EZRA 3:8 - Cho Bible Common Language 2016

⁸ Ngami cu Jerusalem Taigüim hmun ung ami gawk law nak ba kum, a cha goi nak ung Taigüim cawh vai cu tün ci gui. Jerubabel, Joshua la ami paw chang guitaigü gui, Levit gui, omktu khaw ah ka Jerusalem ah law ba ci gui, ami van naw law ne bi tuk ci gui. Levit gui ami van akho kum kum m’ku lawk ci la kum m’ku ah däm ci phung cu Taigüim cawh ba nak bi lawh nak ung tängpang ci gui.

EZRA 3:8 Referans Kwoze

EZRA 4:3

Zerubabel, Joshua la a hta gui la ami ng’vai gui na ngami ami pyen nak gui cu, “Kami Khanpughi, Bawipa ah Taigüim cawh nak ung, nangmi ah bawm vai kä hlü ci nei, Sairus, Persia Ghangpughang naw ana thumkhän gui ah mäih ah kami mät naw kami co khai nei” cik ci gui.

1 SHONTÄP NAK 23:4

Ghangpughang naw phia phia m’ku lei phli cu Taigüim ung bii bik khai ah tha gui ci, phia chuk kip cu ca guk sak gui ne, ng’thumcha pyen sak ciah tha gui ci.

KHEI NAK 4:3

Pami avan a khokum thumkip la hmakip ah ng’lak ungka, Bawipa ah om nak ah Phung ung bilo hning khai phung cu, ang ming na guk vai.

EZRA 3:2

Jehozadak ah hta Joshua la ak taigü paw gui, shealatiela ah hta Jerubabel la amätyah gui naw atäng ah Israel Khanpughi ah sonkiang cu co ba ci gui. Cun ah kya ne Khanpughi ah chang Moses ah thukhän ung ami guk ah mäih ah ngami naw sonkiang khan ung m’khih ne khawihnah nak cu bik ci gui.

EZRA 5:16

Cun ah kyasei Sheshbayyar law ne cun ah ng’nei cu m’düih ci. Ami cawh pyan nak cu cun ung tün ne tuh güt ung ah kyak ci. Cun ung phi Taigüim cu tuh güt kä ng’pyi ci, cine pyen ci gui.’

ZEKHARIAH 4:9

“Zerubbabela naw Taigüim lung k’tung cu ng’ling ci nei. Cun ah im cu ani naw m’üp ne co khai nei. Shin gui a kyak awn ah ka chang gui naw hmat khai gui, ngami ah om nak ah ning tüi gui cicu kei ah kyak ci.

ZEKHARIAH 6:12

M’gäi ciah Bawipa ah ng’thu na m’thein vai cu, Ang ban ah ami khü ah chang cu, acun ung om ci khäng ne, Bawipa ah pum im cu co ba ci nei.

1 SHONTÄP NAK 3:17

Shin cu ghangpughang Jehoiachin ah htangshon gui ah kyak ci, ani cu Babilonian gui naw ami pha ah kyak ci. Jehoiachin ung a hta chih lawk ci: Shealtiela,

EZRA 2:2

Ami ng’vai gui cu Zerubabela, Joshua, Nehemiah, Seraiah, Reelaiah, Mordekai, Bilasham, Mispara, Bikvai, Rehum la Baanah ah kyak ci gui. Shin cu Israel pahta ang’täm ah kyak ci, omktu khaw ah ka law ba ci gui ami pahta phäh phäh ah khei gui ah kyak ci:

EZRA 4:24

Taigüim ami cawh ba ng’lung ami ng’düm nak cu Persia ghangpughang dirius ah uk nak akum goi nak güt ung om lä ci.

EZRA 5:2

Shealtiela ah hta Jerubabel la Jehoyadak ah hta Joshua naw ami ng’thu pyen cu ng’ya ni neta Ngani naw Jerusalem ung Taigüim cu Tün ne co ni sei prophet goi naw cawh püi gui ci goi.

EZRA 10:18

Shin gui cu akhohei chang hnumi chu nak ci gui ah pami gui ah kyak ci; Joshua la aphäi nau gui ah pahta, Jehozadak ah hta gui, Maaseiah, Eliezer, Jarib la Kedaliah.

HAKKAI 1:1

Persia khaw ung Darius ghangpughang ah a kyak nak, a kum goi nak, a cha chuk nak ah hnüüp ät hnüüp ung Bawipa naw prophet Hakkai ung ng’thu pyen ci. Cun ah ng’thu cu Judah uktu bawi Shealtiel ahta Zerubbabel la taigütung Joshua, Jehozadak ah hta ah phäh ah kyak ci.