EZRA 2:1 - Cho Bible Common Language 2016

¹ Omktu khaw ah chang akda naw Babilon khopäng cu nawng shüt ne, Jerusalem la Judah khaw ung law ba ci gui. Ami mang gaw phäh phäh ung hteit ba ci gui. Ami kyong chang gui cu ghanpughang Nebukhadnezzar naw pha ne a law püi gui ung tün ne Babilonia ung omktu ah kya ne om tuk ci gui.

EZRA 2:1 Referans Kwoze

2 GHANGPUGHANG GUI 25:11

Mang gaw ungka dawng lawk ci gui, k’pawih ba ciah bii bi hning ciah chang gui, la Babilonian gui täng ah dawng lawk ci gui cu Nebuzaradan naw Babilonia ah hteh püi gui ci.

LAMKTU 23:34

Gawmang naw ca cu phat netah, “nang a i kho ah kaa ang” ci ne Paul cu ng’shik ci. Ani cu Cilicia kho ah kaa ah a kyak cu hmat netah gawmang naw,

ZEPHANIAH 2:7

Pawih ba ciah Judah chang gui naw nami khaw cu khäm khai gui. Acun ung ami htaw shäm u ne, Ashkelon khaw im gui ung ip khai gui. Bawipa ami Khanpughi naw om püi gui ne bämang ba sak gui khai.

NG’ÄI KYAH 4:22

Zion naw akat nak ah phu cu pe pyi ci nei, Bawipa naw mikmi cu omktu khaw ah kä na tha ba gui khai nei. Cun ung phi Edom, Bawipa naw ning m’kyuk khai nei. Cheishoh ne na hnünthawh gui cu ani naw m’dang khai nei.

NG’ÄI KYAH 1:5

Aga gui naw näng ci gui, ngami naw ani cu ami huham awn k’pang ci gui. Bawipa naw ani cu a katnak gui avan ah phäh ah yaica sak ci. Ami hta nau gui cu khäm gui u ne ahei ah hteh püi gui ci gui.

NG’ÄI KYAH 1:3

Judah chang gui cu amgein kaa changshäm gui, im ungka ahei ah ami gawt gui ah kyak ci. Ngami cu a khohei ung om ci gui, ami mät ah hmun vai a i kä om ci Gaa gui naw ami koi gui, phiawn nak vai ah lam kä om ci.

ESTA 8:9

Cun cu a cha thum nak ah cha sivan, a hnüüp m’ku lei thum hnüüp ung ah kyak ci. Mordekai naw ghangpughang ah yungvai gui khü gui neta, ca gu ne, Jew chang gui, uktu gui, tängpang c i gui la India ungka naw Sudan ah khüt ciah khopäng 127 ung bawi avan am pe gui ci gui. Cun ah ca gui cu a khopäng phäh phäh ung ami ng’thu la ami guk thung phäh phäh ah gu ne, Jew gui am phi ami mät ah ng’thu la guk thung awn guk gui ci gui.

ESTA 1:11

Ngami naw ghangpughangnu Vashti cu mang lukhu k’bün ne ami law püi vai ah thukbäi gui ci. Ghangpughangnu kyom ci, cun ah kyasei ani ah kyom nak cu ghangpughang naw bawi gui la akhin gui avan am hmuh sak hlü ci.

ESTA 1:8

Cuchü bäng awk vai ciah k’bäinak kä om ciah chang nü naw, angyak hlü chü ah awk vai ah, ghangpughang naw thukbäi ne, mang im changshäm gui am cuun tei sak gui ci.

ESTA 1:3

A uknak a kum thum nak ung ani naw, abawi gui avan la a uktu gui avan cu aktung ah mang ei ei püi gui ci. Acun ung Persia la Media gakap gui phi om tuk ci gui, khopäng uktu gui la chang vai gui phi kai tuk ci gui.

ESTA 1:1

Persia khaw, Susa mang gaw, amang kyang ung om neta, Ghangpughang Ahasuerus naw khopäng 127, India ungka naw Sudan ung khüt khai ah avan uk ci.

EZRA 6:2

Cun ung phi cun ah ca chaw cu Media khopäng Ekbatanamang gaw ung va hmu ba ci gui. Cun ah rekawt ung:

EZRA 5:8

“Nang bawi naw na hmat khai nei, Keimi cu Judah khopäng ah hteit u neta, dämduh ciah Khanpughi ah Taigüim cu lung nu gui awn co ne khaai u ne, akpaang ung sing lawng nu gui ami dawn cu kami hmuk ci nei. Ami bi cu ang htei ah geing na ne bi u ne, ang khän ah bik ci gui nei.

EZRA 1:11

Avan ah ng’dawn ah 5400 lawk ciah ghui la ngui khawk gui ni, ahei mangca vai gui ni cu Sheshbayyar la omktu chang gui naw Babilon ungka naw Jerusalem ah ami hteh ba ung ami hteh püi ah kyak ci.

EZRA 2:2

Ami ng’vai gui cu Zerubabela, Joshua, Nehemiah, Seraiah, Reelaiah, Mordekai, Bilasham, Mispara, Bikvai, Rehum la Baanah ah kyak ci gui. Shin cu Israel pahta ang’täm ah kyak ci, omktu khaw ah ka law ba ci gui ami pahta phäh phäh ah khei gui ah kyak ci:

EZRA 8:35

Omktu khaw ah ka law ba ciah chang avan naw Israel Khanpughi am douthak vai ah m’khih ne khawihnah nak cu, law püi ci gui. Ngami naw Israel gui ami van ah hmawk ah seipat gha lei goi, htmome hla 96, htome hta 77, douthak ci gui. Katnak ungka ami mät ami theingthap nak vai ah me gha lei goi phi douthak ci gui. Shin ah seime gui avan cu Bawipa am m’khih ne douthak ci gui.

NEHEMIAH 12:1

Shin gui cu Taigü la Levit gui tän gui ah kyak ci, Shealtiel ah hta Zerubbela la taigütung Joshua awn atäng ah omktu khaw ah ka law ba ci gui ah kyak ci: Seraiah, Jeremiah, Ezra, Amariah, Malluk, Hattush, Shekeniah, Rehum, Meremoth, Iddo, Kinnethoi, Abijah, Mijamin, Maadiah, Bilkah, Shemaiah, Joiarib, Jedaiah, Sallu, Amok, Hilkiah, la Jedaiah. Shin ah chang gui cu Joshua ah akhin yah ung ami taigü paw gui avan ah khan ah ng’vaihta ci gui ah kyak ci. Shin gui cu m’hlungtai ne ng’äi m’cu yeikyai nak ung tängpang ci gui ah kyak ci: Jeshua, Binnui, Kadmiela, Sherebiah, Judah, la Mattaniah.

1 SHONTÄP NAK 9:1

Israel chang gui avan cu ami mät ah kyongkhui aläk ah khei gui ah kyak ci. Shin ah a mawng gui cu Israel ghangpughang gui ah mawng ca-uk ung guk ah kyak ci. Judah chang gui cu ami katnak ami m’kyuk nak ah Babilon ah ami k’täm gui ah kyak ci.

1 SHONTÄP NAK 9:2

Ak htük bäih ah ami mang gaw gui ung gawk law ba ci gui ung Israel chang gui, taigü gui, Levit gui, la Taigüim ung bii bik ci gui ah kyak ci.

EZRA 2:70

Taigü gui, Levit gui la Chang amshah gui cu Jerusalem ung la a pei ung om ci gui; ng’äi om ci gui, pum im ngäng ci gui la pum im bik’bi gui cu ng’et ciah gawnu gui ung om ci gui; a hei Israel gui cu ami pupa gui ah om nak man ah gawnu gui ung on ci gui.

ISAIAH 48:20

Babilon ung ka hteit vä, phyawng vä! “Bawipa naw a changshäm Israel cu hun pyi ci nei” ci ne, yei ne m’lau vä, kho ng’nü ung hmat sak vä!”

JEREMIAH 50:19

Kei naw Israel chang gui cu ami khaw ung ka m’thou ba gui khai. Ngami naw kmmel m’htung la Bashan khawung ami geit cu eikhai gui, Ngami naw Ephraim la kilead khopäng ung thou ci avan cu ami ng’yak hlü ah ei khai gui.