak gui awn Bawipa cu m’hlüngtai ne m’lau ci gui.

EZRA 3:8

Ngami cu Jerusalem Taigüim hmun ung ami gawk law nak ba kum, a cha goi nak ung Taigüim cawh vai cu tün ci gui. Jerubabel, Joshua la ami paw chang guitaigü gui, Levit gui, omktu khaw ah ka Jerusalem ah law ba ci gui, ami van naw law ne bi tuk ci gui. Levit gui ami van akho kum kum m’ku lawk ci la kum m’ku ah däm ci phung cu Taigüim cawh ba nak bi lawh nak ung tängpang ci gui.

HAKKAI 2:18

Tuhngawi cu Taigüim lungtung k’süm, a küm nak ah a cha kaw nak, a hnüüp m’ku lei phi nak ah kyak ci. Tuhbäi ung tün ne ma lam ung a i ah a kyak law ah teng shüm vä.

EZRA 5:2

Shealtiela ah hta Jerubabel la Jehoyadak ah hta Joshua naw ami ng’thu pyen cu ng’ya ni neta Ngani naw Jerusalem ung Taigüim cu Tün ne co ni sei prophet goi naw cawh püi gui ci goi.

JOHAN 2:20

Jew chang gui naw, “Shin ah pum im cu, kho kum phli-kip lei-chuk ung kami cawh nei, hnüüp thum ung na co ba hning khai ma?” cik ci gui.

EZRA 5:14

Nebukhadnezzar naw Jerusalem Taigüim ungka la ne Babilonia Taigüim kyong ah atha ah ghui la Taigüim ung mang ah ngui gui cu pe ba gui ci. Sairus naw cun gui cu Judah khaw uktu ah atha Sheshbayyar ming nak ciah chang ah a kut ung pe ba ci.

EZRA 5:15

Ghangpughang naw ani a pyen nak cu, cun gui cu la ba ne Jerusalem Taigüim ung na hteh püi ba vai. Taigüim cu ayan ung ang düi nak man ung na cawh ba vai.

ZEKHARIAH 4:9

“Zerubbabela naw Taigüim lung k’tung cu ng’ling ci nei. Cun ah im cu ani naw m’üp ne co khai nei. Shin gui a kyak awn ah ka chang gui naw hmat khai gui, ngami ah om nak ah ning tüi gui cicu kei ah kyak ci.