EZRA 10:5 - Cho Bible Common Language 2016

⁵ Cun ah kyasei Ezra naw tün ne taigü gui la Levit gui ah ami ng’vai gui la k’pawih ciah chang avan am, Shekaniah ah pyen ah mäih ah kami bik khai nei, ciah thukhän sak gui ci.

EZRA 10:5 Referans Kwoze

NEHEMIAH 13:25

Kei naw chang gui cu khü gui ne, plah tam gui ne, that gui ne, ami lu k’thut gui ne ka ci gui ci. Cun kawn ah ngami la ami hta nau gui cu api ah phi a khaw hei chang gui awn kä ami ng’chungla ba vai ah, Khanpughi ah angming awn ka ng’phyun sak gui ci.

NEHEMIAH 5:12

Ami ng’vai gui naw m’shang u ne, “Na pyen ah mäih ah kami bik khai nei. Keimi naw ami khawh gui kami pe ba gui khai, ami pu phi kä kami shang ba gui khai” cik ci gui. Kei naw taigü gui cu khü gui neta, ami ma ah angvai gui naw ami pyen ah shaitak cu ami k’pan vai ah ka ng’taam sak gui ci.

MATTHE 26:63

Cun ung phi Bawipa Jesuh cu kä chiu phung ne om ci. Taigü tung naw nang cu Khanpughi ah Htapa, Messiah ah na kyak ci ma, kei-am nam thein-ä. Ghing ne om ciah Khanpughi ung thukhäm ne ka ning shik ci nei,” cine pyein ci.

NG'THU K'THUUK~ 27:9

Tui ng’ui la tui ng’ui tui naw nami m’lung ning yei sak gui ci, Cun ung phi khüikha nak naw ding gei nak cu m’shet ci.

NG'THU K'THUUK~ 15:23

Hman ciah amawng ung cang nak thu pyen cu yeikyai nak ah kyak ci.

NG'THU K'THUUK~ 9:9

Cüivai ciah chang na ng’thu püi ung, cüivai law pi khai. Düng ciah chang na m’thein m’kan ung ani cu hmuhmat law pi khai.

NG'THU K'THUUK~ 1:5

Shin ah thu thuuk gui naw cüivai ciah chang ah hmuhmat nak cu m’shung hlawi ne tatlah cicu m’shümthein ci.

NEHEMIAH 10:29

kami ng’vai gui awn ng’dawn u ne kami ng’khän ci, cun ah ka ung plah tam nak kami bik ci, cun cu kami m’shet ung ka vai ah Khanpughi naw a changshäm Moses ung a pek ah Khanpughi ah thukhän ah mäih ah kami om khai; Bawipa, kami bawipa ah ang thumkhän avan cu kami läk khai; cun kawn ah ang thukhän avan la a k’thähchah nak gui cu keimi naw kami läk khai.

EZRA 10:3

Tuhbäi ung mikmi naw shin ah hnumi gui la ami hta gui cu ahei ah kami k’täm gui khai nei cine, mi Khanpughi ah ma ah aktung ah shaitak mi bik khai nei. Khanpughi ah thumkhän m’tamkhah ciah nang la ahei gui naw bi vai ah nami pyen ah kami bik khai nei. Khanpughi ah thumkhän naw ak thäh ah mäih ah keimi naw kami bik khai nei.