EZRA 4:9 - Cho Bible Common Language 2016

⁹ “Uktu bawi Rehum, khopängbawi Shimshai la thawi gui ci gui, ahei bawi gui ami van ngami cu Erek, Babilon la Elam khaw Susa ami om nak ungka lawk ci gui.

EZRA 4:9 Referans Kwoze

EZRA 6:6

Cun kawn ah Darus naw shin ah ng’thu m’hlan ba gui ci; “Tattenai, Euphratis akhei täng uktu, Shethar Boyenai, la Euphratis akhei täng ung na bawi gui, Taigüim awn ang shawng ah nami om vai.

EZRA 5:6

Shin cu ngami naw ghangpughang am ami m’khäh ah ca ah kyak ci.

2 GHANGPUGHANG GUI 17:24

Assirian uktubawi naw Babilon, Cuth, Ivvah, Hamath la Sepharvaim mang gaw gui ungka chang gui cu la gui neta, omktu ah om ci gui ah ami hnün, Samaria mang gaw gui ung ami om nak vai pe gui ci. Ngami naw cun ah mang gaw gui cu ka na u ne, a cun ung om ci gui.

LAMKTU 2:9

Mik mi cu Parthia, Media, lah Elam; Mesopotamia, Judea, lah Kappadocia,

DANIEL 8:2

Ka muimang ung kei cu ang ghit ah Elan khopäng Susa mang gaw paang ah kyong ah ka gawk ci. Cun ung kei cu Ulai tuinu pei ung ka düi ci,

EZEKIEL 32:24

“Elam cu a gakap gui ah ami ng’phuh hmun gui naw avan ung koi u sei acu ah om ci. Ngami ami van ng’tuk nak ung ngawn gui ci gui, ngami cu vun-ah nak kä bi ah sih nak ah kho ah hteit ci gui. Ami ghing sang ung ngami naw kyihkyawk nak cu k’püi ci gui, cun ung phi tuhbäi ngami cu sih ne ng’zän ne thui hmai ci gui.

JEREMIAH 49:34

Judah ung Zedekiah ghangpughang ah a kyak thai kawn ah Elam khopäng ah mawng m’äi ciah Bawipa naw na pyen nak ci.

ISAIAH 21:2

M’gäi cik nak gui, kä bekhüt nak gui la m’di m’shum nak gui cu kei naw ka muimang ung ka hmuk ci nei. Elam gakap gui, tuhnim vä! Media gakap gui, mang gaw gui cu khaai vä! Babilon naw a bi ah yaica nak cu khanpughi naw ng’pyi sak khai nei.

ESTA 2:3

Nang naw shin ah uknak khaw, khopäng avan ung bawi gui tha neta, ami van naw hnumi hta akiom gui cu, Shin ah mang gaw Susa ung nang ah ma ah ami law püi vai ah ng’thu nak bäi gui hning ci nei. Hnumi gui ung ang vaipi ah na tha ah Hekai am ap ung, ani naw akiom ah pyang tham khai nei.

ATÜNNAK 10:22

Shem ah hta gui cu Elam, Asshur, Aphakshad, Lud la Aram ah kyak ci. Ngami cu ming mah ne ng’shon ci gui ah kyak ci.

EZRA 4:8

Acun ah mäih ah uktu bawi Rehum la khopäng bawi Shimshai naw phi Artaxerxes am Jerusalem ah mawng cu shikcha ah guk ci goi.

NEHEMIAH 4:2

Apawchang gui la Samaritan gakap gui ah ma ah ani naw a pyen cu, “Ami k’tha kä om ciah shin ah Jew gui naw a i bik ci gui ah ang ami ngaih? Ngami naw mang gaw co ba khai gui ah ng’bü u ne ang? Ngami naw khawihnah ami douthak nak awn hnüüp ät ung pyi ne bi khai ah ngai u ne ma? Ngami naw im cawh nak ah lung gui cu mei ah m’khih ah ng’awt bum ung ka la ba khai gui ah ngai u ne ma?”

EZRA 5:3

Acun vai am Euphratis akhei täng uktu Tattenai, Shethar Boyenai la ami paw bawi gui naw Jerusalem ah law u neta ami k’thäh cu shin ah Taigüim co ne m’khüüp vai ah a u naw ang thumkhän aning pek gui?