EZRA 10:6 - Cho Bible Common Language 2016

⁶ Cun kawn ah ani cu Taigüim ungka naw Eliashib ah hta Jehihanan ah om nak kyong ah hteit ne omktu chang gui ah kä bekhüt nak ah phäh ah mü lüng ne thüi kyap ci. Ani naw a i phi kä ei awk ci.

EZRA 10:6 Referans Kwoze

THULÄÄN NAK 9:18

Cun kawn ah kei naw ka hmai ka ah m’kyum ne Bawipa ah om nak ung hnüüp phlikip la mü phlikip ung a i kä ei awk ah ka om ci. Kei naw cun ah ka bi cu nangmi naw katnak bi u ne Bawipa nami hnungtuk püi ah phäh la m’lungshe khai ah nami bi ah phäh ah kyak ci.

NEHEMIAH 12:22

Rekawt gui cu Levit kyong chang gui la taigü kyong chang gui ah ami ng’vai gui naw gim ci gui, cun cu shin ah taigütung gui ami ghin yah ung ah kyak ci: Eliashib, Joiada, Jonathan, la Jaddua. Darius cu Persia uktubawi ah akyak yah ung shin ah m’hnüt nak gui cu ng’pyi pyi ci.

NEHEMIAH 3:1

Shin cu mang gaw pang ami cawh ba ah mawng ah kyak ci. Taigüpa Eliashib la ak taigü gui naw Htome M’kawt cu co ba u ne, shoh cu a hmun ung tha ci gui. Ngami naw paang cu Kumphia Tänghän la Hananela Tänghän güt ah ap ci gui.

DANIEL 9:3

Kei cu düng nak awn Bawipa Khanpughi ah ka taigü ci, ani ung ka ng’coi pak ci, ei ka hlawi ci, sui she sui ne m’vut ung ka ngok ci.

ISAIAH 22:12

Uktu m’gäi ciah Bawipa naw, thüisui sui ne, nami lu k’teiu ne, nami thüi kyah vai ah ning khü gui ci nei.

JOB 23:12

Khanpughi naw ang thumkhän cu ang täi sei ka bik ci; ani ah ng’yak hlü cu ka läk ci, ka mät ah ng’yak hlü kä ka bik ci.

NEHEMIAH 13:28

Joiada cu Taigütung Eliashib ah hta ah kyak ci, Joiada ah hta gui ung ka tumat naw Beth Horon gawnu ung ka Sanballat ah hta hnumi chu na sei, Joiada cu kei naw Jerusalem ung ka k’täm ci.

NEHEMIAH 13:5

Ani naw akhan akdäm tumat Tobiah am khah tuk ci, cun cu ami douthak law ah pümhta, la tui ng’ui gui, Taigüim ung htungmang gui; taigü gui ah phäh ah douthak ak gui, Levit gui, Taigüim ung ng’äi awm ci gui, Taigüim ngäng ci gui ah phäh ah pümhta ni, sapyit tui ni, oliv-situi ni ah bum gha bum ät gui ami tha nak ah kyak ci.

NEHEMIAH 12:10

Joshua cu Joiakim ah pa, Joiakim cu Eliashib ah pa, Eliashib cu Joiada ah pa,

NEHEMIAH 3:20

Zabbai ah hta Baruk naw am cawt cu co ne, Taigütung Eliashib ah im ung luhnak ung khüt khai ah co ci;

EZRA 10:1

Ezra cu Taigüim ah ma ung kawp ne taigü ne, shin ah katnak gui ah phäh ah kyap ne ang coipa sangung Israel gui cu akdäm ah ng’bum u ne, pami gui, hnumi gui la a hmaw gui — naw ani cu k’bui u ne, aktung ah kyap ci gui.

EZRA 9:4

Kei cu acun ung mühun täng ah khawihnah nak douthak vai ung khüt sei thüi ne ka ngok ci. Chang gui naw tün ne ng’bum ne nak koi ci gui — chang gui ami van kyik ci gui. A i ah kyasei ci ung omktu khaw ah ka law ba ci gui ah katnak ah mawng Israel Khanpughi naw a pyen ah phäh ah kyak ci.

PHYAWN NAK 34:28

A cu ah Moses cu Bawipa awn a täng ah hnüüp phlikip la, mü phlikip ung ei kä ei, tui kä awk ah om ci. Ani naw lung phe gui ah khan ah thumkhän ca ng’lung gui cu guk ci, thumkhän gha ah kyak ci.

EZRA 10:7

Omktu khaw ah ka law ba ciah chang avan cu Jerusalem ung ami ng’hmuh law vai ah Jerusalem la Judah khaw avan ung shä ci gui.

SAM 102:4

Kei cu khu chawng ah mäih ah na dep u sei, Ei ka ei hlü nak phi maih yawp ci nei.