EZRA 3:12 - Cho Bible Common Language 2016

¹² A htük ung Taigüim hmu man ci gui ah taigügham gui, Levit gui la pahta ung ami ng’vai gui akda naw Taigüim ang nei m’düih law cu hmu u neta, kyap ne m’lau ci gui. Cun ung phi cun ung om tuk ciah ahei chang gui cu yei ne m’lau ci gui.

EZRA 3:12 Referans Kwoze

HAKKAI 2:3

“Taigüim a i ah mäih ah ng’shü khang man ci, cicu nangmi ungka shüm ba ci om ne ang? Nangmi naw tuhbäi a i ah mäih ah ang nami hmuh? A i ah phi kä ng’hmat ciah mäih ah kyak ci nei.

ISAIAH 60:22

Ak zaw pikboüh la angneim pikbäih ah na kyong chang pang phi, Huham mah ciah pakhui hlawk ah dämduh lawk khai nei. Akhin a gawk law ah a kyak ung, shin gui ang ghit ah kya lawk khai ah ka bik khai nei. Kei cu Bawipa nei!”

ISAIAH 41:14

Bawipa naw pyen ci, “Israel gui, nangmi nami zaw ken pang ung phi, kä nami kyihkyawk vai nei, kaning m’htei gui khai nei. Kei, Theingcim ciah Israel khanpughi cu nangmi ning hun gui ciah ka kyak ci nei.

SAM 126:6

Ang phli li sei phu vai ah m’shi phui ne hteit ci gui cu, htang m’guh pawk kawt ne yei ne ng’äi m’cu ne law ba khai gui.

JOB 8:7

Na shum shäuh ah na khawh avan awn m’tumtäng ne kä gah vai ah Khanpughi naw ning pe ba khai nei.

EZRA 3:13

Zei ne m’lau, la kyap ne m’lau cu a u naw kä ng’thumcha thei ci. A i ah kyasei ci ung ngami ah m’lau cu ng’shang aih sei a shou nak ah ka naw phi ng’yak vai kyak ci.

JEREMIAH 50:4

Bawipa naw pyen ci,” Cun ah khin a gawk law ung Israel la Judah gui ami van kyap u ne, kei, ami na khanpughi cu na shui khai gui.

SAM 147:1

Bawipa cu m’tam nei! Mi Khanpughi ng’äi ne m’tam cu ni aih ci nei; Ani m’tamkhah cu bä nak la düng nak ah kyak ci nei.