EZRA 3:11 - Cho Bible Common Language 2016

¹¹ Ngami naw Bawipa m’hlüngtai nak ng’äi m’cu u ne, leng ba ba ne m’cu ci gui. Bawipa cu nik ci, ani naw Israel gui am hni nak cu khongtäi ci nei. Chang päng naw aktha avan la ne Bawipa cu m’hlüngtai ne m’lau ci gui. A i ah kyasei ci ung Taigüim ang nei cu tün ne m’düih ne bi pyi ah kyak ci.

EZRA 3:11 Referans Kwoze

1 SHONTÄP NAK 16:34

Bawipa cu yei na vä, ani cu nik ci nei; ani ah m’hni nak cu khonglän ci nei.

SAM 106:1

Bawipa cu m’taam nei! Bawipa cu m’hlüngtai vä, Ani cu nik ci, am hni nak cu ng’täi ci nei.

SAM 107:1

“Bawipa cu m’hlüngtai vä, ani cu ni aih ci; am hni nak cu ng’täi ci nei!”

SAM 103:17

Cun ung phi Bawipa m’taam ciah chang ah hmawk ah, ani ah m’hni nak cu kä ng’pyi hlawt ci, Ani ah ni nak cu hta ng’shon avan ung khäng lä ci.

JEREMIAH 33:11

Zeikiai nak, hüithaw nak, hta m’um pawi ung yeikyai nak gui nami ng’zaba khai. Chang gui naw m’hlüngtai douthak nak kei ah Taigüim ah law püi ne ng’äi ami m’cu cu nami ng’yak khai; Ngami naw pyen khai gui, ‘M’gäi ciah Bawipa cu m’hlüngtai vä, a i ah kyasei ci ung ani cu nik ci, am hni nak cu ng’langtäi ci.’ Kei naw shin ah khaw cu a cau kaa ah mäih ah bühmang khai ah ka pyang khai, kei, Bawipa naw ka pyen nei.

SAM 135:3

Bawipa cu m’tam vä, ani cu nik ci nei; Aming m’tam ne ng’äi vä, ani cu bä ci nei.

SAM 118:1

Bawipa cu m’hlüngtai vä, ani cu nik ci, ani ah m’hni nak cu ng’täi ci nei.

2 SHONTÄP NAK 7:3

Israel chang gui naw khankho ah ka kya lawk ciah meikdäi la pyü ne ng’shü ne Taigüim ung be ciah akdei cu hmu u neta, k’cigem ung ami hmai gawk khai ah kawp u ne, Khanpughi khawihnah u ne, amät ah ni nak la ng’täi ciah am hni nak ah phäh ah m’hlüngtai ci gui.

ISAIAH 12:6

Zion ung om ciah chang pang cu m’lau ne ng’ai sak vä! Israel ah theing cim ciah khanpughi cu dämduh ci nei, ani cu a chang gui ah ng’lung ah om ci nei.”

NEHEMIAH 12:24

Hashabiah, Sherebiah, Jeshua, Binnui, la Kadmiela gui ah m’shümthein nak awn Levit gui cu ang bum gui ah pyang gui ci gui. Khanpughi ah chang, ghangpughang David ah pek gui ah m’shümthein nak ah mäih ah hnü ät ung ng’bum goi ci naw ang bunglan ah Khanpughi m’hlüngtai ne yeikyai nak ci gui.

ISAIAH 44:23

Zei ne m’lau vä, nangmi khankhaw gui! M’lau vä, khomdek ung ak thuk pi ah hmun gui! Sing ghing gui avan lah khom’htung gui m’lau vä! Bawipa naw a chang Israel gui a hun nak awn, a däm-duh nak cu dang sak ci nei.

PHYAWN NAK 15:21

Ngami ah hmawk ah Miriam ah ng’äi cu; Bawipa ah ng’äi m’cu vä, ani naw bä ciah näng nak gah pyi ci nei; Ani naw ng’se gui la ng’cum ci gui cu tuinu ung shum gui ci nei” cik ci.

LUKA 1:50

Ani m’tamkhah ci gui ah khan ah ang shon päng ung am gein nak cu dang sak ci.

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

ISAIAH 6:3

Ngami tumat la tumat ng’khü tu u ne: “Atheing, atheing, atheing! M’gäi ciah Bawipa cu atheing? Ani ah bäingang hak naw khomdek be sak ci nei.”

SAM 47:1

Chang avan naw yei ne nami m’ya k’phyawk vä! M’lau ne ng’äi ne Khanpughi m’taam vä!

1 SHONTÄP NAK 16:41

Cun ah ngami awn a täng ah om ci gui cu, Heman la Jeduthun la ahei gui ng’täi ciah am hni nak ah phäh ah ng’äi m’cu ne Bawipa m’hlüngtai khai ah ami ghü gui ah kyak ci.

NEHEMIAH 12:40

Cun ah kyasei Khanpughi m’hlüngtai ciah bum goi kami van cu Taigüim pei ah kami gawk ci. Cun kawn ah be nak ah angvai gui kei awn atäng ah om ci gui,

SAM 47:5

Khanpughi cu a mang kiang ung hang kai ci, Bawipa a hteh sangung, yei nak m’lau k’aw la phyung heng tum k’aw cu ng’shan ci.

JOSHUA 6:5

Cun kawn ah ngami naw ak aw ng’ng’shäi ah hnü ät tum khai gui. Cun nami ng’yak vai am, chang avan ng’pang tu ne nami m’lau vai. Cun ung mang gaw paang cu piawn yawp khai. Cun kawn ah gakap avan ng’phäi ne mang gaw kyong ah nami luh vai.”

JOSHUA 6:16

A chih vei nak ami vein law ung taigü gui naw phyungheng tum u sei, Joshua naw a chang gui ami m’lau vai ah thukbäi ne a pyen cu, “Bawipa naw mang gaw ning pe gui ci nei!

JOSHUA 6:10

Cun ung phi Joshua naw a chang gui kä ami m’lau vai ah k’bäi gui ci. Ng’thukbäi nak kä a peit pha gui ah chuih m’kha ät ah phi kä ami chiu vai ah pyen ci.

SAM 100:5

Bawipa cu nik ci; A m’hni nak cu ng’täi ci, Ani ah bekhüt nak cu kä ng’pyi hlawt phung ci nei.

SAM 131:1

Bawipa, chang ah ka ng’shei nak cu ka nawng ci, chang yawshe nak phi ka ng’hlah tak ci. A tung khak ah phi kä ka kyak ci, khüikha nak gui vai phi kä ka yum ci.

ZEKHARIAH 4:7

Khomhtung teih ah däm ciah tüihtok nak gui cu nang ah ma ah maih yawp khai. Nang naw Taigüim cu na co ba khai. Nang naw ak hnukbäih ah lung cu a hmun ung na ng’lin yah ung, chang gui m’lau u ne, ‘Kiom ci nei! Kiom ci nei!’ ” cik khai gui.

HAKKAI 2:3

“Taigüim a i ah mäih ah ng’shü khang man ci, cicu nangmi ungka shüm ba ci om ne ang? Nangmi naw tuhbäi a i ah mäih ah ang nami hmuh? A i ah phi kä ng’hmat ciah mäih ah kyak ci nei.