EZRA 10:15 - Cho Bible Common Language 2016

¹⁵ Cun ah tänghpang nak cu Ashahela ah hta Jonathan la Tikvah ah hta Joyeiah ah kawn ah a u naw kä hnungtuk ci. Ngami cu Meshullam la Levit Shabbethai naw ami ng’düih püi gui ah kyak ci.

EZRA 10:15 Referans Kwoze

NEHEMIAH 11:16

Shabbethai la Joyabad, mingthang Levit chang gui Taigüim ah akpung täng ah bi nak ung tängpang ci gui.

NEHEMIAH 12:33

Shin ah taigü gui naw phyung heng tum ne ami hnu ah läk law gui ci gui: Azariah, Ezra, Meshullam, Judah, Benjamin, Shemaiah, la Jeremiah. Cun kawn ah Zekhairiah Jonathan ah hta, Shemiah ah tu naw läk lawk ci. (Ani ah pupa gui cu Mattaniah Mikaiah la Zakkur, Asaph pahta ah kyak ci gui.)

NEHEMIAH 3:6

Paseah ah hta Joiada la Besodeiah ah hta Meshullam naw Jeshanah m’kawt cu co ci goi. Ngami naw ng’lawng gui la shoh paang cu a hmun ung tha u ne, khai nak vai ah, shoh keing la shoh gaw gui phi pyang ci gui.

EZRA 10:14

Kami bawi gui naw Jerusalem ung om ne shin ah mawng cu bi u sä. Akhohei chang chu nak ci phung cu k’bäi nak ah khin ung ami ng’vai gui la ami mang gaw suki gui awn atäng ah law u sä, Cu cha ah bi ung shin ah amawng ung Khanpughi ah m’lungshe nak cu ng’hlat khai nei” cik ci.

EZRA 10:16

Cun ah tängpang nak cu omktu gui naw dou ci gui. Cun ah kyasei Taigü Ezra naw pahta gui ah ami ng’vai gui ungka gui cu m’düih gui ne, ami ming cu gu gui ci. A cha gha nak ah a hnüp ät nak ung tün ne, ami tächä nak cu bi u ne,

EZRA 10:29

Bani pahta: Meshullam, Mallueh, Adaiah, Jahsub, Sheala la Jeremoth.