EZRA 3:7 - Cho Bible Common Language 2016

⁷ Chang gui naw lung im co ci gui la peen im co ci gui am pek gui vai ah ngui cu pek ci gui. Lebanon ah ka cedar sing gui ami m’thawng nak ah Tire la Sidon mang gaw chang gui am ei vai awk vai la oliv situi gui cu pek ci gui. Ngami naw tuinu ung Joppa ah ami law püi vai ah kyak ci. Cun gui avan cu Persia uktu bawi Sairus ah shai chah nak awn ami bi ah kyak ci.

EZRA 3:7 Referans Kwoze

1 GHANGPUGHANG GUI 5:6

Cun ah kyasei kei ah hmawk ah cedar sing gui chuk khai ah na chang gui cu lebanon ah tüi gui ä. Ka chang gui cu ngami awn a täng ah ng’bik khai gui, nang naw na k’bäi ah mäih ah, a i hawkcha ah sing chuk vai cicu kei ah ka chang gui naw nang ah chang gui hlawk ah kä hmat ci gui.”

LAMKTU 12:20

Herod cu Tire la Sidon ung om ci gui ah chang gui ah khan ah ang htei ah m’lung she khätah, ngami cu ng’cut u ne ani cu hmuk khai gui ah lawk ci gui. Ak htük bäih ah mang im uk ciah chang Blastus cu hmuh u netah, ani ah m’gein nak gui awn ghangpughang ah hteit u ne dim gei nak htu pyein ci gui. A i ah kya sei ci ung ngami cu Herod ah kho ungka ei auk vai ami gah tu ah hmawk ah kyak ci.

LAMKTU 9:36

Joppa pigaw ung, Khanpughi yum ci, Tabitha ming nak ciah hnumi tumat om ci. (Karik thu awn ah ming cu Dorcas ah kya ne kigang ciah kyak ci.) Ani cu angtäi sei ak ni bi ne chang phi geinsei ci.

JONAH 1:3

Cun ung phi Jonah cu pawng ne Bawipa hnu na ne a lam hei ung hteit ci. Ani cu Joppa ah hteit ci, cun kawn ah Spain ah hteit khai ah htinpaw cu hmuk ci. Ani naw htinpaw ah ang khah pe ne ngami awn atäng ah hteit tuk ci. A cu ah ani cu Bawipa awn ang shawng vai ah phäh ah kyak ci.

EZEKIEL 27:17

Judah la Israel gui naw nang ah khawh cu, cuung htang, khoitui, oliv-situi la tui ng’ui awn hleih lawk ci gui.

LAMKTU 9:38

Lidda pigaw cu Joppa gawnu awn et ci kyasei, yum ciah chang gui naw Peter cu Lidda ah a om hmat u netah, “Keimi ah ak yang ah a law vai nei” ci ne m’cäi ne chang hnih tüi ci gui.

LAMKTU 9:43

Peter cu cun ah Joppa pigaw ah mehvun pyang ciah Simon awn a täng ah ak sho om tuk ci.

2 SAMUEL 5:11

Tire ghangpughang Hiram naw sumlei vai ah chang tüi law ne, cedar k’pen gui la sing im k’co gui lung im k’co gui cu mang im co khai gui ah tüi law gui ci.

EZRA 3:6

Cun ung phi chang gui naw pum im cawh ba vai cu, kä tün phak ci gui. A cha chih nak ah a hnüp ät hnüüp ung Bawipa am m’khih ne khawihnah douthak vai cu tün pyi ci gui.

2 GHANGPUGHANG GUI 12:10

M’küm ung ngui ada law ah a kyak ung mang im bawi la taigütung naw law ne, ngui cu m’shüi ne khin ci gui.

2 GHANGPUGHANG GUI 12:13

Ngui khap, khawk, phyungheng, meiceh la akei ngui, ghui ah phäh ah kä mang ci gui.

2 SHONTÄP NAK 34:10

Cun ah ngui cu Taigüim cawh ba nak ba ung tängpang ciah chang thum am ap gui ci gui, ngami naw