EPHESIAN 6:4 - Cho Bible Common Language 2016

⁴ Nupa gui, nami hta hmaw gui cu ami m’lung thüi khai ah kä nami bi en vai. Cun ung phi Khanpughi ah ng’yak hlü ah khritha hläkhäm nak awn nami m’shümthein vai.

EPHESIAN 6:4 Referans Kwoze

KOLOSE 3:21

Nupa gui nami hta gui cu, ami m’lung thüi ne, ami k’tha maih khai ah kä nami om püi-en gui vai.

NG'THU K'THUUK~ 22:6

A hmaw cu a i cha ah a ghin vai ah m’theithang vä, cun ung a ni naw aghin nak chuih shüm ba khai nei.

NG'THU K'THUUK~ 29:15

M’shümthein nak gui la m’hnütbäi nak gui cu ak hmaw gui ah phäh ah akni ah kyak ci. Ak hmaw cu amät ah ngaih ah a hteh ah akyak ung, ani naw anu cu ng’aa sak khai.

NG'THU K'THUUK~ 19:18

Na hta gui cu ng’thei thei khai gui ah ami hmaw yah ung na m’shumthein gui vai, ka cun ung ami mat naw ami mat ami m’di vai ah na m’thein gui ciah kyak ci.

THULÄÄN NAK 6:7

Nami hta nau gui am nami theithang gui vai. Im ah nami om ung phi, a hei ah nami hteh hton ung phi, naming’düm yah ung phi, nami ng’bi yah ung phi shin gui cu nami pyen ba ba vai.

NG'THU K'THUUK~ 29:17

Na hta cu m’hnütbäi nak na pek vai, nang cu angtäi sei ani awn na khäghah khai, ani naw thui ng’a nak vai ah mawng kä ning pe phung khai.

2 TIMOTHI 3:15

Na hmaw sang ung tün ne, cüivai nak ning pe ne, Bawi Khrit Jesuh yum nak awn hun nak gah vai ah lam shüm ciah, Cacim Theing na hmat ah mawng cu na shüm ba vai nei.

ATÜNNAK 18:19

A hta gui la a htangshon gui naw kei ah ng’thu ngai u ne, düng ci la bä ci ami bi vai ah, m’cäi gui khai ah ani cu ka ghü ci. A cun ah ami om ung ani ah hmawk ah ka shaitak phung cu ka kümbe sak khai” cik ci.

THULÄÄN NAK 4:9

Geing na ne nami om vai. Nami mik awn nami hmuh cu nami ghin nak chuih kä nami hnih vai ah htei khai ah nami bi vai. Nami hta gui la nami tu gui am nami m’thein gui vai.

2 TIMOTHI 1:5

Na pighi Lois la na nu Eunice ah mäih ah ng’ciim ciah yum nak cu ka shüm ba ci nei. Ngahni ah mäih ah na yum ciah ka ngaih gep ci nei.

NG'THU K'THUUK~ 22:15

Ak hmaw hta gui cu ami ng’tüi püi ah hmü hma thei ci gui, a i kä geing na thei ci gui. Cun ung phi akni ah that ne m’cä ung, a i cha ah ami ghin om vai m’thein ah kyak ci.

1 SHONTÄP NAK 28:20

Ghangpughang David naw a hta Solomon am a pyen nak cu, “Nang cu khüi ghat ne na thamah vai nei. Bii cu na tün ge vai, a i naw phi kä ning düm en sak sä. Bawipa Khanpughi, kei naw abii ka bi naw ning om püi khai nei. Ani naw kä ning nawng khai nei, Taigüim ung nang naw bi vai cu na bi yawp güt ung ani cu nang awn a täng ah om khai nei.

ISAIAH 38:19

Kei naw tuhbäi ka ning m’tam ah mäih ah ghing ci naw nei ning m’tam ci. Pa gui naw ami hta gui am Nang a hlawk ah nabekhüt cu m’thein ci gui nei.

JOSHUA 24:15

Ani ah bii bi vai cu kä nami ng’yak hlü ah a kyak ung, a u ah bii bi vai cu tuhngawi nami phukpit vai. Mesopotamia ah nami pupa gui ah khawihnah man ah khanpughi gui ang? Tuhbäi nangmi naw nami om nak ah khaw mah gui, Amorit gui ah khanpughi gui ang? Kei la ka kyongchang läi naw Bawipa ah bii kami bik khai nei.”

1 SHONTÄP NAK 29:19

Na thumkhän nü nü m’lung kyong avan awn ng’yak nak hlü la shin ah kei naw ka pawng püi awn Taigüim cawh nak vai cu ka htapa Solomon am yuk pe law ä.”

SUKI GUI 13:12

Cun kawn ah Manoah naw, “Na pyen cu a bä law ah a kyak ung, a hmaw naw a i bik khai ang? A i cha ah ghin om püi vai ang? cine ng’shik ci.