ESTA 1:4 - Cho Bible Common Language 2016

⁴ Ani ah mang im ah bämang nak la chünla nak avan cu cha chuk lüng lüng ung m’dang ci.

ESTA 1:4 Referans Kwoze

JOB 40:10

A cun ah na kyak ung ng’tam ne chang k’om ne ng’düi ä. Hlüngtai bämang ciah sui cu sui ä.

THU PHLAAN 4:11

“Kami Bawipa, Khanpughi, Nang naw ang tüi avan cu na tüisho ciah kyasei, Nang ah ng’yak hlü ah ang tüi cu ghing om ciah kya ci. Cun ah kyasei bühmang nak, küikyang nak, hlüngtai nak gui cu Nang awn khinkhaa ci nei” ci ne pyein ci gui.

KOLOSE 1:27

Khanpughi ah ng’bü nak cu, ng’yih cicu ak chang gui-am hmat sak gui vai ah kyak ci. Cun ah ng’yih ciah bä nak la mang nak cu, ak chang gui ah hmawk ah kyak ci. Cun ah ng’yih ci cu, Bawi Khrit nangmi ung om ci, ciah kya ne, a mawng cu nangmi naw Khanpughi ah bämang nak nami ng’pai tuk khai, ciah kyak ci.

EPHESIAN 1:18

Kei naw ani ah ak dei cu nami m’lung awn nami hmuh vai ah ka ning k’thäh pe gui ci, cun ah kyasei, a i nami ngaih u vai ah a ning khü gui ah mawng, ak chang gui-am a peit ah shaitaak cu a i hlawk ah cäicat vai ah abä nak ah mawng,

ROMAN 9:23

Cun kawn ah Khanpughi cu ak chimgein gui ah chang gui naw, chünla ciah a bämang nak ami hmuh vai ah ng’ya hlük ci. Cun ah chang gui cu Khanpughi ah bämang nak ami gah tu vai ah Khanpughi naw a pyan tham gui ah kyak ci.

MATTHE 6:13

Tüihtok nak ung kä gawk vai ah, Kä nik ci phung ung nam htei gui ä. Uknak, hlüngtai nak la Bawimang nak cu, Nang ung ang täih ah om sä, Amen,’ cine nami taigü vai.

MATTHE 4:8

Cu kawn ah khoshe naw Bawipa Jesuh cu, hlüngtai pibäih ciah khohtung khan ah hteh püi ne, khomdek khan ah chang ah uknak kho avan la ami bämang nak avan cu m’hnuh netah,

DANIEL 5:18

“Hlüngtai ciah Khanpughi naw na pa Nebukhadnezzar cu dämduh ciah ghangpughang ah pyang ne, bä khäk nak la bawimang nak cu pek ci nei.

DANIEL 4:36

“Kei ung ng’shüm nak a gawk law ba kawn ah, ka m’tamkhah nak, ka bawimang nak, ka bämang nak, la uknak khaw cu na pe ba ci. Ka bawi gui la ka chang vai gui naw na dou chang ci gui. Ayanä ah ta dämduh pi ciah m’tamkhah nak awn, ka bawimang huham cu na pe ba ci.

DANIEL 4:30

Ani naw, “Teng vä, Babilon cu a i hlawk ah dämduh ci ang! Ka huham, ka hlüngtai nak, ka bämang nak, ka m’gäi nak ka dang sak nak vai ah ka cawh ah mang gaw ne.”

EZEKIEL 28:5

Nang cu sumlei nak ung na bilo thei ci kya ne atawnglawn cu na gah ci. Nang cu na khawh cham awn na khäh ghäh aih ci nei!

ISAIAH 39:2

Hezekiah naw ng’shächang gui cu don gui neta, ang bühmang nak cu m’hnuh gui ci-ngui gui, ghui gui, tui ng’ui la situi gui k’htei gui, avan ah kyak ci. A m’küm kyong ung, a uk nak khaw avan ung, kä am hnuh gui a i kä om ci.

SAM 145:5

Ngami naw na bämang nak la na chünla nak cu pyen khai gui nei, cäicat vai ah na bi lawh gui ung ka m’lung htek khai nei.

SAM 93:1

Bawipa cu ghangpughang ah kyak ci. Ani cu huham la thamah nak suisak ci. Khomdek cu a hmun ung khäng ne, kä hnün hnawk hlawt ci.

SAM 45:3

M’gäi ciah ghangpughang, na khim bah ä; Nang cu bämang ne na hlüngtai ci nei.

SAM 21:5

A bämang nak cu chün ci, nang ah m’htei nak awn kyak ci; Nang naw ming thang nak la chün nak na pek ci.

1 SHONTÄP NAK 29:25

Bawipa naw Solomon cu Israel pakhui avan ah khan ah m’tamkhah ne Israel uk man ciah ghangpughang gui ah ta bä pi ciah bämang nak cu pek ci.”

ESTA 1:3

A uknak a kum thum nak ung ani naw, abawi gui avan la a uktu gui avan cu aktung ah mang ei ei püi gui ci. Acun ung Persia la Media gakap gui phi om tuk ci gui, khopäng uktu gui la chang vai gui phi kai tuk ci gui.

ESTA 1:5

Cun kawn ah ghanpughang naw Susa mang gaw ung om ciah akpyam ang mang chang avan am mang ei aktung tu m’bei gui ci. Cun cu mang im duum ung hnüüp chih bik ci gui.