ESTA 4:3 - Cho Bible Common Language 2016

³ Khaw päng avan ung ghangpughang ah thu ng’shäu cu hmat u neta, Jew chang gui cu thüikyap ci gui. Ngami cu ei hlawi u ne, kyap ne m’lau ci gui, Akda pi cu suishe sui ne m’vut ung ng’yän ci gui.

ESTA 4:3 Referans Kwoze

ISAIAH 22:12

Uktu m’gäi ciah Bawipa naw, thüisui sui ne, nami lu k’teiu ne, nami thüi kyah vai ah ning khü gui ci nei.

DANIEL 9:3

Kei cu düng nak awn Bawipa Khanpughi ah ka taigü ci, ani ung ka ng’coi pak ci, ei ka hlawi ci, sui she sui ne m’vut ung ka ngok ci.

ISAIAH 58:5

Einmai hlwi ng, nami mät naw nami mät nami yaica sak ci; khum’ghaw ah ng’voi ah mäih ah nami lu ngüm ne kawp ne, sui she phüi ne, m’vut ung ng’zaän ne nami kyak ci. Cun ma nangmi naw ei hlawi ah nami pyen? A cun ah mäih cu kei naw ka yei nak khai ah nami ngai ne ma?

ISAIAH 22:4

Sik ciah ka chang gui avanah phäh ah ak tung ah ka thüikyap khai ah tuhbäi ka mät bang na nawng vä. Kei na k’bäi vai ah kä nami tha nak vai nei.

MATTHE 25:30

A i ah kä mawng ciah shin ah changshäm cu, ak pung ah hmüp khui ung hteh püi vä, a cu ah kyap ne m’lau ne aha htui ne om sä’ cine kyak na gui ci.

MATTHE 22:13

Cun kawn ah ghangpughang naw, ak changshäm gui-am, ‘Shin ah chang cu a kut kho pin ne khit netah, ak pung ah hmüp khui ah m’shän vä, a cu ah ani cu kyap ne m’lau ne, aha htui ne om sä’ cine kyak na gui ci,” cine pyein ci.

MATTHE 13:42

Caang ne ng’ai ciah mei ung k’htawm gui khai. Cun ah chang gui cu kyap ne m’lau ne, ami ha htui ne gein vai khai gui.

ESTA 4:16

“Hteit ne Jew gui avan Susa ung k’bum gui ä. Ei hlawi ne kei ah phäh ah taigü vä. Hnüüp thum la mü thum ung ei kä nami ei, tui kä nami awk en vai nei. Kei la ka changshäm hnumi hta gui phi acun ah kami bik khai nei. Cun kawn ah shin cu thukhän awn a hnungtuk ung phi, kei cu ghangpughang ah ka hteit khai. Shin bi ah phäh ah sih vai a kyak ung phi ka sik khai nei” ciah kyak ci.

ESTA 3:12

Cun ah kyasei akhtük bäih ah, a hnüüp gha lei thum nak ung Haman naw ghangpughang ah yungbawi gui cu khü gui neta, pyen ne m’thein gui ne, uknak khaw ung om ciah ng’thu päng awn k’phlan ne gu ne, Uktu gui, uktu bawi gui, bawi gui avan am pek vai ah pyang ci. Cun cu ghangpughang Ahsuerus ah ming awn gu ne, kutcüp awn m’hnüt ci gui.

ESTA 1:1

Persia khaw, Susa mang gaw, amang kyang ung om neta, Ghangpughang Ahasuerus naw khopäng 127, India ungka naw Sudan ung khüt khai ah avan uk ci.

1 SAMUEL 11:4

Ami chang tüih gui cu Saul ah om nak Gibeah ah gawk law u ne, a mawng cu m’thein gui u khäta chang gui cu om k’she ne kya ci gui.

ESTA 4:2

mang im ung luh nak ung gawk ci. Ani cu kyong ah kä lut ci, a i ah kyasei ci ung suishe sui ciah chang cu a u phi kyong ah kä lut khai ami ciah phäh ah kyak ci.

ESTA 4:4

Esther ah changshäm hnumi hta gui la hnumi uk ci gui naw Mordekai cun ah a kyak cu m’thein u khäta, Esther cu ang htei ah cäi ng’ä ci. Mordekai naw suishe a sui cu suut neta a sui vai ah, ani naw sui m’khäh ci, cun ung phi ani naw kä dou ci.

ESTA 9:31

akhin a gawk law phung ung ami läk vai ah ami thukäi cu ami mät la ami htangshon gui naw ei hlawi nak la thüikyah nak gui ami bi nak ah purim hnüüp cu ami läk vai ah m’shümthein gui ah kyak ci. Cun cu Mordekai la ghangpughangnu Esther ah thumkhän ah kyak ci.

JOSHUA 7:6

Joshua la Israel ng’vai gui cu ami sui k’teek ne thüi u ne, Bawipa ah Thukhän M’küm ah ma ah kawp u ne, ami thüi ami m’dang nak ah m’vut awn ami lu bu u ne, mühun güt acun ung ng’yän ci gui.

JOB 2:8

Joba cu hlut khei a chet nak vai k’am heeuh akpi lanetam’vut ung htiet ne ngok ci.

EZEKIEL 27:30

Ngami ami van cu nang ah phäh ah thüi kyap aih ci gui, ami lu khan ah m’vut khui bu u ne m’vut ung ng’tah ci gui.

JONAH 3:6

Nineveh ghangpughang naw cun ah mawng cu ng’ya neta, Mangkyang ungka tho law ne, a suinu suut ne, m’vut ung ngok ci.