ESTA 3:2 - Cho Bible Common Language 2016

² Ghangpughang naw a bawi gui avan cu thukbäi gui ne, a bii ami bi nak ung m’kukdong ne kawp ne Haman ami chang m’sui vai ah pyen ah gui ci. Ngami ami van naw acun ah bik ci gui. Cun ung phi Mordekai naw cun ah kä bi tuk ci.

ESTA 3:2 Referans Kwoze

PHILIPPIAN 2:10

Cun ah kiasei khankho la khomdek ung om ci nüng ni, khomdek ah ka ah om ci nüng ni naw, Bawi Zesuh ah ming cu m’tamkhah u ne,

SAM 15:4

Ani naw Khanpughi hnu ng’tuk püi cicu päipih ci, cun ung phi Bawipa läk cicu m’tam khah ci, ani cu a shaitak ah mäih ah angtäi sei bik ci, a mät ah chaw a häu ung a i ah kä ngai ci.

ESTA 5:9

Mang ei ei ne hteit ba neta Haman cu ang htei ah yeikyai ci. Cun ung phi mang im luh nak ung om ciah Mordekai naw, ani naw sun ne a hteh yah ung kä ng’düi law ne, chang m’sui nak a i phi kä m’dang khäta, Haman cu ang htei ah m’lungshe ci.

ESTA 3:5

Mordekai naw ani ah ma ah kä ka m’kukdong khai, kä ka kawp khai a ci cu, Haman naw ng’ya neta ang htei ah m’lungshe ci.

ESTA 3:1

Shäng hta khäta ghangpughang Ahasuerus naw Haman ming nak cicu bawi ng’vaipi ah tha ci. Haman cu Hammedatha ah hta, Akak ah ng’shon ah kyak ci.

ESTA 2:21

Mordekai cu mang im ung uktu ah a kyak yahung ghangpughang ah im kyong luh nak ah m’kawt ngäng ciah mang im chang vai goi, Bikthana la Teresh naw ghangpughang Ahasuerus cu hnim vai ah k’bäi ci goi.

ESTA 2:19

Cun sangung Mordekai cu ghangpughang naw uktu bawi ah tha ci.

1 SAMUEL 15:3

Amalek chang gui cu hteit ne tu gui vä, ngami ung om ci phung m’di yawp vä. A i phi kä nami k’pawih nak vai; chang avan pami, hnumi, akhmaw, nau sen; htome, kala uk la ng’sela avan nami ngawn vai.”

THULÄÄN NAK 25:19

Cun ah kyasei Bawipa nami Khanpughi naw cun ah khaw a ning pek law gui ung ning koi gui ne om ci gui ah nami ga gui avan ung, a ning phyawn law gui ung, akcang ah Amalek chang gui ami van nami ngawn gui vai. Cun ung ngami cu a u naw kä shüm ba gui khai. Kä nami m’hnih vai.

PHYAWN NAK 17:16

Ani naw, “Bawipa ah Näng nak Alan cu ak hlüng ah kawt vä! Bawipa naw Amalekit gui cu ng’tuk püi gui lä khai nei” cik ci.

PHYAWN NAK 17:14

Cun kawn ah Bawipa naw Moses am, “Shin ah näng nak ah mawng cu gu ne na m’hnüt vai, cun ung shüm ba lä vai, Joshua am m’thein ä, Amalekit gui avan ka m’di gui khai nei” cik ci.

ATÜNNAK 41:43

Ani cu akhnih nak ah mang ah ng’hle ung ng’cuum sak neta, ngäng ne m’taam ciah chang gui ah maa ah, “Lam m’bawng vä” cine m’lau ci gui. Cu cha ah Joseph cu Egypt khaw avan uk khai ah m’düih ci gui.

ESTA 2:5

Susa mang gaw ung Mordekai ming nak ciah Jew chang tumat om ci, ani cu Jaira ah hta ah kyak ci, Benjamin pakhui, Kish la Shimei ah htangshon ah kyak ci.

ESTA 3:3

Mang im ung bii bik ciah ahei bawi gui naw, a i ah kyasei ghangpughang ah thumkhän kä na läk tu, cine ng’shik ci gui.

DANIEL 2:49

Daniela ah k’thäh nak awn ghangpughang naw, Shadrak, Meshak la Abedneko gui cu, Babilon khopäng uknak täng ung angvai gui ah bi sak gui ci.