EZRA 4:4 - Cho Bible Common Language 2016

⁴ Cun kawn ah acun ah khaw ung ana om ciah chang gui naw Jew chang gui cu ami tha ken sei kyih u ne, kä ami cawh kyan ba vai ah bik ci gui.

EZRA 4:4 Referans Kwoze

EZRA 3:3

Omktu khaw ah ka law ba ci gui naw acun ah khaw ung ana om ciah chang gui cu kyih gui ci gui. Cun ung phi sonkiang cu ayan a om nak ung co ba ci gui. Cun kawn ah ngami naw ami bi man ah khongawi la mühun ung m’khih ne khawihnah nak cu sonkiang khan ung bi ba ci gui.

JEREMIAH 38:4

BAWI gui naw ghangpughang ah hteit neka ami pyen cu, “shin ah chang cu ngawn vai nei. Shinah mäih ah ng’thu pyen ne ani naw mang gaw kyong ah gakap gui cu k’tha ken sak ci. Ani naw chan gui m’htei gui vai ah a i kä bik ci, cmi nat nak vai vah ng’ya hlük ci.”

NEHEMIAH 6:9

Keimi kami bii kami m’düm vai ah ngami naw k’tha na ne na m’kyih gui ci gui, “Cun ung phi tuhbäi, Khanpughi aw na thamah sak ba ä” cine ka taigü ci!”

NEHEMIAH 4:11

Kami ga gui naw keimi naw kä ka mi hmu gui khai, keimi ah khan ah ngami naw ami bi law ge güt, a i ah kya te ci, ci cu kä pyen ah ngai u ne, keimi na ngawn gui ne, kami bi düm sak khai gui ah ngai ci gui nei.

2 SAMUEL 4:1

Saul ah hta Ishbosheth naw Hebron ung Abner ami ngawn cu ng’ya ne, ani cu kyi neta, Israel chang avan cu m’tho let gui ci.

EZRA 4:5

Ngami naw persia uktu bawi gui am ng’mü khawh pe u ne, ami hnungtuk püi gui vai ah bik ci gui. Ngami naw acun ah Sairus ah uk yah pum ungka naw Darius ah uknak ung khüt sei bik ci gui.

NEHEMIAH 4:2

Apawchang gui la Samaritan gakap gui ah ma ah ani naw a pyen cu, “Ami k’tha kä om ciah shin ah Jew gui naw a i bik ci gui ah ang ami ngaih? Ngami naw mang gaw co ba khai gui ah ng’bü u ne ang? Ngami naw khawihnah ami douthak nak awn hnüüp ät ung pyi ne bi khai ah ngai u ne ma? Ngami naw im cawh nak ah lung gui cu mei ah m’khih ah ng’awt bum ung ka la ba khai gui ah ngai u ne ma?”

DANIEL 10:13

Persia uktu ah khanhta ng’piang naw hnüüp m’ku lei ät ung na hnu nak ci nei. Cun kawn ah khanchang gui ungka ang vaipi tumat Michaela naw law ne kei cu na m’htei ci, a i ah kyasei ci ung Persia ung kei cu ka mät hta bäng ka om shüt ciah kyak ci.

DANIEL 10:20

Ani naw pyen ci, “Kei a i ah kyasei nang ah ka law cu na hmat naw? Düng ciah ca-uk ung ami guk cu nang ung m’than vai ah kyak ci nei. Tuhbäi kei naw hteit ba ne Persian ngäng ciah khanchang cu ka tuk khai nei. Cun kawn ah Kreece ngäng ciah khanchang cu dang lawk khai nei. Michaela, Israel gui ngäng ciah khanchang ah kawn ah kei na m’htei ci a u kä om khai nei.