EZRA 4:3 - Cho Bible Common Language 2016

³ Zerubabel, Joshua la a hta gui la ami ng’vai gui na ngami ami pyen nak gui cu, “Kami Khanpughi, Bawipa ah Taigüim cawh nak ung, nangmi ah bawm vai kä hlü ci nei, Sairus, Persia Ghangpughang naw ana thumkhän gui ah mäih ah kami mät naw kami co khai nei” cik ci gui.

EZRA 4:3 Referans Kwoze

NEHEMIAH 2:20

Kei naw m’shang gui ne, “Khankhaw Khanpughi naw näng nak na pe gui khai. Keimi cu ani ah na changshäm gui, keimi naw tuhbäi ung tün ne kami cokyang lawk khai. Cun ung Jerusalem ung nang ah chaw tu vai a i khawh phi kä om ci, na ng’pai tu vai ah thungyo phi kä om ci.”

LAMKTU 8:21

Khanpughi ah ma ah nang ngaih käng düng ci kyasei kei mi ah bi nak ung, nang kä na bi tuk khai.

MATTHE 10:16

‘Ngai vä! Hngei khli ah ng’lung ah htome hta chah ah mäih ah, kei naw ka ning tüi gui ci nei. Cun ah kyasei, k’phyu ah mäih ah theileh u ne, am äm kä om ciah müm kha ah mäh ah nami m’lung gei sä.

ISAIAH 45:4

Ka chang shäm Israel, kei naw ka ghü ah chang cu na m’htei htang khai ah, kei naw nang cu ka ning m’düih nei. Kei naw nang cu adämduh ah ka ning m’tamkhah nei. Cun pang ung phi nang naw kei cu kä na na hmat ci nei.

ISAIAH 44:28

Kei naw Sairus cu ka pyen nak ci, ‘Nang naw kei ah phäh ah na uk khai nei; Kei naw ka ning bi sak hlü cu nang naw na bik khai nei. Jerusalem cawh ba vai la Taigüim ah angnei k’süm vai ah, nang naw ng’thu nak’bäi vai nei.’”

2 SHONTÄP NAK 36:22

Sairus cu Persia ung uktubawi ah a kyak nak a kum ät nak ung Bawipa naw Jeremiah ung a pyen ah ng’thu cu bä khai ah bik ci. Ani naw Sairus cu k’tawt shi ne thumkhän tei sak ne, gu neta ani ah uknak khaw avan ung m’lau ne ami phat vai ah pyen ci.

JOHAN 4:9

Cun ah hnumi naw, ‘Nang cu Jew chang ah na kyak ci, kei cu Samaritan chang ah ka kyak ci, a i vai tui na na ng’yoih ang?” cik ci. (Jew chang gui cu Samaritan chang gui ah ei awk nak ung, kä ei aw tu man ci gui ah kyasei, cun ah a pyein ah kyak ci.)

EZRA 1:1

Sairus cu Persia Uktubawi ah a kyak nak akum htük nak ung prophet Jeremiah ung Bawipa naw a pyen ah ng’thu cu bäi lawk ci. Ani naw Sairus cu a shin ah thumkhän ang ng’shäu vai ah thawh let sak ci. Ca awn gu neta ani ah uknak khaw nü ung m’lau ne phat vai ah tüi gui ci.

EZRA 1:2

Shin cu Persia uktubawi Sairus ah thumkhän nei. Bawipa, Khankho ah Khanpughi naw m’dek ah khan avan ka uk vai ah na pyang ci nei. Judah khaw Jerusalem ung ani ah phäh ah Taigüim cawh vai ah bi vai na pek ci nei.

EZRA 3:8

Ngami cu Jerusalem Taigüim hmun ung ami gawk law nak ba kum, a cha goi nak ung Taigüim cawh vai cu tün ci gui. Jerubabel, Joshua la ami paw chang guitaigü gui, Levit gui, omktu khaw ah ka Jerusalem ah law ba ci gui, ami van naw law ne bi tuk ci gui. Levit gui ami van akho kum kum m’ku lawk ci la kum m’ku ah däm ci phung cu Taigüim cawh ba nak bi lawh nak ung tängpang ci gui.

EZRA 1:3

Khanpughi naw aning chang gui avan ning om püi gui khai nei. Nangmi cu Jerusalem ah hteit ne Israel Khanpughi, Jerusalem ung khawihnah ah Khanpughi, Bawipa ah Taigüim cu nami co ba khai nei.