EZRA 4:12 - Cho Bible Common Language 2016

¹² “Nang kami bawi naw na hmat vai kami ng’yak hlü cu ahei na khopäng gui ungka lawk ciah Jew chang gui cu shin ung law u ne, Jerusalem ung khäng ne om u ne, shekha ne ng’küknet ciah mang gaw cu co ba ci gui nei. Ngami naw tün ne gawkpaang cu co ba pyi ci gui. Kä shou pha sei pyi lawk khai gui nei.

EZRA 4:12 Referans Kwoze

EZRA 5:9

Cun kawn ah keimi naw chang ah ng’vai hta gui cu a u naw cawh ba vi ah huham pe gui sei, Taigüim co ne m’khüüp ne ami cicu ami na m’thein gui vai ah kami k’thäh gui ci.

EZRA 5:3

Acun vai am Euphratis akhei täng uktu Tattenai, Shethar Boyenai la ami paw bawi gui naw Jerusalem ah law u neta ami k’thäh cu shin ah Taigüim co ne m’khüüp vai ah a u naw ang thumkhän aning pek gui?

2 SHONTÄP NAK 36:13

Zedekiah naw Ghangpughang Nebukhadnezzar cu hnungtuk püi ci, ani naw Khanpughi ah ming ung taam ne, a bekhüt vai ah ak ghuih ah pyen nak ci. Cun ung phi ani cu amlung ling ne, kä ng’yu ba ne, Israel Khanpughi Bawipa ah kä ng’hlat law ba ci.

1 THESSALONIAN 5:22

akshe phung cu nami nawng vai nei.

LAMKTU 24:5

Shin ah chang cu k’tüphlawh thei ciah kyihkyawk vai ah chang ah kami hmuk ci nei. Ani naw khom’dek khan ung Judah chang gui thüngphyong khai gui ah tüihtok gui ci nei. Ani cu Nazaret chang ah pati ung ng’vai tumat ah kyak ci nei.

LUKA 13:34

“Aw Jerusalem, Jerusalem, Profet gui na ngawn ci, Khanpughi ah ng’shä chang gui lung awn na vawi ci, ai nu naw ai hta gui ak boop gui ah mäih ah kei naw nang ah hta gui ka k’bum nak hlü gui cu da lawk ci, cun ung phi nang naw, kä na ng’ya hlük ci.

DANIEL 9:25

Shin cu ngaih na ne hmuhmat vä. Jerusalem cawh ba vai ah thumkhän ah akhin ungka naw Khanpughi naw a ghü ah ang vaihta a law ung khut ciah khokum chih chih vei lüng khai, cun cu kum chukkip-lei goi chih vei khäng khai, cun ung phi cun cu khüikha nak ah khin ah kyak khai.

JEREMIAH 52:3

Bawipa cu Jerusalem la Judah chang gui ah khan ah m’lungshe aih neta, a hmuh nak ung ka naw k’täm gui ci. Zedekiah naw Babilon ghangpughang Nebukhadnezzar cu hnung tuk püi ci.

NEHEMIAH 1:3

Ghing ne k’pawih ba ne ng’dükhaw ah law ba ci gui cu ang htei ah khüikhaa u ne, ami pei ng’leng ah om ciah khuihei chang gui naw yawkshe na gui ci gui, cine na m’thein ci gui. Ngami naw ami na m’thein ba cu, Jerusalem mang pang gui cu tuhbäi shekha lä ci nei, m’kawt gui phi mei naw a uih kawn ah a u naw kä a pyan ba nei.

EZRA 4:19

Kei naw thukbäi ne apüh akheh ah bi sak gui neta cun cu akcang ah ka hmuk ci nei, cau ä tün ne shin ah Jerusalem naw bawimang ah huham cu hnungtuk ng’küknet püi ci nei. Amät cu hnungtuk nak la yaica nak vai bik ci gui awn be ciah kyak ci nei.

EZRA 4:15

Tuhbäi na pupa gui ah gimtha man gui cu shui teng sak gui ä. Cun ung shin ah mang gaw cu ak phlüt ah hnungtuk ciah gaw, cau ä tün ne ghhangpughang gui la khopäng uktu gui khüikha sak ciah gaw ah na hmuk khai nei. Shin ung chang gui cu akphlü ah uk gui vai khak ci nei. Cun ah kyasei mang gaw cu ami m’di ah kyak ci nei.

2 GHANGPUGHANG GUI 24:1

Jehoiakim ghangpughang ah a kyak yah ung Babilonia ghangpughang Nebukhadnezzar naw Judah cu tu ne khokum thum ung hnim ne uk ci, cun ung phi akum thum ung ani naw hnungtuk püi ci.

2 GHANGPUGHANG GUI 18:20

Ani naw akthäh cu, Ga tuk nak la ga näng nak cu ng’thu m’gawng naw m’khüt khai ah na ngai ne ma? Assiria na hnugntuk nak püi ung a u naw ning bawm khai ah na ngai ne ang?

EZRA 4:11

Cun ah ca cu shin ah kyak ci; Uktubawi Artaxerxes am Euphratis akhei täng ah ka na changshäm gui naw ca kami ning pe lawk ci nei.

ESTA 3:8

Cun ah kyasei Haman naw ghangpughang am, am thein cu, “Na uknak ah khaw avan ung püi ne om ciah changpakhui tumat om ci, cun gui cu khopäng päng ung hmuh gui vai kyak ci, Ngami ah thungyo cu ahei chang gui ah thungyo awn kä täng ci. Ngami naw uknak khaw ung thukhän gui cu kä läk ci gui. Cun ah kyasei nang naw m’lung sau ne na om ung kä bä khai nei.

DANIEL 3:8

Acun ung Babilonian gui naw Jew k’bu “n ne thu ami sha “u nak vai om lawk ci.

NEHEMIAH 6:6

Cun ah ca ung: “Nang la Jew chang gui naw, mangpaang nami cawh ba cu, nami ng’küknet nak vai ah nami pawng ah pyen ne, peileng ung chang gui naw ami pyen ah thumgawng om ci, Keshem naw kei am na m’thein ci. Ani naw a pyen ba mä cu, na mät ghangpughang ah na kyak khai ah na pawng htein,