EZRA 3:2 - Cho Bible Common Language 2016

² Jehozadak ah hta Joshua la ak taigü paw gui, shealatiela ah hta Jerubabel la amätyah gui naw atäng ah Israel Khanpughi ah sonkiang cu co ba ci gui. Cun ah kya ne Khanpughi ah chang Moses ah thukhän ung ami guk ah mäih ah ngami naw sonkiang khan ung m’khih ne khawihnah nak cu bik ci gui.

EZRA 3:2 Referans Kwoze

LUKA 3:27

Joda cu Joanan ah hta, Joaanan cu Rhesa ah hta, Rhesa cu Zerubbabel ah hta, Zerubbabel cu Shealatiela ah hta, Shealatiela cu Nari ah hta;

HAKKAI 1:1

Persia khaw ung Darius ghangpughang ah a kyak nak, a kum goi nak, a cha chuk nak ah hnüüp ät hnüüp ung Bawipa naw prophet Hakkai ung ng’thu pyen ci. Cun ah ng’thu cu Judah uktu bawi Shealtiel ahta Zerubbabel la taigütung Joshua, Jehozadak ah hta ah phäh ah kyak ci.

EZRA 2:2

Ami ng’vai gui cu Zerubabela, Joshua, Nehemiah, Seraiah, Reelaiah, Mordekai, Bilasham, Mispara, Bikvai, Rehum la Baanah ah kyak ci gui. Shin cu Israel pahta ang’täm ah kyak ci, omktu khaw ah ka law ba ci gui ami pahta phäh phäh ah khei gui ah kyak ci:

1 SHONTÄP NAK 3:17

Shin cu ghangpughang Jehoiachin ah htangshon gui ah kyak ci, ani cu Babilonian gui naw ami pha ah kyak ci. Jehoiachin ung a hta chih lawk ci: Shealtiela,

ZEKHARIAH 6:11

Ngami ah pek ah ghui la ngui gui awn lukhu pyang neta, Jehozadak ah hta, taigütung Joshua ah lu ung k’bün ä.

ZEKHARIAH 3:8

Joshua aw, ngai ä, nang cu taigütung ah na kyak ci; ani ah ak taigü paw gui phi ngai vä, nangmi cu ngawi ah akni law vai nami m’dang ciah nami kyak ci. Kei naw ka changshäm ka ng’dang sak khai, ani cu angban ah khü ah kyak ci!

ZEKHARIAH 3:1

A hei ka ng’mang ung Bawipa naw ana m’hnuh ba cu, Taigü tung Joshua cu Bawipa ah khanchang ah ma ah ng’düi ci. Joshua a pei ah ani hnungtuk püi nak vai law püi ge khai ah Satan cu ng’düi ci.

HAKKAI 2:23

A cu hnüüp ung Zerubbabel, ka chang shäm, nang cu ning la ne, ka ming awn uktu ah ka ning m’tüih khai, nang cu ka ning ghü pyi ci nei” cine hlüngtai ciah Bawipa naw pyen ci.

HAKKAI 2:21

Judah uktu bawi, Zerubbabel am na m’thein vai, “Kei naw khankho la khomdek ka k’thüng lawk khai,

HAKKAI 1:14

Chang avan naw Taigüim ami bi vai ah Bawipa aw chäng gui ci. Zerubabel, Judah uktu bawi, Joshua taigütung la ami k’täm nak ah kaa law ba ci gui ami van ah kyak ci. Ngami naw ami Khanpughi, Hlüngtai ciah Bawipa ah Taigüim cu tün ne bik ci gui.

HAKKAI 1:12

Zerubabel la Joshua ni, Babilonia ah ka dawng nak ah kaa law ba ciah chang avan naw Bawipa ami Khanpughi naw bi vai ah a pyen cu bik ci gui. Ngami cu kyi u neta Bawipa ah ng’shä tüih prophet Hakkai ah ng’thu cu ngai ci gui.

SAM 78:68

A cun ah hnün ung ani naw am hni pi ah Judah pakhui la Zion m’htung cu ghü ci.

NEHEMIAH 12:1

Shin gui cu Taigü la Levit gui tän gui ah kyak ci, Shealtiel ah hta Zerubbela la taigütung Joshua awn atäng ah omktu khaw ah ka law ba ci gui ah kyak ci: Seraiah, Jeremiah, Ezra, Amariah, Malluk, Hattush, Shekeniah, Rehum, Meremoth, Iddo, Kinnethoi, Abijah, Mijamin, Maadiah, Bilkah, Shemaiah, Joiarib, Jedaiah, Sallu, Amok, Hilkiah, la Jedaiah. Shin ah chang gui cu Joshua ah akhin yah ung ami taigü paw gui avan ah khan ah ng’vaihta ci gui ah kyak ci. Shin gui cu m’hlungtai ne ng’äi m’cu yeikyai nak ung tängpang ci gui ah kyak ci: Jeshua, Binnui, Kadmiela, Sherebiah, Judah, la Mattaniah.

2 SHONTÄP NAK 6:6

Cun ung phi tuhbäi kei nami na khawihnah nak vai ah hmun ah Jerusalem cu ka ghü ci, ka chang gui uk khai ah nang, David cu ka ning ghü ci.”

1 SHONTÄP NAK 3:19

Pedaiah ung a htapa hnih om ci, Zerubbabel la Shimei. Zerubbabel ung a htapa hnih, Meshullam la Hananiah om ci, a hta hnumi tumat Shelomith om ci.

PHYAWN NAK 27:1

Sonkiang cu akasia sing awn pyan vai. Cun cu phli kit nak khai, ayun dawng hma, akdaang dawng hma law ne, dawng la khaap ah hlüng khai.

EZRA 3:8

Ngami cu Jerusalem Taigüim hmun ung ami gawk law nak ba kum, a cha goi nak ung Taigüim cawh vai cu tün ci gui. Jerubabel, Joshua la ami paw chang guitaigü gui, Levit gui, omktu khaw ah ka Jerusalem ah law ba ci gui, ami van naw law ne bi tuk ci gui. Levit gui ami van akho kum kum m’ku lawk ci la kum m’ku ah däm ci phung cu Taigüim cawh ba nak bi lawh nak ung tängpang ci gui.

EZRA 5:2

Shealtiela ah hta Jerubabel la Jehoyadak ah hta Joshua naw ami ng’thu pyen cu ng’ya ni neta Ngani naw Jerusalem ung Taigüim cu Tün ne co ni sei prophet goi naw cawh püi gui ci goi.

ATÜNNAK 12:7

Bawipa cu Abram ah ma ah dang law neta, “Shin ah khaw cu nang ah htangshon am ka pek ah khaw ah kyak ci nei” cik ci. Abram naw Bawipa angdang law nak ah hmun ung khawih kiang co ci.

KHEI NAK 28:2

Khanpughi naw a yeikyai nak vai ah ak thäh ah ei-douthak cu k’bäi nak ah a khin ung, Khanpughi am ami pek vai ah Israel gui am shümthein gui vai ah kyak ci.

SUKI GUI 6:24

Kideon naw acun ung Bawipa am soukiang cawh pen eta ang ming a sui cu, “Bawipa cu Dimdeeih nak” ciah kyak ci. (Cun cu Ophrah ung tuhgüt ng’düi ci, cun cu Abiezer pahta ah ka ah kyak ci.)

1 SHONTÄP NAK 23:14

Cun ung phi Khanpughi ah chang Moses ah hta gui läi cu Levit chang ah kyak ci gui.

EZRA 10:18

Shin gui cu akhohei chang hnumi chu nak ci gui ah pami gui ah kyak ci; Joshua la aphäi nau gui ah pahta, Jehozadak ah hta gui, Maaseiah, Eliezer, Jarib la Kedaliah.

EZRA 10:20

Immer pahta; Hanni la Zebadiah,

EZRA 10:21

Harim paht; Maaseiah, Elijah, Shemaiah, Jehiel la Uzziah.

EZRA 10:22

Pashura pahta; Elioenai, Maaseiah, Ishmaela, Nehtanela, Joyabad la Elasah. Joyabad, Shimei, Kelaiah, (Kelita ah phi ami pyen), Pethahiah, Judah la Eliezer. Eliashib Shallum, Telem la Uri Parosh pahta: Ramiah, Izziah, Malchijah, Mijamin, Eleazar, Malchijah la Benaiah.