EPHESIAN 6:6 - Cho Bible Common Language 2016

⁶ Nami bawi gui naw ami ning yum gui vai ah, ami ma bäng ah ami thu nami läk ciah kä kya ne, Bawi Khrit ah changshäm ah nami kyak ciah kyasei, Khanpughi ah ang yak hlü ah nami m’lung ngaih avan nawn nami hnün thawh vai nei.

EPHESIAN 6:6 Referans Kwoze

1 THESSALONIAN 2:4

Khanpughi naw ang yak hlü ah ana ng’thu sak gui ah mäih ah keimi angtäi sei thu kami pyein ci; a i ah kyasei ci ung ani awn ng’müi ne ng’Thu Ni awn ng’ap vai ah a nam khoi m’cha gui pyi ah hmawk ah kyak ci. Keimi cu chang naw ana yei nak gui vai ah kä kami k’tha nak ci, kami m’lung kyong nam nüm gui ciah Khanpughi naw ana yei nak gui vai ah kami tha nak ci.

KALATIAN 1:10

Cun ah ka pyein cu chang naw a na k’bääi vai ah ka pyein ah kya ne ang? Cun ah kä kyak ci, Kei ah ng’yak hlü cu Khanpughi ah nak bääi vai bäng ah kyak ci. Kei cu chang ah na chang m’sui vai ah ka k’tha nak ciah kya ne ang? Cun ah ka k’tha nak ciah a kyak ung kei cu Bawi Khrit ah changshäm ah kä ka kyak khai.

EPHESIAN 5:17

Cun ah kyasei ak gu k’aang ah kä nami om men vai, Bawipa naw nami bi vai ang yak hlü cu k’tha nah ne nami shui vai nei.

1 PETER 4:2

Tuhbäi khomdek pumsa awn nami ghin nak ba ah a khin ung, chang ah ng’yak hlü ah kä ghing ne, Khanpughi ah m’hni ah nami ghin vai.

PHILIPPIAN 2:12

Cun ah kya sei teihpüi gui aw, kei ka om yah ung ka ng’thu nakmi ngaih ah mäih ah, tuhbäi kei kä ka om yah ung ka ng’thu nami ngaih vai cu ak küikyang pi ah kyak ci. Nangmi naw hun nak ak be ah nami gah nak vai ah kyih aa nak awn nami bilawh vai,

MATTHE 12:50

Khankho ah om ciah Kapa Khanpughi ah ang yak hlü ah bik ciah chang phung cu, kei ah phäi, kei ah nau, kei ah be, kei ah nu ah kyak ci nei,” cine m’thein gui ci.

HEBRU 13:21

Nangmi naw dimdeeih nak ah Bawi, Khanpughi ah ang yak hlü nami läk nak hning vai ah, nik ci phung avan ning m’shumphyuk gui sä. Bawipa naw a mät ah ng’yak hlü ah mäih ah mikmi cu, Bawipa Jesuh Khrit awn na piangtham gui sä. Bawi Khrit cu Ngawiyä ang’täi sei Bawi mang ne om sä, Amen.

HEBRU 10:36

Khanpughi ah ang yaak hlü bi hning vai la a shaaitaak gah hning vai ah hnimgei ne om vä.

KOLOSE 1:9

Shin ah mawng ung nangmi ah mawng kami ng’yak phung ung, nangmi ah hmawk ah kami taigü ci nei. Khanpughi naw ang yak hlü ah mäih ah Mumcha naw a peit ah kyak ciah, hmuhmat nak, cüivai nak la lunglang nak gui awn a ning be sak gui vai ah, kami k’thäh ci nei.

MATTHE 7:21

‘Bawipa, Bawipa,’ cine na khü ciah chang van düt, khankho ah kä lut hlawt khai, khankho ah om ciah ka Pa ah ang yak hlü ah om ciah chang bäng vah gawk hlawt khai.

1 JOHAN 2:17

Khomdek khan la khomdek khan ah chang ah ng’yak hlü gui cu, ng’pyi lawk ci gui nei; cun ung phi Khanpughi ah ang yak hlü ah hnüntho ci gui cu, angtäi sei ghing khai gui nei.

ROMAN 6:17

Nang mi cu katnak ah khlei-htein ah nami kyak man ung phi, tuk bäi nami gah ah m’theithang nak cu, nami m’lung kyong avan nawn nami läk ah hmawk ah Khanpughi cu kam hlüngtai ci.

KOLOSE 4:12

Bawi Khrit Jesuh ah akchang shäm, nami chang ah kyak ciah Epaphras naw phi ning yavaih na gui ci nei. Khäng sei nami ng’düih vai, kä nami püngheiu vai, be ciah khritha ah nami kiak vai, Khanpughi ah ng’yak hlü küm khai ah ang thu nami ngaih vai ah, ani naw akni ah ning taigü pe gui ci nei.

JEREMIAH 24:7

Ngami am kei Bawipa ah ka kyak ah ami hmat nak hlü cu ka pe gui khai. Cun kawn ah ngami cu kei ah chang ah kyak khai gui, kei cu ngami ah khanpughi ah ka kyak khai, a i ah kyasei ci ung ngami cu ami m’lung kyong avan awn kei ah ng’hlat law ba khai gui.

1 PETER 2:15

Akni ah nami om ih nak awn chang k’gu k’aang gui ah thu m’gawng cu nami shungshet vai ah Khanpughi naw ng’ya hlük ci nei.

JEREMIAH 3:10

Shing gui avan ah kawn ah Israel ah kä bekhüt ciah anau Jodah cu ng’she ne kei ah law ba ci, ani cu amlung kä theing ci, kei Bawipa naw ka pyen nei.”

1 THESSALONIAN 4:3

Khanpughi naw nangmi cu nami theingcim vai lah ng’yakhlü m’gukplet nak kä a om-en vai ah ang yak hlü om ci nei.

MAKUH 3:35

Khanpughi ah ang yak hlü ah bilo ciah chang phung cu, kei ah nau, kei ah be, kei ah nu ah kyak ci nei” cine kyak na gui ci.

1 KORIN 7:22

Khleihteih tumat cu Bawipa naw a khü ah a kyak ung ani cu ng’päi om chang ah kya lawk ci; acun ah mäih ah ng’päi om chang tumat cu Bawi Khrih naw a khü ah a kyak ung, ani cu Bawi Khrih ah khleihtein ah kya lawk ci.