EPHESIAN 6:23 - Cho Bible Common Language 2016

²³ Pa Khanpughi la Bawipa Jesuh Khrit naw khritha phäi nau nami van am, dimdeeih nak, la yum nak awn m’hni nak cu ning pe gui sä.

EPHESIAN 6:23 Referans Kwoze

KALATIAN 6:16

Shin ah mawng gui läk ne ghin püi ciah chang gui la Khanpughi ah chang gui ah khan ah dimdeeih nak la m’gein nak cu om sä!

1 PETER 5:14

Tumat la tumat khritha yumhni nak awn ng’ui hnam tu ne, ng’khaih na tu vä. Bawi Khrit ah chang ah nami kyak ciah, nami van ah khan ah dimdeeih nak om sä.

KALATIAN 5:6

Mikmi cu Bawi Khrit Jesuh ung mi kawng ät kawn ah, vun ah la kä ah cu ak tung ah kä kyak ci, ak tung cu m’hni nak dang sak ciah yum nak ah kyak ci.

1 TIMOTHI 1:14

Mi Bawipa naw küikyang ciah am gein nak cu nam shum phruk ne, mi Bawi Khrih ung kawng ät nak awn yum nak la m’hni nak phi na pek ci.

THU PHLAAN 1:4

Johan naw Asia khaw gawnu pachih ung khrithabum gui-am ca aning guk law gui cu; Zanta, tuhngawi, ngawi yä angtäi sei om ciah Khanpughi, amang kiang ah maa ah ng’tän ciah mümcha pachih la;

1 TIMOTHI 1:3

Macedonia ah ka hteh law vai ung ka ning m’cäi ah mäih ah Ephesus ah na om cang vai ka ng’ya hlük ci. Chang amshah gui naw thuvi ne m’theithang ci gui nei, cun gui cu, ami ng’düm vai ah na khän gui vai.

2 THESSALONIAN 3:16

Dimdeeih nak ah a phung ah kyak ciah Bawipa amät naw, akhin avan la a mawng ama avan ung dimdeeih nak ning pe gui sä. Bawipa naw nangmi nami van cu angtäi ah ning om püi gui sä.

2 THESSALONIAN 1:3

Phäi nau gui aw, nangmi ah hmawk ah angtäi sei Khanpughi cu kami m’kümto ci nei. Cun ah kami bi cu bä ci nei, a i ah kia sei ci ung, nami yum nak cu ng’ghotai law pi ne, nami ng’hni nak tu phi abäkhäk law pi ah hmawk ah kyak ci.

1 THESSALONIAN 5:8

Cun ung phi mikmi cu akdei ah chang ah mi kyak ci, cim’gang ne mi om khai nei. Mikmi cu yum nak yih sui ne, m’hni nak ah shawi kawt ne, mi ngaih u ah kyak ciah hun nak m’si lukhu cu mi ng’büng khai nei.

1 KORIN 1:3

Mipa Khanpughi la Bawipa Jesuh Khrit ah m’geinsei nak la dimdeeih nak cu nami van ah khan ah om sä.

ROMAN 1:7

Cun ah kyasei Khanpughi naw ning m’hni gui ne a ning khü gui pyi ah Rom Khrithabum am shin ah ca cu ka ning guk law gui nei. Mi Pa Khanpughi la Bawipa Jesuh Khrit naw m’geinsei nak la dimdeeih nak cu ning pe gui sä.

JOHAN 14:27

“Kei naw dimdeeih nak ka ning nawng pe gui shüt ci, kei ah dimdeeih nak nangmi am ka ning pe gui ci. M’dek chang gui ah peit ah mäih ah ka ning peit gui ah kä kyak ci, kä ng’ä ai vä, kä kyikyawk vä.

1 SAMUEL 25:6

Ani naw m’cumcäi gui ne Nabala am a pyen sak gui cu: “David naw yavaih nak ak ning m’khäh lawk ci nei, ka teihpui, nang, na kyongchang la na khawk avan ah khan ah yeikyai nak om ci nei.

ATÜNNAK 43:23

Changshäm naw, “Kä kyi vä! Kä ng’ä vä! Nami Khanpughi, nami pa ah Khanpughi naw nami ng’ip ung ngui a ning pek gui nei. Nami ngui cu ka dou ci nei” ci neta Simeon cu law püi ba ci.

1 TIMOTHI 5:8

A paw chang, ak tung pi ah ak kyongkhui chang kä m’hteihtang ci cu, yum nak hnu nak ciah kya ne, kä yum ciah mä sheka tuba ci nei.

ROMAN 15:33

Dinggei nak ung mi yum ah kyak ciah Khanpughi cu, nami van awn atäng ah om sä, Amen.

2 KORIN 13:11

Ka phäinau gui aw, gai ne om vä! Kümbe ciah chang ah nami kyak vai ah k’tha nah vä; kei ah ning m’cäi m’ä gui cu ngai ng’yah ne, tumat la tumat kawng ät u ne, dimdeeih nak awn om vä. M’hni nak la dimdeeih nak ah Khanpughi cu, nangmi awn a täng ah om khai nei.

EPHESIAN 6:24

Kä si hlawt ciah m’hni nak awn mi Bawipa Khrit m’hni ciah chang gui ah khan ah Khanpughi ah m’geinsei nak cu kümbe ne om sä.

3 JOHAN 1:14

Kei cu kä shou pha sei gawk law ngäh sei, nangmi awn ng’hmuh ne mi ng’thu khai ah ka ngai ci nei.