EPHESIAN 6:14 - Cho Bible Common Language 2016

¹⁴ Cun ah kyasei khüi ne nami ng’düih ge vai nei, thu thuuk ah kyak ciah m’ciu vawp u ne, düngdau nak ah kyak ciah saphaw k’bah u ne,

EPHESIAN 6:14 Referans Kwoze

ISAIAH 59:17

Ani naw taga nak cu saphaw ah mäih ah sui ne, hun nak huham ah kyak ciah lukhu cu ng’büng khai. Anawng gui düng khai ah bi nak hlü aih ah sui cu amät naw sui ne, chang gui ah yai ca nak ah cheishoh nak cu m’lyuk ne phu tuk khai.

1 THESSALONIAN 5:8

Cun ung phi mikmi cu akdei ah chang ah mi kyak ci, cim’gang ne mi om khai nei. Mikmi cu yum nak yih sui ne, m’hni nak ah shawi kawt ne, mi ngaih u ah kyak ciah hun nak m’si lukhu cu mi ng’büng khai nei.

ISAIAH 11:5

Ani naw a chang gui cu taga nak la dung nak awn uk gui khai.

LUKA 12:35

Nangmi cu ng’düih law ghet vai ah sui-sa u ne, mei m’däi ge ne om vä.

1 PETER 1:13

Cun ah kyasei nangmi cu ng’düihthawh ge vai ah om vä. Bawi Jesuh a kyum law ba hnüüp anam shum phyuk gui vai cu kümbe sei ngaih u ne lunglaang ne om vä.

2 KORIN 6:7

ng’düng ciah ng’thu pyein nak la Khanpughi ah hlüngtai nak awn phi bäi, keimi cu Khanpughi ah changshäm ah kami kyak ah mawng cu kami dang sak ci. Ng’tuk bi nak la gaa shung nak ung, ng’düng nak cu, kami li khim ah mäih ah kami mang ci.

EPHESIAN 5:9

Akdei naw nikiom nak a hlühlü, kümbe htingling nak la düngdau nak gui cu dang sak ci.

THU PHLAAN 9:17

Ka mang ung ka hmuh ah cun ah ng’se ng’cum ci gui ah ami awi k’bah ah shawiphaw gui cu, ak’ai amkim ah mei ah mäih ah sen ne yüi ci gui. Ng’se gui ah ami lu cu phongkawng ah lu ah mäih lawk ci, ami m’gawng ung mei k’däi, meikhu la ami m’äm gui lut lawk ci.

THU PHLAAN 9:9

Ami ng’kyaang cu m’si shawiphaw k’bah ciah mäih ah kyak ci, ami ng’phia ami khääp cu ng’tuk bik khai ah ng’phäi lawk ciah ng’se gui ah mäih ah ng’hmum ci.

JOB 29:14

Kei cu angtäi sei taga khai a, theing khai ah ka hnüntho ci.

ROMAN 13:12

Khaw ah mü nak ng’pyi law ne, khaw cu thai law ghi ghi ci nei. Cun ah kya sei mikmi cu, hnüp khui ah ng’yak hlü ah om ih nak gui cu mi nawng shüt ne, akdei ung gaa tuk nak vai ah li khim cu mi pawng püi khai nei.

EPHESIAN 6:13

Cun ah kyasei Khanpughi ah likhim k’be cu nami awi k’bah vai nei! Cun ung vah shekat geinvai nak ah hnüüp a gawk law ung, gaa ah tuk nak cu nami näng hlawt khai nei. Ng’tuk lu küm sei nami ng’tuk kawn ah nangmi cu nami kho ng’lei ung khüi ne nami ng’düi lawk khai nei.

2 GHANGPUGHANG GUI 3:21

Ghangpughang thum naw tu gui khai ah ami law cu Moabit gui naw ng’ya u neta, likhim kawt hning ci phung aghi pi ungka naw a hmawpi ung khüt ciah chang avan cu pawng u ne khogii ung ng’bum ci gui.