EPHESIAN 6:5 - Cho Bible Common Language 2016

⁵ Changshäm gui, Bawi Khrit ah khuut nami bi ah mäih ah kyih-aa ne, khüighaat ne nami chang bawi ah thu cu nami läk vai.

EPHESIAN 6:5 Referans Kwoze

EPHESIAN 5:22

Hnumi gui, Bawipa nami kyih aa ah mäih ah nami cei cu nami kyih aa vai nei.

MALAKHI 1:6

Hlüngtai ciah Bawipa naw taigü gui am, “A hta naw apa cu chang m’sui ci, ashäm naw abawi cu chang m’sui ci. Kei cu nami na pa — a i ah kyasei kä nami na chang m’sui ang? Kei cu nami na bawi — a i ah kyasei kä nami na kyih aa ang? Nangmi naw nami na päipih ci, cun ung phi a i hawkcha ah ang kami ning päipih? nami cik ci.’

1 PETER 3:2

A i ah kyasei ci ung nami m’lung ah theing nak la nami chang m’sui nak cu ngami naw hmu lawk khai gui.

PHILIMON 1:16

Tuhbäi ani cu changshäm düt ah kä kya ba ci, changshäm ah mä taai ba pi ne, Bawi Khrit ung phäi nau ah kya lawk ci nei. Chang shäm ah a kyak nak la Bawipa ung kam hni ah phäi nau ah a kyak nak awn kei ah hmawk ah ang htei ah bäi ci. Nang ah hmawk ah cun ah tah bä pi khai nei.

PHILIPPIAN 2:12

Cun ah kya sei teihpüi gui aw, kei ka om yah ung ka ng’thu nakmi ngaih ah mäih ah, tuhbäi kei kä ka om yah ung ka ng’thu nami ngaih vai cu ak küikyang pi ah kyak ci. Nangmi naw hun nak ak be ah nami gah nak vai ah kyih aa nak awn nami bilawh vai,

SAM 86:11

Bawipa, ka bi vai na ng’yak hlü cu na m’thein ä, kei naw bekhüt ne ka ning läk khai nei. Akbe ah na khut ka bi vai ah na m’thein thang ä.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

1 KORIN 7:22

Khleihteih tumat cu Bawipa naw a khü ah a kyak ung ani cu ng’päi om chang ah kya lawk ci; acun ah mäih ah ng’päi om chang tumat cu Bawi Khrih naw a khü ah a kyak ung, ani cu Bawi Khrih ah khleihtein ah kya lawk ci.

MATTHE 8:9

Kei cu kang vai ah ng’thu ka ngai ci, kei ah kaa ah phi gakap gui om ci gui. Gakap tumat cu hteit ä, ka ci ung hteit ci, law ä, ka ci ung lawk ci, ka changshäm cun phi cun bi ä, ka ci ung bik ci,” cine pyein ci.

MATTHE 6:24

‘A u chang phi bawi hnih ah changshäm ah kä kya hlawt khai, a bawi tumat cu gen ne tumat cu m’hni khai; tumat ah pyein ah om-ne, tumat cu a i ah kä sui khai. Nangmi cu Khanpughi ah chang la ghui ngui ah chang ah akawng ät ah kä nami kya hlawt khai.

ATÜNNAK 16:9

Khankho chang naw, “Na bawinu ah hteit ba ne a changshäm ah na kyak ba vai nei” cik ci.

EPHESIAN 6:24

Kä si hlawt ciah m’hni nak awn mi Bawipa Khrit m’hni ciah chang gui ah khan ah Khanpughi ah m’geinsei nak cu kümbe ne om sä.

SAM 123:2

Changshäm naw a bawi a teng ah mäih ah, changshäm hnumi naw abawinu a teng ah mäih ah, O Bawipa kami Khanpughi, Na m’gein nak kä kami hmuh pha ah chuih kami ning dan khai nei.

1 SHONTÄP NAK 29:17

Nang naw chang ah m’lung päng m’nüm ne, ni nak om ciah chang cu na yeikyai nak ci. Kei naw ng’düng nak la ni nak awn shin gui avan yum nak awn ka ning pek ci, na chang gui shin ung ng’bum lawk ci gui naw, khawihnah nak, nang ah ami law püi ah phäh ah a i hlawk ah ami yei cu kei naw ka hmuk ci nei.

JOSHUA 24:14

Tuhbäi cun kawn ah, Joshua naw k’täi ne, “Bawipa cu m’tamkhah ne kyäp nep nak la bekhüt nak awn abii nami bi vai. Egypt la Mesopotamia khaw ah nami pupa gui naw ami khawihnah man ah khanpughi gui cu nami phyawn nak gui vai, Bawipa bäng ah khut nami bi vai.

2 KORIN 7:15

Ani ah ng’thu ngai ghet khai ah nami om la, ani kyih aa ne nami na dou ah mawng cu, ani naw shüm ba netah, nangmi cu ning m’hni law gui pi ci nei.

1 KORIN 2:3

Cun ah kya sei kei cu nangmi ah ka law yah ung ka k’tha ken sei, kyikyawk ne,

LAMKTU 2:46

Ngah mi cu ak hnüüp tä seih pum im ah ng’bum ci gui. Ami im gui ung phi m’lung neim nak lah, yeikyai nak awn a täng ah vun vai ne ei awk ci gui.

MATTHE 6:22

‘Mik ui cu pumsa ah hmawk ah meidäi ah mäih ah kyak ci. Nami mik ui a ci ung nami pumsa avan dei yawp khai.

ROMAN 9:3

Ka chang gui, ka k’chi ng’chüng gui ah hmawk ah Khanpughi ah m’kyuk nak la Bawi Khrit awn ng’pai nak phi ka aut hlük ciah m’lung om ci nei.