ESTA 3:1 - Cho Bible Common Language 2016

¹ Shäng hta khäta ghangpughang Ahasuerus naw Haman ming nak cicu bawi ng’vaipi ah tha ci. Haman cu Hammedatha ah hta, Akak ah ng’shon ah kyak ci.

ESTA 3:1 Referans Kwoze

KHEI NAK 24:7

Ngami ung khawtui akni ah aa khai. Tui ah ni nak ah lolai ung ami m’shi geit khai gui. Ami ghangpughang cu Agag bawi ah dämduh pi khai. Ani ah uknak cu ng’shawng ne ng’kau pi khai.

DANIEL 6:2

Uktu gui ah khan ah tängpang ne ghangpughang ah phäh ah bilo khai ah Daniela la chang hnih cun phi ghü ne m’düih ci.

ESTA 5:11

Ani naw ngami ah ma ah khähghah ne, a i hlawk ah ang bähmang, a i chü ah a hta, ghangpughang naw hlüng pi ciah bawi ah atha, ahei ghangpughang ah bawi gui ah ta, ani a i hlawk ah a küikyang tuba, gui cu pyen ci.

ESTA 3:10

Thushäu akcang ah dang khai ah m’hnüt ne k’bäi nak vai ah, akutcüp cu ghangpughang naw suut neta, Jew chang gui ah ami ga ah kyak ciah Haman, Hammedatha ah hta, Akak ah ng’shon am pek ci.

1 SAMUEL 15:33

Samuela naw, “Nang ah na khim naw nu nu akda cu a hta kaa ah kyak sak ci, cun ah kyasei, tuhbäi na nu cu a hta ah kyak khai nei” cik ci. Ani naw Gilgal sonkyang ma ah Agag cu tupit pit ci.

ATÜNNAK 41:40

Ka khaw avan ka ning uk sak khai, ka chang avan naw na ng’thu läk khai gui nei. Kei ah kawn ah nang ah huham cu aktung ah kyak khai nei.

NG'THU K'THUUK~ 29:2

Düng ciah uktu cu na m’hnuh vä, kei naw yeikyai ciah chang ka ning m’hnuh gui khai, akshe ah uktu cu na m’hnuh vä, kei naw kä yeikyai ciah chang gui ka ning m’hnuh gui khai.

SAM 12:8

Changshe gui cu avan ung om ci gui nei, Ak chang sing naw akshe cu yei nak ci gui nei.

ESTA 8:3

Cun kawn ah Esther naw ghangpughang ah ma ah thu pyen ba ci, ani naw a khaw ung kawp ne kyap neta, Akak ah htangshon Jew chang gui hnungtuk püi ciah Haman ah abi akshekha gui cu a phyeet ba vai ah ng’paa nak ci.

ESTA 7:6

Esther naw, “Keimi ah ga, keimi na dukdeiu na gui ci cu, shin ah chang shekha Haman nei” cik ci. Haman naw Ghangpughang la ghangpughangnu cu kyih goi ci,

ESTA 1:14

Ani naw ang shica gui pi ah angvai gui cu, Karshena, Shethar, Admatha, Tarshish, Meres, Marsena, la Memukan — ngami cu Persia la Media uknak khaw ung ak hlüng pikbäih bawi gui ah kyak ci gui.

EZRA 7:14

Kei naw ng’shin ah chang chih cu nang awn atäng ah Jerusalem la Judah ung ng’täi khai ah ka ning tüi gui ci nei. Nangmi naw nami yi hnei ah nami Khanpughi ah thukhän cu a i hlawk ah nami läk ah nami teng vai nei.

1 SAMUEL 15:8

Ani naw Amalek ghangpughang Agag cu akghing ah pha ne, chang gui avan ngawn gui ci.

ATÜNNAK 41:55

Egypt chang gui cu ei ah cawi law u neta, kyap u ne, ghangpughang ah hteit ne ei vai ng’zoi ci gui. Cun ah chang gui cu Joseph ah tüi gui ne Joseph ah pyen ah mäih ah ami bi vai ah m’cäi gui ci.

THUSHÄUTU 10:6

Chang shekha gui cu huham mah ciah bawi ah m’hmoh gui u ne, bühmang ci gui cu ami nawng gui.