EPHESIAN 6:17 - Cho Bible Common Language 2016

¹⁷ Hun nak ah kyak ciah m’si lukhu cu kutshum ne, Mumcha ah m’shumphyuk ah Khanpughi ah ng’Thu ah kyak ciah khimgan cu nami kawh vai nei.

EPHESIAN 6:17 Referans Kwoze

HEBRU 4:12

Khanpughi ah Thu cu ghing ne hnüntho ne, hmün ne ghaat ciah m’htakhim ah tah ghaat pi ci. Cun ah khim naw, ghin nak la mumcha ah ng’chum nak, khlingthang ah kyum nak ung khüt sei, aat pit pit ci. Acun naw chang ah m’lung ung yaak hlü ngaih-tüh gui cu m’khoi chak ci.

ISAIAH 59:17

Ani naw taga nak cu saphaw ah mäih ah sui ne, hun nak huham ah kyak ciah lukhu cu ng’büng khai. Anawng gui düng khai ah bi nak hlü aih ah sui cu amät naw sui ne, chang gui ah yai ca nak ah cheishoh nak cu m’lyuk ne phu tuk khai.

THU PHLAAN 19:15

Khaw nüng chang päng a heem nak vai ah am gawng ung khim k’ghaat lut lawk ci. Ani naw chang gui cu m’si k’htei pawng awn uk gui khai. Ak hlüngtai pi k’bäih Khanpughi ah m’lungshe nak ah kyak ciah sapyit neen nak ah khui ung sapyit cu neen khai nei.

1 THESSALONIAN 5:8

Cun ung phi mikmi cu akdei ah chang ah mi kyak ci, cim’gang ne mi om khai nei. Mikmi cu yum nak yih sui ne, m’hni nak ah shawi kawt ne, mi ngaih u ah kyak ciah hun nak m’si lukhu cu mi ng’büng khai nei.

ISAIAH 49:2

Ani naw ka ng’thu cu khim ah mäih ah ghat sak ci. Amät ah kut awn kei cu na shungvong ci. Ani naw mang ge vai ah ghat ciah m’la ah mäih ah na pyang ci.

THU PHLAAN 2:16

Tuhbäi nami katnak ung ng’yu ba vä! Kä nami ng’yu ba ung kam gawng ung lut lawk ciah vang ah vei ghaat ciah khim awn ka ning tu gui khai nei.

THU PHLAAN 12:11

Mi phäi nau gui naw Htomehta ah si awn la ami ng’shäu ah ng’düng nak awn Satan cu m’khüt pyi ci gui nei. Ngami cu ami hnun gui apit ung phi kä ng’hlat khai gui nei.

HOSEA 6:5

Cun ah kyasei kei naw m’khoicha nak la m’dishum nak ah ka ng’thu awn ka prophet gui cu nangmi ah ka tüi lawk ci. Nangmi ungka ng’yak hlü cu ng’mimüi nak la ni kyäp nak ah kyak ci.

THU PHLAAN 1:16

Ani cu akpat lam ah aisi pachih kawt ne, am gawng ung vangah-vei ghaat ciah khim lut lawk ci. A hmai cu hnüüp lunglai ung hni ng’liing ah mäih ah ng’shü ci.

MATTHE 4:4

Cun ung phi Bawipa Jesuh naw, “Chang cu ei bäng awn ghing ciah kä kyak ci, Khanpughi ah ng’thu awn hnun m’ghin vai, ciah cacim ung om ci,” cine pyen nak ci.

MATTHE 4:7

Bawipa Jesuh naw, “Na Bawipa Khanpughi cu kä na tüihtok vai, ci ne cacim ung om ci,” cine pyen nak ci.

1 SAMUEL 17:5

pit hma kip lawk ciah kyei shawiphaw sui ne, kyei lukhu ng’büng ci.

1 SAMUEL 17:58

Saul naw, “Chang nong, a u ah ning hta ang?” ani naw, “Kei cu Bethlehem ah ka na changshäm Jesse ah na hta nei” cine David naw m’shang ci.

2 SAMUEL 22:36

O Bawipa, nang naw na shungvong ne, na na hun ci; Na m’hteihtang nak naw na dämduh sak ci.

ZEKHARIAH 4:6

Bawipa ungka lawk ciah shin ah ng’thu cu, Zerubbabela am ka pek vai ah khanchang naw na m’thein ci nei. “Nang cu na näng khai, cun cu gakap huham awn ah kä kyak ci, na mät ah thagui awn ah kä kyak ci, kei ah ka mümcha awn ah kyak ci.

EPHESIAN 5:26

Bawipa naw a hnun gui a peit nak cu, krithtabum theing sak ne, ang thu awn Khanpughi am ap sei;

HEBRU 6:5

Ngahmi cu Khanpughi ah Thu ani ah mawng la gawk lawk khai ah akhin ah hlüngtai nak gui cu hmat pyi ci gui ah kyak ci.