EZRA 2:2 - Cho Bible Common Language 2016

² Ami ng’vai gui cu Zerubabela, Joshua, Nehemiah, Seraiah, Reelaiah, Mordekai, Bilasham, Mispara, Bikvai, Rehum la Baanah ah kyak ci gui. Shin cu Israel pahta ang’täm ah kyak ci, omktu khaw ah ka law ba ci gui ami pahta phäh phäh ah khei gui ah kyak ci:

EZRA 2:2 Referans Kwoze

HAKKAI 2:4

Cun ung phi tuhbäi a u phi kä nami kyak düt vai. Bii nami bi vai, ka ning om püi gui khai.

HAKKAI 1:14

Chang avan naw Taigüim ami bi vai ah Bawipa aw chäng gui ci. Zerubabel, Judah uktu bawi, Joshua taigütung la ami k’täm nak ah kaa law ba ci gui ami van ah kyak ci. Ngami naw ami Khanpughi, Hlüngtai ciah Bawipa ah Taigüim cu tün ne bik ci gui.

HAKKAI 1:12

Zerubabel la Joshua ni, Babilonia ah ka dawng nak ah kaa law ba ciah chang avan naw Bawipa ami Khanpughi naw bi vai ah a pyen cu bik ci gui. Ngami cu kyi u neta Bawipa ah ng’shä tüih prophet Hakkai ah ng’thu cu ngai ci gui.

NEHEMIAH 7:7

Ngami ah ami ng’vai gui cu, Zerubbabela, Joshua, Nehemiah, Azariah, Raamiah, Nahamani, Mordekai, Bilshan, Mispereth, Bikvai, Nehum la Baanah ah kyak ci.

ZEKHARIAH 3:3

Joshua cu suishe sui ne acun ung ng’düi ci.

ZEKHARIAH 3:1

A hei ka ng’mang ung Bawipa naw ana m’hnuh ba cu, Taigü tung Joshua cu Bawipa ah khanchang ah ma ah ng’düi ci. Joshua a pei ah ani hnungtuk püi nak vai law püi ge khai ah Satan cu ng’düi ci.

HAKKAI 2:21

Judah uktu bawi, Zerubbabel am na m’thein vai, “Kei naw khankho la khomdek ka k’thüng lawk khai,

HAKKAI 2:2

Zerubabel Judah uktu bawi ni, Joshua taigütung ni, chang gui ni, ah ma ah Hakkai naw ng’thu a pyen vai ah Khanpughi naw m’cäi ci.

HAKKAI 1:1

Persia khaw ung Darius ghangpughang ah a kyak nak, a kum goi nak, a cha chuk nak ah hnüüp ät hnüüp ung Bawipa naw prophet Hakkai ung ng’thu pyen ci. Cun ah ng’thu cu Judah uktu bawi Shealtiel ahta Zerubbabel la taigütung Joshua, Jehozadak ah hta ah phäh ah kyak ci.

EZRA 5:2

Shealtiela ah hta Jerubabel la Jehoyadak ah hta Joshua naw ami ng’thu pyen cu ng’ya ni neta Ngani naw Jerusalem ung Taigüim cu Tün ne co ni sei prophet goi naw cawh püi gui ci goi.

EZRA 4:8

Acun ah mäih ah uktu bawi Rehum la khopäng bawi Shimshai naw phi Artaxerxes am Jerusalem ah mawng cu shikcha ah guk ci goi.

EZRA 4:3

Zerubabel, Joshua la a hta gui la ami ng’vai gui na ngami ami pyen nak gui cu, “Kami Khanpughi, Bawipa ah Taigüim cawh nak ung, nangmi ah bawm vai kä hlü ci nei, Sairus, Persia Ghangpughang naw ana thumkhän gui ah mäih ah kami mät naw kami co khai nei” cik ci gui.

EZRA 1:11

Avan ah ng’dawn ah 5400 lawk ciah ghui la ngui khawk gui ni, ahei mangca vai gui ni cu Sheshbayyar la omktu chang gui naw Babilon ungka naw Jerusalem ah ami hteh ba ung ami hteh püi ah kyak ci.

EZRA 2:1

Omktu khaw ah chang akda naw Babilon khopäng cu nawng shüt ne, Jerusalem la Judah khaw ung law ba ci gui. Ami mang gaw phäh phäh ung hteit ba ci gui. Ami kyong chang gui cu ghanpughang Nebukhadnezzar naw pha ne a law püi gui ung tün ne Babilonia ung omktu ah kya ne om tuk ci gui.

EZRA 2:3

Parosh — 2, 172 Shephatiah — 372 Arah — 775 Pahath Moab (Jeshua la Joab ah hta ng’ shon gui) — 2, 812 Elam — 1, 254 Zattu — 945 Zakkai — 760 Bani — 642 Bebai — 623 Azkad — 1, 222 Adonikam — 666 Bikvai — 2, 056 Adin — 454 Ater (Hezekiah ah phi pyen) — 98 Bezai — 323 Jorah — 112 Hashum — 223 Kibbar — 95

EZRA 3:2

Jehozadak ah hta Joshua la ak taigü paw gui, shealatiela ah hta Jerubabel la amätyah gui naw atäng ah Israel Khanpughi ah sonkiang cu co ba ci gui. Cun ah kya ne Khanpughi ah chang Moses ah thukhän ung ami guk ah mäih ah ngami naw sonkiang khan ung m’khih ne khawihnah nak cu bik ci gui.

EZRA 1:8

Ani naw cun gui cu mang ah ngui m’küm ciah angvai Mithredath am ap sei ani naw Sheshbayyar, Judah uktu am akni ah pyang ne

EZRA 8:1

Shin gui cu Babilonia ah omtu ah kya ne om tu te ci gui ghangpughang Artaxerxes ah uk yah ung Ezra awn atäng ah Jerusalem ah law ba ci gui ah pahta gui ah ami ng’vai gui ah kyak ci.

NEHEMIAH 12:47

Zerubabel ah akhin la Nehemiah a khin ung Israel chang gui ami van naw, Taigüim ung ng’äi awm ci gui la Taigüim ngäng ci gui ah phäh ah a hnüüp tä sei m’cümhnah nak cu pek ci gui. Chang gui naw theingthap ciah douthak nak cu Levit gui am thak ci gui, Levit gui naw mä ami law püi gui cu taigü gui am pek ci gui.