EZRA 4:7 - Cho Bible Common Language 2016

⁷ Persia ghangpughang Artaxerxes ah uk sangung phi, Bishlam, mithredoth, talbeela la ngami thawi gui ci gui naw ghangpughang am ca gu ne pek ci gui. Ca cu Aramaik ca awn guk ah kyasei, k’phlan ne phat vai kyak ci.

EZRA 4:7 Referans Kwoze

2 GHANGPUGHANG GUI 18:26

Eliakim, Sheba la Joah naw cun ah bawi am, “Saya, Hebrew ng’thu awn kä ng’thu ä, Aramaik ng’thu awn na ng’thu püi gui ä, cun ung keimi naw kami hmat khai, k’paang ah khan ah om ciah chang gui avan naw ngai ci gui nei” cik ci gui.

DANIEL 2:4

Ngami naw Aramaik ng’thu awn m’shang u ne, “Kami ghangpughang aw, ghi ne ghing ä Na mang cu na m’thein gui ä Ka mi ning k’phlan pek khai nei” cik ci gui.

ISAIAH 36:11

Eliakim, shebna la Joah ni naw a cun ah bawi am, “Aramaik thu awn ng’htau vä. Keimi naw kami hmat ci nei. Hebru thu ah kä ng’thu vä; vongpang khan ah om ciah chang avan naw ngai ci gui nei” cik ci gui.

EZRA 4:17

Ghangpughang naw shicha ah m’shang gui ci, “Rehum, uktu bawi, khopäng bawi Shimshai la Samaria la Uphratis akhei täng ung om ciah ami paw chang gui, ning yavaih nak gui nei.

EZRA 4:9

“Uktu bawi Rehum, khopängbawi Shimshai la thawi gui ci gui, ahei bawi gui ami van ngami cu Erek, Babilon la Elam khaw Susa ami om nak ungka lawk ci gui.

EZRA 5:6

Shin cu ngami naw ghangpughang am ami m’khäh ah ca ah kyak ci.

EZRA 4:1

Judah la Benjamin chang gui ah ami ga gui naw Omktu khaw ah ka law ba ci gui naw Israel Khanpughi Bawipa ah Taigüim co law ba ci gui cicu ng’yak ci gui.

EZRA 4:8

Acun ah mäih ah uktu bawi Rehum la khopäng bawi Shimshai naw phi Artaxerxes am Jerusalem ah mawng cu shikcha ah guk ci goi.

EZRA 8:36

Ngami naw ghanpughang ah pek gui ah cacun phi la u neta, Euphratis akhei täng khopäng gui ung uktu gui la bawi gui am pek ci gui. Cun gui naw chang gui cu m’hteihtang gui u ne, Taigüim khawihnah nak ung k’tha na püi gui ci gui.

EZRA 7:1

Khokum akda lüng khäta, Artaxerxes cu Persia ghangpughang ah a kyak yah ung, Ezra ming nak ciah chang tumat om ci. Ani naw apupa gui cu Taigütung Aaron ung va leng ne shin ah ng’dang sak ci. Ezra cu Seriah ah hta, Seriah cu Azariah ah hta, Azariah cu Hikiah ah hta,

NEHEMIAH 2:1

Cha phli a lung kawn ah hnüüp ät ung uktubawi Artaserxes naw mü ei a ei yah ung kei naw sapyit tui ka thak ci. Ani naw a yanä kei ka hmai m’kyum ngä sei kä na hmuh man ci.

DANIEL 11:2

“Tuhbäi kei naw ka ning m’thein law vai cu akcang ah kyak ci nei.” Khanchang naw pyen ci, “Persia cu ghangpughang thum naw uk ba khai gui, cun kawn ah ak phli nak naw uk khai. Ani cu ahei gui ami van ah bämang pi khai. Ani cu huham mah pikbäih, bühmang pikbäih ne a kyak law ung Kreece uktu khaw cu ghüh law tuk khai.