EZRA 3:5 - Cho Bible Common Language 2016

⁵ K’be nak ah ami khawihnah man ah apum lüng m’khih ne douthak nak, cha lum thai pawi douthak nak, Bawipa khawihnah ung ahei ng’bum nak man gui avan la mät ah ngaih ah Bawipa am pek man ah douthak nak avan cu bik ci gui.

EZRA 3:5 Referans Kwoze

KHEI NAK 29:39

Ang täi ah bi ah shin gui cu m’khih ne douthak nak, htang douthak nak, sapyit tui douthak nak, la ng’hmuhchum douthak nak gui ah kyak ci, cun gui cu nangmi naw nami pawi gui ung Bawipa am nami pet ah kyak ci. Shin gui cu ng’kham nak, kä cun ung pängye douthak nak ah nami douthak a be nak vai ah nami pet ah kyak ci.

THULÄÄN NAK 12:17

Bawipa am nami douthak phung cu nami om nak ah hmun gui ung kä nami ei vai. Nami htang bum gha bum ät, nami sapyit, oliv situi, nami sei me a hta htük gui, Bawipa ung nami shaitak ah m’cümhnah nak, nami päiye douthak la a hei douthak gui,

THULÄÄN NAK 12:6

Acu ah nangmi naw nami khawihnah nak nami douthak vai kyak ci. Cun gui cu m’khih nak, a hei khawihnah nak gui, ami bumgha bum ät la douthak gui, Bawipa ung nami shaitak ah m’cümhnah gui, nami päingye douthak nak la nami sei la htome gui ah hta htük gui ah kyak ci.

KHEI NAK 29:13

Shin ah ak htük bäih hnüüp ung ei-douthak nak cu Bawipa am nami pek vai, ang ui naw Bawipa cu yeikyai sak khai: vantang anong gha lei thum, htome hnih, kum ät ci lüng ciah htome m’ca gha lei phli, avan cu api ah phi kä kheihlik khai.

KHEI NAK 29:8

Bawipa am m’khih ne douthak nak nami douthak vai, ang ui cu ani naw yeikyai nak khai: vantang tumat, avan cu api ah phi kä kheihlik en khai.

KHEI NAK 29:2

Bawipa am m’khih ne douthak nak nami pek vai, a cun ah ang ui cu ani naw yeikyai nak ci. Vantang tumat, htome tumat, kum ät ci lüng ciah htome m’ca chih, cun gui a van cu a pi ah phi kä kheihlik en khai.

KHEI NAK 28:27

Bawipa naw ang ui douthak nak vai ah m’khih ne douthak nak cu nami douthak vai: vantang hta hnih htome tumat kum ät ci lüng ciah htome m’ca chih cu nami douthak vai, cun gui ami van cu a pi ah phi kä kheihlik en khai.

KHEI NAK 28:19

Bawipa am m’khih ne douthak nak cu ei-douthak ah nami douthak vai: vantang hta hnih, htome tumat, kum ät ci lüng ciah htome m’ca chih, avan cu a pi ah phi kä kheihlik khai.

KHEI NAK 28:14

Pek man ah sapyit-douthak nak cu vantang tumat ung khap goi ciah kyak ci, htome tumat ung khap ät la a cawih, htome m’ca tumat ung khap ät ciah kyak ci. Shin cu kum ät ah kyong ung ak cha päng ah a hnüüp ät nak ung hman hman ah m’khi ne douthak nak ah kyak ci.

TAIGÜTHUM 1:3

Ani naw sei tumat awn m’khih ne a douthak law ung api ah phi kä kheihlik ciah vantang cu a law püi vai. Ani naw Bawipa ah om nak ah Phung valuh nak ung a tha vai. Cun ung Bawipa naw ani cu dou khai.

EZRA 3:6

Cun ung phi chang gui naw pum im cawh ba vai cu, kä tün phak ci gui. A cha chih nak ah a hnüp ät hnüüp ung Bawipa am m’khih ne khawihnah douthak vai cu tün pyi ci gui.

JEREMIAH 33:18

levi pakhui ungka cu angtäi sei taigü ah kyak khai, ngami ka nii ni ne m’khih-douthak, htang-douthak la khawihnah nak gui cu douthak khai gui.”

TAIGÜTHUM 1:2

Cun cu Israel gui naw khawihnah nak ami douthak law ung ami läk vai ah kyak ci. Chang tumat naw seime awn a khawihnah douthak law ung cun cu amät ah sei ah baw, me ah baw, htome ah baw kyak khai.

TAIGÜTHUM 23:2

Yumnak pawi gui ah mawng shin ah thungyo gui cu pek ci. Cun cu Israel chang gui khawihnah vai ah ami ng’bum yah ung ah kyak ci.

2 SHONTÄP NAK 31:14

Imnah ah htapa Kore, Levit chang cu Taigüim ah a kiangtäng m’kawt ngäng angvaipi cu Bawipa am ami pek ah m’cümhnah gui dou khai la a cun gui tei tawng khai ah angvaipi ah tha ci gui.

NEHEMIAH 10:34

Bawipa mi Khanpughi am thukhän naw a thäh ah khawihnah douthak cu m’khih nak vai ah sing cu, a u ni pahta naw pe lawk khai ci cu, hmat vai ah keimi, chang gui, taigü gui la Levit gui naw a kum tä sei m’shüih kami tawk khai.