ESTA 1:3 - Cho Bible Common Language 2016

³ A uknak a kum thum nak ung ani naw, abawi gui avan la a uktu gui avan cu aktung ah mang ei ei püi gui ci. Acun ung Persia la Media gakap gui phi om tuk ci gui, khopäng uktu gui la chang vai gui phi kai tuk ci gui.

ESTA 1:3 Referans Kwoze

MAKUH 6:21

Herod ah ng’tüi nak hnüüp ung Herodias ah bi bi nak hlü ah lam cu ng’dang lawk ci. Cun ah hnüüp ung Herod naw, Kalile kho ungka bawi ng’vaipi gui, gakap bawi gui, la mangpa gui nüng cu khü gui ne, mü-ei aktung ah pyang m’tham ne khin na gui ci.

DANIEL 5:1

Khomü ät ung ghangpughang Belshazzar naw mang-ei aktung ah shong ne, bawimang akda khü ci, ngami cu atäng ah sapyit tui awk ci gui.

ESTA 2:18

Ghangpughang naw Esther m’tamkhah nak ah mang ei cu akdämduh ah m’hnüt neta, a bawi gui la a uktu gui avan khü gui ci. Ani naw a uktu khaw avan ung ng’shäu ne, ng’chin nak ah hnüüp cu k’bäi neta, ghangpughang awn khin kha ciah m’cümhnah nak phi pek ci.

1 GHANGPUGHANG GUI 3:15

Solomon cu ng’shüm law neta Khanpughi naw ang mang ung ng’htau püi ciah hmat ci. Cun kawn ah ani cu Jerusalem ah hteit ne, Bawipa ah Thukhän M’küm ah ma ah ng’düi neta, m’khih ne douthak nak la khawtsheng douthak nak cu Bawipa am douthak ci. Cun kawn ah ani naw a yungbawi gui avan cu tumbei gui ci.

JEREMIAH 51:11

Bawipa naw Media ghangpughang gui cu thawh let sak gui ci, a i ah kyasei ci ung ani naw Babilonia cu m’di vai ah angbü ah phäh ah kyak ci. Cun cu ani naw a Taigüim ami m’di ah phäh phu atuk ah kyak ci. Ng’tuk ciah bawi gui naw Thum’khän u ne, “Nami m’la gui k’tah vä! Nami shawi gui m’hnüt ge vä!

ISAIAH 21:2

M’gäi cik nak gui, kä bekhüt nak gui la m’di m’shum nak gui cu kei naw ka muimang ung ka hmuk ci nei. Elam gakap gui, tuhnim vä! Media gakap gui, mang gaw gui cu khaai vä! Babilon naw a bi ah yaica nak cu khanpughi naw ng’pyi sak khai nei.

ATÜNNAK 40:20

A hnüüp thum hnüüp ung ghangpughang naw angtüi nak hnüüp ah pawi cu a bawi gui avan awn bi püi gui ci. Zu cuung bawi la ei tei bawi cu chah ba goi ne a bawi gui ah ma ah law püi sak gui ci.

DANIEL 8:20

“Nang naw na hmuh ah hnih ki nak ciah htome hla ci cu, Media la Persia uknak khaw hnih ah kyak ci.

DANIEL 6:1

Darius naw a uk nak khaw avan ung uk khai gui ah uktu phia la mkuu tha vai ah k’bäi ci.

DANIEL 5:28

M’Khoicha, nang ah uknak khaw cu k’paai ne Medes la Persian gui am pek gui pyi nei” ciah kyak ci.

ESTA 1:14

Ani naw ang shica gui pi ah angvai gui cu, Karshena, Shethar, Admatha, Tarshish, Meres, Marsena, la Memukan — ngami cu Persia la Media uknak khaw ung ak hlüng pikbäih bawi gui ah kyak ci gui.

EZRA 1:2

Shin cu Persia uktubawi Sairus ah thumkhän nei. Bawipa, Khankho ah Khanpughi naw m’dek ah khan avan ka uk vai ah na pyang ci nei. Judah khaw Jerusalem ung ani ah phäh ah Taigüim cawh vai ah bi vai na pek ci nei.

ESTA 1:4

Ani ah mang im ah bämang nak la chünla nak avan cu cha chuk lüng lüng ung m’dang ci.

ESTA 3:7

Ghangpughang Ahasuerus ah uknak a kum gha lei goi nak, ak htük bäih ah cha, Nisan cha ung Haman naw ng’thu k’bäi ne, “Purim” ah ami pyen ah m’shüih tawk nea bi nak vai ah hnüüp la cha cu ghü ci. Ani naw a cha gha lei goi nak ah Adar cha ah a hnüüp gha lei thum ah k’bäi ci.