EZRA 3:10 - Cho Bible Common Language 2016

¹⁰ Chang gui naw Taigüim ah ang nei m’düih vai ami tün law ung taigü gui cu suinu sui nephyungheng khawt u ne, ami ng’düih nak vai ung ng’düi ci gui. Ngami naw David ghangpughang ah khin ung ami dou ah m’shümthein nak gui awn Bawipa cu m’hlüngtai ne m’lau ci gui.

EZRA 3:10 Referans Kwoze

2 SHONTÄP NAK 35:15

Tumkhawng ciah Levit pahta Asaph gui cu Ghangpughang David ah m’shümthein nak ah hmun ung pe gui ci gui: cun gui cu Asaph, Heman, la Jeduhtun, ghangpughang ah prophet ah kyak ci. Taigüim kawt ngäng ci gui naw ami bi nak cu kä hteh ta hlük ci gui, a i ah kyasei ci ung a hei Levit gui naw ngami ah phäh ah phyawn nak pawi ami pawng püi pyi ah phäh ah kyak ci.

1 SHONTÄP NAK 23:5

Phia phli kip cu gaw ngäng sak gui ci, phia phlikip cu Bawipa m’hlüngtai u ne, acun ah phäh ah ghangpughang naw a pek gui ah tum khawn gui cu tumkhawng ci gui.

1 SHONTÄP NAK 16:42

Heman la Jeduthun cu ng’äi m’cu ne ami m’hlüngtai yah ung phyungheng la ng’sheei gui la a hei tumkhawn nak gui ung tängpang ci gui ah kyak ci. Jeduthun ah pahta chang gui cu m’kawt ngäng nak ung tänpang ci gui ah kyak ci.

1 SHONTÄP NAK 16:37

David ghangpughang naw Asaph la a Levit-paw gui cu Thukhän M’küm tha nak ah hmun khawihnah nak ung angtäi sei bii bik khai ah tha gui ci. Ngami cu cun ung a hnüüp tä sei ami bii vai bik ci gui ah kyak ci.

1 SHONTÄP NAK 15:27

David cu linen ak ni pi ami tah ah suinu cu sui ci, tumkhawng ci gui, ami ng’vaihta Chenaniah la m’küm kawt ciah Levit gui phi akni sui ci gui. David cu linen ephod yih phi khang ci.

1 SAMUEL 22:18

Cun ah kyasei Saul naw Doeg am, “Nang naw ngawn gui ä! ci sei, Doeg naw ami van ngawn gui ci. Cun ah hnüüp ung ani naw shawiphaw kawt hning ciah taigüpa chei-kip-lei-hma cu ngawn gui ci.

EZRA 5:16

Cun ah kyasei Sheshbayyar law ne cun ah ng’nei cu m’düih ci. Ami cawh pyan nak cu cun ung tün ne tuh güt ung ah kyak ci. Cun ung phi Taigüim cu tuh güt kä ng’pyi ci, cine pyen ci gui.’

SAM 150:5

Ng’sheei phi tum ne m’tam vä. Ng’sheei nu gui tum ne m’tam vä.

HAKKAI 2:15

Bawipa naw pyen ci, “Nangmi ung a i ah kya lawk ciah kä nami hmu hning ne ma? Taigüim tün ne kä nami cawh ba pha ung ngaih tüh ba vä,

ZEKHARIAH 4:6

Bawipa ungka lawk ciah shin ah ng’thu cu, Zerubbabela am ka pek vai ah khanchang naw na m’thein ci nei. “Nang cu na näng khai, cun cu gakap huham awn ah kä kyak ci, na mät ah thagui awn ah kä kyak ci, kei ah ka mümcha awn ah kyak ci.

ZEKHARIAH 4:7

Khomhtung teih ah däm ciah tüihtok nak gui cu nang ah ma ah maih yawp khai. Nang naw Taigüim cu na co ba khai. Nang naw ak hnukbäih ah lung cu a hmun ung na ng’lin yah ung, chang gui m’lau u ne, ‘Kiom ci nei! Kiom ci nei!’ ” cik khai gui.

ZEKHARIAH 6:12

M’gäi ciah Bawipa ah ng’thu na m’thein vai cu, Ang ban ah ami khü ah chang cu, acun ung om ci khäng ne, Bawipa ah pum im cu co ba ci nei.

ZEKHARIAH 7:3

taigü gui la prophet gui am phi shin cu ng’shi sak goi ci gui “Cau tün ne bi man ah mäih ah a cha hma nak ung ei hlawi ne, Taigüim adi ah phäh ah mi thüisei lä khai ang?”

2 SHONTÄP NAK 35:14

Cun ah ami bi kawn ah, Levit gui naw meh cu ami mät gui am pek ci gui, Aaron ah ng’shon taigü gui am phi pek ci gui, taigü gui cu seime gui apum ah m’khih u ne, khawihnah nak ah a thau gui m’khih u ne, khomü güt sei tawt law ci gui.