EZRA 1:7 - Cho Bible Common Language 2016

⁷ Nebukhadnezzar ghangpughang naw Jerusalem Taigüim ungka la ne amät ah khanpughi ah Taigüim ung a tha ah khawh gui la khap gui cu Sairus naw pe ba gui ci.

EZRA 1:7 Referans Kwoze

2 SHONTÄP NAK 36:7

Nebukhadnezzar naw Taigüim kyong ah ka khawhcham amshah cu la ne hteh püi ne Babilon ah a mang im ung tha ci.

EZRA 6:5

Acun ah mäih ah ghui la ngui khawh gui cu ghangpughang Nebukhadnezzar naw Jerusalem Taigüim ungka Babilon ah alaw püi cu Jerusalem Taigüim a om nak ung hteh püi ba ne tha ba vä” ciah kyak ci.

EZRA 5:14

Nebukhadnezzar naw Jerusalem Taigüim ungka la ne Babilonia Taigüim kyong ah atha ah ghui la Taigüim ung mang ah ngui gui cu pe ba gui ci. Sairus naw cun gui cu Judah khaw uktu ah atha Sheshbayyar ming nak ciah chang ah a kut ung pe ba ci.

2 GHANGPUGHANG GUI 24:13

Ani naw Taigüim ungka la mang im ungka khawchaam avan Babilon ah hteh püi ci. Bawipa naw angcä ah mäih ah, Nebukhadnezzar naw, Solomon ghangpughang naw Taigüim ung mang vai ah ghui awn a pyan ah khawh chaam gui cu avan m’shet yawp ci.

2 SHONTÄP NAK 36:10

Kho hting law khäta Ghangpughang Nebukhadnezzar naw Jehoiachin cu pha ne Babilonia ah hteh püi ci, Taigüim ungka khawhcham gui phi hteh püi ci. Nebukhadnezzar naw Jehoiachin ah pukhaw Zedekiah cu Judah la Jerusalem ung ghangpughang ah tha ba ci.

DANIEL 5:23

Nang naw khankho Bawipa hnung tuk püi ne, ani ah Taigüim ungka khap gui la khawk gui na law püi ci. Nang, na bawi ng’vai gui, na chu gui la na chuba gui naw a cun gui ung sapyit tui aw u ne, ghui, nui, kyei, m’sii, sing la lung awn ami pyan ah khanpughi gui cu m’hlüngtai ci gui — Cun ah khanpughi gui cu a i kä hmuk ci, a i kä ng’yak ci, a i phi kä hmat ciah kyak ci. Cun ung phi nang ah na ghin nak vai la na sih nak vai, m’hnüt bäi hning ne, na bi phung shum ciah Khanpughi cu kä na m’tamkhah ci.

DANIEL 1:2

Bawipa naw ghangpughang Jehoiakim cu ani am pha sak ne, Taigüim ung m’kümcu ani am khäm sak ci. Ani naw thawng kyum amshah gui cu, Babilon ah amät ah khanpughi gui ah pum im ah hteh pui ne ami khäm ah m’küm gui cu pum im ah khawh gim nak ung tha gui ci.

2 SHONTÄP NAK 36:18

Babilonia ghangpughang naw Taigüim, Taigüim ung khawhcham, ghangpughang la a yungbawi gui ah khawhcham gui cu gut gui neta a päng cu Babilon ah hteh püi ci.

JEREMIAH 51:44

Kei naw Babilonia khanpughi Bela cu ka m’kyuk khai, am guuk ah khawh gui a chah vai ah ka cik khai: a u pakhui naw phi kä khawihnah ba khai. “Babilon k’paang gui cu ng’kia pyi ci nei.