EZRA 4:15 - Cho Bible Common Language 2016

¹⁵ Tuhbäi na pupa gui ah gimtha man gui cu shui teng sak gui ä. Cun ung shin ah mang gaw cu ak phlüt ah hnungtuk ciah gaw, cau ä tün ne ghhangpughang gui la khopäng uktu gui khüikha sak ciah gaw ah na hmuk khai nei. Shin ung chang gui cu akphlü ah uk gui vai khak ci nei. Cun ah kyasei mang gaw cu ami m’di ah kyak ci nei.

EZRA 4:15 Referans Kwoze

EZRA 4:12

“Nang kami bawi naw na hmat vai kami ng’yak hlü cu ahei na khopäng gui ungka lawk ciah Jew chang gui cu shin ung law u ne, Jerusalem ung khäng ne om u ne, shekha ne ng’küknet ciah mang gaw cu co ba ci gui nei. Ngami naw tün ne gawkpaang cu co ba pyi ci gui. Kä shou pha sei pyi lawk khai gui nei.

NEHEMIAH 6:6

Cun ah ca ung: “Nang la Jew chang gui naw, mangpaang nami cawh ba cu, nami ng’küknet nak vai ah nami pawng ah pyen ne, peileng ung chang gui naw ami pyen ah thumgawng om ci, Keshem naw kei am na m’thein ci. Ani naw a pyen ba mä cu, na mät ghangpughang ah na kyak khai ah na pawng htein,

NEHEMIAH 2:19

Keimi naw cun ah kami pawng püi cu, Sanballat, Tobiah la Keshen ming nak ciah Arab naw ng’ya u neta, na gaih tu gui ne ami pyen cu, “Nangmi naw a i bi vai ang nami pawng püi? Nangmi naw uktu bawi hnung tuk vai ah nami pawng ne ma?” cik ci gui.

2 GHANGPUGHANG GUI 25:4

mang gaw k’paang gui cu gäi ci gui. Babilonian gakap gui naw mang gaw cu khaai pang u sei phi gakap gui ami van mü ah dawng yawp ci gui. Ngami cu bawimang ah duum täng ah dawng u ne, k’paang goi ah angchum nak ah m’kawt ung hteit u ne, Jordan khongnawi täng ah dawng ci gui.

2 GHANGPUGHANG GUI 24:20

Bawipa naw Jerusalem la Judah chang gui ah khan ah ang htei ah m’lungshe neta, ani naw amät ungka naw k’täm gui ci.

EZRA 4:14

Keimi cu nang bawi ah na ka ung kami om ci kyasei Shin ah mäih ah akyak vai cu kä kami hmu hlük ci nei. Cun ah kyasei kami ning m’cäimthein nei.

EZRA 4:16

Cun ah kyasei keimi naw kami ning pyen nak cu shin ah mang gaw cu co ba ne gawpaang cu ami m’üp ba ah a kyak ung Euphratis akhei lam khopäng cu nang bawi naw kä na kut shum ba hlawt khai nei,” cik ci gui.

ESTA 2:23

Cun ah mawng cu ng’shi gui u ne, akcang ah a kyak cu hmu u neta, ani nik hnih cu singtung ung m’awh goi ci gui. Cun ah amawng gui cu uknak khaw ah yungca ung ami guk vai ah ghangpughang naw k’bäi gui ci.