EZRA 10:8 - Cho Bible Common Language 2016

⁸ Cun cu chang gui ah ami ng’vai gui ah thukbäi awn ah kyak ci. Chang tumat mat cu hnüüp thum ah kyong ung kä a law tu ah a kyak ung, akhawh avan lak pek vai. Chang bum ung a om tu nak hning cu shum khai.

EZRA 10:8 Referans Kwoze

EZRA 7:26

Chang tumat mat naw na Khanpughi ah thukhän gui, kä cung ghangpughang ah thukhän gui, Kä aläk ah akyak ung ani cu akcang ah m’kyuk vai nei. Sih nak, omktu ah hteh nak, a khawh guh pek nak, thawng ung chum nak pek vai nei.

JOHAN 16:2

Nangmi cu pum im ungka ning k’täm gui khai gui. Chang gui naw nangmi ning ngawn gui netah, Khanpughi ah bi kami bik ci, ci ne ami ngaih nak ah khin gawk lawk khai.

JOHAN 9:34

Ngami naw, “Nang cu nanupuk ung katnak awn nang vai lawk ciah kia lang ne, keimi na nam thein gui ci ma, cine pum im ung kaa k’täm ci gui.

JOHAN 9:22

Cun ah ami pyein cu Jew chang vai gui naw, Bawipa Jesuh cu Messiah nei, ciah yum ciah chang phung pum nak ung kaa, k’täm vai ah amik bäi pyi ah kyasei, acun ami kyih ah hmawk ah kiak ci.

MATTHE 18:17

Ngami ah thu mä kä ang ngaih ah a kyak ung, a mawng ama avan pyein ne pum im ung nami ap vai. Cun ung phi m’cäi kä ang ngaih ah a kyak ung, ak hnu bäih ah Khanpughi kä yum ciah chang khawn look ciah chang ah mäih ah namik bäi vai.

NEHEMIAH 13:3

Israel chang gui naw cun ah thukhän ami phat cu ng’ya u neta, khuihei chang gui ami van ami changbum ung ka k’täm ci gui.

1 SAMUEL 11:7

Ani naw vantang hnih la ne, akhui ah kyük neta, Israel kho avan ung chang gui tüi ne, meh kyük cu hteh püi sak gui neta, shin ah ng’thu m’khäh gui ci: Ng’tuk nak vai ah Saul la Samuel kä läk tu ciah chang phung naw avantang cu ashin ah mäih ah a ci vai nei. Israel chang gui naw Bawipa naw a bi law vai cu kyih u neta, ami van, a u kä pawih sei, a täng ah lut lawk ci gui.

SUKI GUI 21:5

Ngami naw, “Mizpah ung Bawipa ah ma ah ng’bum nak ung Israel pakhui avan ung ka, kä ng’bum tuk ci om ne ang?” cine ng’shik ci gui. (Mizpah ung kä hteit tuk cicu ngawn vai ciah küikyang ciah ami thukan te ah hmawk ah kyak ci.)

JOSHUA 6:19

Ngui, ghui, kyei la m’sii awn pyan phung cu Bawipa ah phäh ah nami tha vai. Cun cu Bawipa ah m’küm ung gim vai kyak ci.

TAIGÜTHUM 27:28

Bawipa am yum nak awn a ap phung cu a u naw kä yoi hning ci. Kä khleih ba hning ci. Cun cu chang ah a kyak ung phi, seime ah a kliak ung phi, lolai ah a kyak ung phi, cun cu Bawipa naw angdäih ah a khäm pyi ah kyak ci.

EZRA 10:7

Omktu khaw ah ka law ba ciah chang avan cu Jerusalem ung ami ng’hmuh law vai ah Jerusalem la Judah khaw avan ung shä ci gui.

EZRA 10:9

Hnüüp thum ah kyong ung acha kaw nak ah a hnüüp m’ku nak ung, Judah khopäng la Benjamin khopäng ung om ciah pami avan cu Jerusalem ah law u ne, Taigüim k’um ung ng’bum ci gui. Cun yah ung khaw ang htei ah aa sei, khokhi aa ah phäh la ami civui aküikyang ah phäh ah chang päng cu ng’khlet ci gui.

NEHEMIAH 13:28

Joiada cu Taigütung Eliashib ah hta ah kyak ci, Joiada ah hta gui ung ka tumat naw Beth Horon gawnu ung ka Sanballat ah hta hnumi chu na sei, Joiada cu kei naw Jerusalem ung ka k’täm ci.