ESTA 8:3 - Cho Bible Common Language 2016

³ Cun kawn ah Esther naw ghangpughang ah ma ah thu pyen ba ci, ani naw a khaw ung kawp ne kyap neta, Akak ah htangshon Jew chang gui hnungtuk püi ciah Haman ah abi akshekha gui cu a phyeet ba vai ah ng’paa nak ci.

ESTA 8:3 Referans Kwoze

HEBRU 5:7

Bawipa Jesuh cu khomdek khan ung a om yah ung, sih nak ung hun ciah Khanpughi ah ma ah ng’hui ne kyap ne taigü ci. Neim nak la ng’ap nak awn ak taigü cu Khanpughi naw phi ngaih pek ci.

HOSEA 12:4

Ani naw khankho chang cu ng’tuk püi ne näng ci. Ani naw kyap ne hriham k’thäh ci. Bethela ung Khanpughi naw kami pupa Jakob ah law neta ng’thu püi ci.

ISAIAH 38:2

Hezekiah cu pang täng ah a hmai m’hlat neta, taigü ci:

ESTA 7:4

Ka chang gui la kei cu ami na ngawn gui vai ah na yoi gui pyi ci gui nei. Changshäm vai ah ami na yoih gui ah a kyak läi ung, a i hlaswk ah khüikha vai ung phi, a düm ah ka om khai süte, nang ung ning yaica sak ne kä ka pyen lawk khai süte nei. Cun ung phi keimi cu m’htin ne na m’di gui khai gui ah kyak ci nei.”

2 GHANGPUGHANG GUI 4:27

Cun ung phi Elisha ah a gawk law kawn ah ama ah kawp ne a khaw cu k’pang ci. Kehazi naw k’täm hlük ci, cun ung phi, Elisha naw, “Nawng en ä, ani am lung a thüi nak cu nang naw kä na hmu ne ma? A cun ah mawng cu Bawipa naw a i kä na m’thein ci nei” cik ci.

1 SAMUEL 25:24

David ah khaw pei ah ng’düi neta, ani am, “Na bä ni, bawi aw, na ngai ä! k’bün nak cu na hen ba sak ä.

ESTA 3:1

Shäng hta khäta ghangpughang Ahasuerus naw Haman ming nak cicu bawi ng’vaipi ah tha ci. Haman cu Hammedatha ah hta, Akak ah ng’shon ah kyak ci.

ESTA 8:2

Ghangpughang naw m’hnütnak om ciah a kutcüp cu, Haman ah ka la ba ne, Mordekai am pek ci. Esther naw Mordekai cu Haman ah khawh m’htei khai ah tha ci.

ESTA 8:4

Ghangpughang naw ghui shopawng cu shäng khäta, Esther naw ng’düi law ne a pyen cu,