EZRA 1:11 - Cho Bible Common Language 2016

¹¹ Avan ah ng’dawn ah 5400 lawk ciah ghui la ngui khawk gui ni, ahei mangca vai gui ni cu Sheshbayyar la omktu chang gui naw Babilon ungka naw Jerusalem ah ami hteh ba ung ami hteh püi ah kyak ci.

EZRA 1:11 Referans Kwoze

ROMAN 9:23

Cun kawn ah Khanpughi cu ak chimgein gui ah chang gui naw, chünla ciah a bämang nak ami hmuh vai ah ng’ya hlük ci. Cun ah chang gui cu Khanpughi ah bämang nak ami gah tu vai ah Khanpughi naw a pyan tham gui ah kyak ci.

EZRA 2:1

Omktu khaw ah chang akda naw Babilon khopäng cu nawng shüt ne, Jerusalem la Judah khaw ung law ba ci gui. Ami mang gaw phäh phäh ung hteit ba ci gui. Ami kyong chang gui cu ghanpughang Nebukhadnezzar naw pha ne a law püi gui ung tün ne Babilonia ung omktu ah kya ne om tuk ci gui.

EZRA 4:1

Judah la Benjamin chang gui ah ami ga gui naw Omktu khaw ah ka law ba ci gui naw Israel Khanpughi Bawipa ah Taigüim co law ba ci gui cicu ng’yak ci gui.

EZRA 6:19

Omktu khaw ah ka law ba ciah chang gui naw a hengkum a cha ät nak ah a hnüüp gha lei phli nak ung phyawn nak pawi cu bik ci gui.

SAM 85:1

Bawipa, na ng’lei khaw cu nak chimgein ci nei; Israel chang gui cu na bämang ba sak gui ci nei.

2 GHANGPUGHANG GUI 25:15

Ngami naw ghui la ngui awn pyan gui phung phung, mei cak m’khäh nak ah khawk hta gui la amkang hta gui mah ah a päng avan hteh püi ci gui.

SAM 126:1

Bawipa naw Jerusalem mang gaw ah ana law püi ba gui yah cu ng’mang vai sü ah kyak ci!

JEREMIAH 27:21

Jerusalem ung Taigüim la bawi mang im ung ami nawng ba shüt ah m’küm khawh gui ah mawng m’gäi ciah Bawipa, Israel khanpughi kei naw ka pyen cu ngai vä.