EZRA 1:4 - Cho Bible Common Language 2016

⁴ Omktu khaw ah om tuk ciah a chang tumat mat cu a law ba vai ah bawm vai a hlü ah a kyak ung, a pei ung om ci gui naw bawm nak ami pek vai ah kyak ci. Ngami cu ngui ghui ei awk gui vai la phuih taih sela gui awn bawm gui vai. Jerusalem ah Khanpughi ah Taigüim ung douthak vai phi pek gui vai.”

EZRA 1:4 Referans Kwoze

1 SHONTÄP NAK 29:3

Kei naw cun gui ka pek tak awn ah phi, ka mät ah ka ghui la ngui gui phi ka pek ci, a i ah kyasei ci ung kei naw Khanpughi ah Taigüim ka m’hni ah phäh ah kyak ci.

KALATIAN 6:2

Nami phuih kawh nami ng’phuih kawh tu püi vai, acun ah bi ne Bawi Khrit ah thukhän cu nami läk vai.

LAMKTU 24:17

Kei cu Jerusalem ungka naw ka hteh nak khokum akda shou law khätah, ka mät ah chang gui am ngui ka thak gui khai la, Khanpughi am peittaak nak ka bik khai ah, ka gawk law ba ci.

1 SHONTÄP NAK 29:17

Nang naw chang ah m’lung päng m’nüm ne, ni nak om ciah chang cu na yeikyai nak ci. Kei naw ng’düng nak la ni nak awn shin gui avan yum nak awn ka ning pek ci, na chang gui shin ung ng’bum lawk ci gui naw, khawihnah nak, nang ah ami law püi ah phäh ah a i hlawk ah ami yei cu kei naw ka hmuk ci nei.

1 SHONTÄP NAK 29:9

Chang gui naw pe hlü cang ne Bawipa am pek ci gui, cun ah akda ami pek ah phäh ah ngami cu anghtei ah yei ci gui. David ghangpughang phi anghtei ah yeikyai ci.

PHYAWN NAK 35:29

Israel chang avan, Bawipa am douthak law hlük ci phung naw law püi ci gui. Cun gui cu Moses am a bi vai ah ang thumkhän nak ung mang vai ah kyak ci.

EZRA 1:3

Khanpughi naw aning chang gui avan ning om püi gui khai nei. Nangmi cu Jerusalem ah hteit ne Israel Khanpughi, Jerusalem ung khawihnah ah Khanpughi, Bawipa ah Taigüim cu nami co ba khai nei.

EZRA 1:5

Cun kawn ah Judah la Benjamin pakhui ung ami pahta ng’vai gui, Taigü gui, Levit gui la Khanpughi naw ami m’lungkyong ung ang dang na gui cu hteit ge u ne, Bawipa ah Taigüim cu Jerusalem ung co khai gui.

2 SHONTÄP NAK 31:14

Imnah ah htapa Kore, Levit chang cu Taigüim ah a kiangtäng m’kawt ngäng angvaipi cu Bawipa am ami pek ah m’cümhnah gui dou khai la a cun gui tei tawng khai ah angvaipi ah tha ci gui.

EZRA 9:15

Bawipa, Israel Khanpughi, nang cu na taga ci cun ung phi nang naw na na ghin om sak gui ci. Kami hmakat nak cu nang ah kami ng’coipa ci nei, keimi na ma ah law vai ah kä kami khinkha ci nei” cine pyen ci gui.”

ISAIAH 10:21

Israel chang gui apihta bäng cu m’gäi ciah ami Khanpughi ah law ba khai gui nei.