EZRA 4:2 - Cho Bible Common Language 2016

² Cun ah kyasei ngami naw Zerubabel la pahta gui ung aming’vai gui cu hteit ne hmu gui u neta, “Taigüim cawh nak ung kami co tuk khai nei, nangmi ah khawihnah ah Khanpughi bä keimi phi kami khawihnah ci nei. Assiria ghangpughang Esarhaddon naw shin ung om vai ah ana tüih law gui ge ung ani am keimi naw khawihnah nak akami douthak ci nei,” cik ci gui.”

EZRA 4:2 Referans Kwoze

2 GHANGPUGHANG GUI 19:37

Hnüüp ät ung ani cu Taigüim ung a khanpughi Nisroch a khawihnah sang ung a hta goi, Adrammelech la Sharezer naw ani khim awn ngawn ni neta, Ararat khaw ah dawng ne phyawng ci goi. Ahei a hta gui ungka Esarhaddon cu ani ah hnün ung uktubawi ah kya ba ci.

2 GHANGPUGHANG GUI 17:24

Assirian uktubawi naw Babilon, Cuth, Ivvah, Hamath la Sepharvaim mang gaw gui ungka chang gui cu la gui neta, omktu ah om ci gui ah ami hnün, Samaria mang gaw gui ung ami om nak vai pe gui ci. Ngami naw cun ah mang gaw gui cu ka na u ne, a cun ung om ci gui.

2 TIMOTHI 3:8

Jannes la Jambres naw Moses cu ani hnu ng’tuk püi ah mäih ah, cun ah chang gui naw thu thuuk cu hnu ng’tuk püi ci gui nei. Ngahmi cu lulang cüivai nak kä om sei ami yum nak she pyi ciah chang gui ah kyak ci.

KALATIAN 2:4

cun ung phi amshah gui lä naw bi sak vai ng’ya hlük ci gui. Cun ah chang amshah gui cu, keimi naw Bawipa Jesuh ung kami kawng ät nak awn kami gah ah ng’päiye nak cu na k’tä gui hlü neh keimi ah ng’bum nak ung lut law tuk ci gui ah kyak ci. Ngami naw mikmi cu na khlei htein ah gui hlük ci gui.

HOSEA 14:3

Assiria naw kä na hun gui hning ci. Ng’tuk ciah ng’se gui naw kä na shungvong gui hning ci. Keimi naw kami pyan ah agup gui am kami Khanpughi ah kä kami pyen ba khai. O Bawipa ami ng’hlah shi vai kä om ci gui ah khan ah na chimgein nak m’dang ä.”

ISAIAH 37:37

Cun ung Assirian ghangpughang Sennachezib cu a hwai m’hlat ne ng’hlat ba ne Nineveh ah hteit ba ci.

SAM 73:8

Ngami cu chang gaih tu u ne akshe ah pyen ci gui, Ngami cu m’gäi u ne chang shedam nak vai bäng pawngpüi ci gui.

EZRA 3:12

A htük ung Taigüim hmu man ci gui ah taigügham gui, Levit gui la pahta ung ami ng’vai gui akda naw Taigüim ang nei m’düih law cu hmu u neta, kyap ne m’lau ci gui. Cun ung phi cun ung om tuk ciah ahei chang gui cu yei ne m’lau ci gui.

EZRA 3:2

Jehozadak ah hta Joshua la ak taigü paw gui, shealatiela ah hta Jerubabel la amätyah gui naw atäng ah Israel Khanpughi ah sonkiang cu co ba ci gui. Cun ah kya ne Khanpughi ah chang Moses ah thukhän ung ami guk ah mäih ah ngami naw sonkiang khan ung m’khih ne khawihnah nak cu bik ci gui.

EZRA 2:2

Ami ng’vai gui cu Zerubabela, Joshua, Nehemiah, Seraiah, Reelaiah, Mordekai, Bilasham, Mispara, Bikvai, Rehum la Baanah ah kyak ci gui. Shin cu Israel pahta ang’täm ah kyak ci, omktu khaw ah ka law ba ci gui ami pahta phäh phäh ah khei gui ah kyak ci:

EZRA 1:5

Cun kawn ah Judah la Benjamin pakhui ung ami pahta ng’vai gui, Taigü gui, Levit gui la Khanpughi naw ami m’lungkyong ung ang dang na gui cu hteit ge u ne, Bawipa ah Taigüim cu Jerusalem ung co khai gui.

2 GHANGPUGHANG GUI 17:41

Cun ah kya ne cun ah chang gui naw Bawipa cu khawihnah ci gui, ami mät ah a gup gui phi khawihnah ci gui; tuhngawi güt ung phi ami htangshon gui naw acun ah mäih ah bi tu lä ci gui.

ATÜNNAK 10:11

Cun ungka naw Assiria khaw ah hteit ne, Nineveh, Rehoboth Ira, Kalah la Resen mang gaw gui cu sa ba ci.

NEHEMIAH 9:32

“O Khanpughi, kami Khanpughi, a i hlawk ah na dämduh ci ang! A i hlawk ah kyih vai kya ne, a i hlawk ah na huham mah ci ang! Na thukhän shaitaak cu nang naw bekhüt ne na k’pang ci nei. Asirian ghanpughang gui naw ami nak shedam nak gui ungka naw, tuhngawi güt ung, a i hlawk ah keimi kami yaica ci ang! Kami ghangpughang gui, kami ng’vai gui, kami taigü gui, prophet gui, kami pupa gui, kami chang gui avan yaica ci gui. A i hlawk ah kami yaica cu na shüm gui ä!

ISAIAH 37:38

Hnüüp ät ung ani naw a khanpughi Nisrok cu a Taigüim ung a khawihnah sang ung a hta hnih ah kyak ciah Adrammelech la Sharezer naw ami cu ani khimsem awn ngawn ni neta Ararat kho ah phyawng ne om ci goi. Ahei a hta gui ung ka Esarhaddon cu ghangpughang ah ngo ba ci.