EZRA 3:6 - Cho Bible Common Language 2016

⁶ Cun ung phi chang gui naw pum im cawh ba vai cu, kä tün phak ci gui. A cha chih nak ah a hnüp ät hnüüp ung Bawipa am m’khih ne khawihnah douthak vai cu tün pyi ci gui.

EZRA 3:6 Referans Kwoze

EZRA 3:5

K’be nak ah ami khawihnah man ah apum lüng m’khih ne douthak nak, cha lum thai pawi douthak nak, Bawipa khawihnah ung ahei ng’bum nak man gui avan la mät ah ngaih ah Bawipa am pek man ah douthak nak avan cu bik ci gui.

EZRA 3:7

Chang gui naw lung im co ci gui la peen im co ci gui am pek gui vai ah ngui cu pek ci gui. Lebanon ah ka cedar sing gui ami m’thawng nak ah Tire la Sidon mang gaw chang gui am ei vai awk vai la oliv situi gui cu pek ci gui. Ngami naw tuinu ung Joppa ah ami law püi vai ah kyak ci. Cun gui avan cu Persia uktu bawi Sairus ah shai chah nak awn ami bi ah kyak ci.

TAIGÜTHUM 23:25

Bawipa am ei-douthak cu nami thak vai, nami mät ah bii a i phi kä nami bi en vai.

KHEI NAK 29:1

A cha chih nak ah a hnüüp ät nak ung nangmi cu khawihnah vai ah nami ng’bum vai, a i phi kä nami bi en vai. A cu hnüüp ung phyungheng gui cu nami tum vai.

KHEI NAK 29:2

Bawipa am m’khih ne douthak nak nami pek vai, a cun ah ang ui cu ani naw yeikyai nak ci. Vantang tumat, htome tumat, kum ät ci lüng ciah htome m’ca chih, cun gui a van cu a pi ah phi kä kheihlik en khai.