EZRA 10:3 - Cho Bible Common Language 2016

³ Tuhbäi ung mikmi naw shin ah hnumi gui la ami hta gui cu ahei ah kami k’täm gui khai nei cine, mi Khanpughi ah ma ah aktung ah shaitak mi bik khai nei. Khanpughi ah thumkhän m’tamkhah ciah nang la ahei gui naw bi vai ah nami pyen ah kami bik khai nei. Khanpughi ah thumkhän naw ak thäh ah mäih ah keimi naw kami bik khai nei.

EZRA 10:3 Referans Kwoze

EZRA 9:4

Kei cu acun ung mühun täng ah khawihnah nak douthak vai ung khüt sei thüi ne ka ngok ci. Chang gui naw tün ne ng’bum ne nak koi ci gui — chang gui ami van kyik ci gui. A i ah kyasei ci ung omktu khaw ah ka law ba ci gui ah katnak ah mawng Israel Khanpughi naw a pyen ah phäh ah kyak ci.

SAM 119:120

Nang ah hmawk ah kei ka kyik ci, na m’khoi m’cha nak ah hmawk ah kyih nak awn ka be ci.

SAM 119:59

Ka mät ah om ih gui cu ngaih-tüh ba neta, Na m’shüm thein nak gui cu läk vai ah shai ka tak ci nei.

NEHEMIAH 9:38

Shin ah a kyak gui avan ah phäh ah, keimi, Israel chang gui naw, bä ciah yumnak ca gu u ngä sei, kami ng’vai gui, kami Levit gui la kami taigü gui naw m’hnütnak awm cun cu m’hnüt ci gui.

2 SHONTÄP NAK 34:21

“Nang mi hteit ne kei la Israel la Judah ung om ba ciah chang gui ah phäh ah Bawipa cu ng’shi thäh vä. Shin ah ca-uk ung mi ng’theithang ah mawng cu nami shui vai. Bawipa naw na m’lungshe na gui ci, a i ah kyasei ci ung mi pupa gui naw Bawipa ah ng’thu kä ngai ci gui, shin ah ca-uk naw bi vai a pyen cu kä bik ci gui.”

THULÄÄN NAK 29:12

Tuhngawi shin ung nangmi cu Bawipa nami Khanpughi naw angmi awn abi ah thumkhän ung nami lut law ge khai. A cu ah bilawh vai gui cu nami dou khai.

EZEKIEL 9:4

“Jerusalem mang gaw avan ung hteit ne, mang gaw kyong ah shemshai nak ami bi gui avan ah phäh yaica khüi kha ciah chang phung cu a m’calai ung na m’hnüt vai nei.

ISAIAH 66:2

kei ka mät naw khopuui avan cuka tüisho nei! Am lung neim sak ne, ng’yu vat ba ne, kei na kyih aa ne, na läk ci gui ah khan ah ka yeikyai ci nei.

ISAIAH 8:20

Nangmi naw nami shan gui rai cu, “Bawipa naw a ning m’theithang gui cu nami ngaih vai nei! K’ce gui cu kä nami ngaih gui vai-ngami ah ning m’thein gui naw käakni ah ning kyak sak gui khai.”

NEHEMIAH 8:14

Bawipa naw Moses ung a pek gui ah thukhän naw Israel chang gui am phung tukpawi sang ung, phung shaam ung ami om vai ah ak bäi cu hmuk ci gui.

EZRA 10:44

Shin gui ami van naw khohei chang chu nak ci gui. Ngami naw ami chu gui nawng gui u ne, gawt gui ne ami hta gui phi, ahei ah k’täm gui ci gui.

2 SHONTÄP NAK 34:27

ka ma ah ng’yu ba ne, na m’lung neim sak ne, na sui k’teek ne, kyap ne na kyak ci. Kei naw na taigü cu ka ng’yak ci kiasei,

2 SHONTÄP NAK 30:12

Khanpughi cu Judah kho ung phi bii bi ne, Ghangpughang la a uktubawi gui ah thumkhän ami läk nak awn ani ah ang yakhlü ngai ne ami kawng ät vai ah bik ci.

2 SHONTÄP NAK 29:10

“Tuhbäi kei naw Israel Khanpughi Bawipa awn ng’thukhän bi vai ah ka k’bäi ci nei, cun ah kyasei ani cu mikmi ah khan ah kä m’lungshe ba khai nei.

2 GHANGPUGHANG GUI 11:17

Taigü Jehoiada naw ghangpughang Joash la chang gui cu Bawipa ah thukhän ung luh sak gui sei ngami cu Bawipa ah chang ah kyak ci gui; ani naw ghangpughang la chang gui ah ng’lak ung phi thumkhän bi pe gui ci.

JOSHUA 9:6

Ngami naw Kikal phung ung hteit u neta, Joshua la Israel gui ami pyen nak gui cu, “Keimi cu a khaw shou ah kaa kami lawk ci, keimi awn hmuhchum nak nami bi vai ah kami ng’ya hlük ci nei” cik ci gui.

EZRA 10:9

Hnüüp thum ah kyong ung acha kaw nak ah a hnüüp m’ku nak ung, Judah khopäng la Benjamin khopäng ung om ciah pami avan cu Jerusalem ah law u ne, Taigüim k’um ung ng’bum ci gui. Cun yah ung khaw ang htei ah aa sei, khokhi aa ah phäh la ami civui aküikyang ah phäh ah chang päng cu ng’khlet ci gui.

EZRA 10:11

Tuhbäi ung nami pupa gui ah Khanpughi Bawipa ah ma ah nami katnak cu ng’coipa vä. Cun kawn ah ani ah yeikyai nak vai cu bi vä, nami khaw ung om tuk ciah akhohei chang gui awn ng’khoicha ne om vä. Akhohei chang nami chu gui cu nawng gui vä” cik ci.

NEHEMIAH 10:1

Ak htük bäi ung m’hnüt nak guk cicu uktubawi, Hakaliah ah hta Nehemiah, cun kawn ah Zedekiah naw guk ci. Cun kawn ah shin gui naw phi guk ci gui: Seraiah, Azariah, Jeremiah, Pashhur, Amariah, Malchijah, Hattush, Shebaniah, Malluch, Harim, Meremoth, Obadiah, Daniel, Kinnethon, Baruch, Meshullam, Abijah, Mijamin, Maaziah, Bilkai, and Shemaiah, Azariah ah hta Jeshua, Henadad pahta Binnui, Kadmiel, Shebaniah, Hodiah, Kelita, Pelaiah, Hanan, Mika, Rehob, Hashabiah, Zakkur, Sherebiah, Shebaniah, Hodiah, Bani, la Beninu. Parosh, Pahath, Moab, Elam, Zattu, Bani, Bunni, Azkad, Bebai, Adonijah, Bikvai, Adin, Ater, Hezekiah, Azzur, Hodiah, Hashum, Bezai, Hariph, Anathoth, Nebai, Makpiash, Meshullam, Hezir, Meshezabela, Zadok, Jaddua, Pelatiah, Hanan, Anaiah, Hoshea, Hananiah, Hasshub, Hallohesh, Pilha, Shobek, Rehum, Hashabnah, Maaseiah, Ahiah, Hanan, Anan, Malluch, Harim and Baanah.