EZRA 1:6 - Cho Bible Common Language 2016

⁶ Ami pei yung ah ka gui ami van naw akda pe gui ne bawm gui ci gui. Ngui khawh gui, ghu gui, ei awk vai, phuih taih sela gui, ahei a phu tan gui la Taigüim ung douthak gui vai cu pe gui ci gui.

EZRA 1:6 Referans Kwoze

2 KORIN 9:7

Ak chang sing naw amät ah m’lung ung ayum nak awn a peittaak vai, ng’vang lang ne kä a peit vai, kä peit ung kä bä khai ciah ngai ne kä a peit vai; Khanpughi naw am lung yei nak awn pek ci cun vah m’hni ci.

SAM 110:3

Na ga gui na tuk gui hnüüp na chang gui naw ning düih püi khai gui. Khongawi k’siik ung khüi toi ah mäih ah, khom’htung theing ung na chang nong gui naw ning law nak khai gui.

EZRA 8:33

A hnüüp phli hnüüp ung keimi cu Taigüim ah kami hteit ci. Ngui ni, ghui ni, mangca gui vai ni cu khiin u neta, Uriah ah hta taigü Merimoth am kami ap ci. Ani awn atäng ah Phinechas ah hta Eleazar la Levit hnih Jeshua ah hta Joyabad la Binnui ah hta Noadiah om tuk ci gui.

EZRA 1:4

Omktu khaw ah om tuk ciah a chang tumat mat cu a law ba vai ah bawm vai a hlü ah a kyak ung, a pei ung om ci gui naw bawm nak ami pek vai ah kyak ci. Ngami cu ngui ghui ei awk gui vai la phuih taih sela gui awn bawm gui vai. Jerusalem ah Khanpughi ah Taigüim ung douthak vai phi pek gui vai.”

NEHEMIAH 6:9

Keimi kami bii kami m’düm vai ah ngami naw k’tha na ne na m’kyih gui ci gui, “Cun ung phi tuhbäi, Khanpughi aw na thamah sak ba ä” cine ka taigü ci!”

ISAIAH 35:3

A van khak ci gui la aktha maih sei am khuuk ng’tum ci gui am, k’thamah nak yuk pe law.

PHYAWN NAK 12:35

Israel gui naw Moses ah pyen ah mäih ah bi u ne, ghui, ngui pyülung la suisak gui cu Egypt chang gui ah k’thäh ci gui.

PHYAWN NAK 12:36

Israel chang gui cu Egypt chang gui naw, chang m’sui gui u ne, ami k’thäh cu ami pek gui vai ah Bawipa naw bik ci. A cu cha ah Israel chang gui naw Egypt chang gui ah ami khawh cu hteh püi ci gui.

1 SHONTÄP NAK 29:9

Chang gui naw pe hlü cang ne Bawipa am pek ci gui, cun ah akda ami pek ah phäh ah ngami cu anghtei ah yei ci gui. David ghangpughang phi anghtei ah yeikyai ci.

SAM 106:46

Ngami pha ne chum gui ci gui cu ng’zuu ne ami thüi vai ah ani naw bik ci.