EPHESIAN 6:10 - Cho Bible Common Language 2016

¹⁰ Ak hnu bäih ah ka ning m’cäi gui cu, Bawipa ung kawngät nak la küikyang ciah a hlüngtai nak ung thamah ne khüighaat vä.

EPHESIAN 6:10 Referans Kwoze

PHILIPPIAN 4:13

Bawipa Jesuh Khrit ah na peit ah k’thagui awn kei naw ang’tüi avan kam khüt hning ci nei.

ISAIAH 40:31

Cun ung phi Bawipa naw am htei vai ah ng’ap ciah chang gui naw, thagui akthai hmuk khai gui. Ghui zongzung ah mäih ah ami ng’phia phiat ne zong khai gui, ami dawng ung phi kä bawngbai khai gui; lam ami hteh ung phi kä khüi kha khai gui.

JOSHUA 1:9

Na shüm ba vai, kei naw ka ning thumkhän cu, Na khüghat vai, na thamah vai! Kä na kyih vai, na k’tha kä a ken vai, Kei, Bawipa na Khanpughi naw na hteh nak päng ah ka ning om püi ci nei.”

1 KORIN 16:13

Nami cüivai vai, nami yum nak ung khäng htek sei nami ng’düih vai, nami hlui cang vai, nami k’thamah vai.

1 PETER 5:10

Cun ung phi nangmi cu cun ah geinvai nak a shänghta nami aut kawn ah, M’Gein nak ah Khanpughi, Bawi Khrit ung ning kawng ät sak gui ne, ng’täi ciah abämang nak ning k’pai tu gui khai ah ning khü gui ciah Bawipa naw, nangmi cu ning kümbe sak gui ne, ng’khäntaang nak, k’thamah nak la khüighaat nak ung ning khanhtek sak gui khai nei.

KOLOSE 1:11

Amät ah bämang hlüngtai nak ungka lawk ciah khüighaat nak naw ning k’thamah sak gui sä, cun ung a päng avan cu hniimgei nak awn nami näng khai nei. Zeikiai nak awn Pa Khanpughi cu m’hlüngtai vai, ani naw akdei ah uknak kho ah, chang ah hmawk nak cu nangmi naw ng’müi ne nami chaw nak tu vai ah ning pyang gui ci nei.

EPHESIAN 1:19

Ani yum ciah chang gui ung gawklawk ciah a hlüngtai nak cu a i hlawk ah küikyang ciah nami hmat vai ah kyak ci. Nangmi ung gawklawk ciah cun ah hlüngtai nak cu,

EPHESIAN 3:16

Khanpughi cu bämang ci kyasei, nami m’lung kyong a khüighaat vai ah, ang Mumcha awn hlüngtai nak a ning peit gui vai ah, kei cu ka taigü ci nei.

2 TIMOTHI 4:17

Cun ung phi Bawipa cu kei ung om ne k’thagui na pe sei, chang pakhui hei gui am Thu Ni cu ng’shäu ne kam thein gui hning ci, sih vai ah ami na k’bäi nak ungka phi ka phyawng ci nei.

ISAIAH 40:28

Kä nami hmat ne ma? Kä nami ng’ya man ne ma? Bawipa cu khong län ciah khanpughi nei; Khomdek avan ani naw tüisho ci nei. Ani cu a i yah ung phi kä cümbawng man ci nei. Ani ah ngaih-tüh cu a u naw kä hmat hlawt ci nei.

2 TIMOTHI 2:1

Ka hta, Bawi Khrit Jesuh ung kawng ät nak awn mi gah ah m’geinsei nak awn k’thamah ne om ä.

2 SHONTÄP NAK 15:7

Nangmi cu nami khüighat vai, nami tha kä a ken en vai. Nami bilawh ah phäh ah ng’cheng chuh nami gah khai.”

HAKKAI 2:4

Cun ung phi tuhbäi a u phi kä nami kyak düt vai. Bii nami bi vai, ka ning om püi gui khai.

SAM 138:3

Kei naw ka ning khü ung nang naw na na m’shang ci; Na tha gui awn thagui na na k’be ci.

PHILIPPIAN 4:8

Phäi nau gui aw, khüm nak ah ka pyein hlü cu, ni kyom nak, bäkhäk nak, cang nak, küika nak, ng’düng nak, theingcim nak, yumhni nak la m’tamkhah nak awn nami m’lung kyong cu be sak vä.

ZEKHARIAH 8:13

Judah la Israel chang gui! Yanä ung, a khawhei chang gui ami mät ng’plah tu u ne, “Judah la Israel ah khan ah gawk ciah leigai cu nami khan ah gawk sä!” ci man ci gui. Cun ung phi kei naw ka ning hun gui khai nei, Cun ung a khawhei chang gui cu ami mät gui, ‘Judah la Israel chang gui ah gah ah mäih ah hriham cu gah vä! Cik khai gui nei!’ Cun ah kyasei k’thamah vä, kä kyi en vä!”

1 SHONTÄP NAK 28:10

Nang naw na hmat vai cu, Theingcim ciah a Taigüim cawh vai ah Bawipa naw nang cu ning ghü ci nei. Tuhbäi co vä, khüighat ne co vä.”

1 SAMUEL 23:16

Jonathan cu a cu ah hteit neta, Khanpughi ah ngäng m’htei nak ah mawng a ngaih gep vai ah k’thamah nak pek ci.

ZEKHARIAH 8:9

“K’thamah vä! Nangmi naw tuhbäi, Taigüim cawh ba vai ah lung k’tung ng’lin yah ung, prophet gui ah acun ah ng’thu bä cu nami ng’ya ba ci nei.

THULÄÄN NAK 31:23

Cun kawn ah Bawipa naw Nun ah hta Joshua cu ng’thu püi neta, a pyen nak cu, “Na ngaih gep vai, na m’hnüt bäi vai. Nang naw Israel chang gui cu na chuiso gui ne kei naw ka shaitak nak gui ah khaw ung na hteh pü gui vai, kei naw nang cu ka ning om püi khai.”

1 SHONTÄP NAK 28:20

Ghangpughang David naw a hta Solomon am a pyen nak cu, “Nang cu khüi ghat ne na thamah vai nei. Bii cu na tün ge vai, a i naw phi kä ning düm en sak sä. Bawipa Khanpughi, kei naw abii ka bi naw ning om püi khai nei. Ani naw kä ning nawng khai nei, Taigüim ung nang naw bi vai cu na bi yawp güt ung ani cu nang awn a täng ah om khai nei.

2 KORIN 13:11

Ka phäinau gui aw, gai ne om vä! Kümbe ciah chang ah nami kyak vai ah k’tha nah vä; kei ah ning m’cäi m’ä gui cu ngai ng’yah ne, tumat la tumat kawng ät u ne, dimdeeih nak awn om vä. M’hni nak la dimdeeih nak ah Khanpughi cu, nangmi awn a täng ah om khai nei.

1 PETER 3:8

Ak hnu ah ka pyein hlü cu, nangmi cu m’lung ät, ngaih ät ne nami om vai; phäi nau ah mäih ah ng’yumhni tu u ne, m’lung neim nak la chimgein nak awn nami om vai.

PHILIPPIAN 3:1

Phäi nau gui aw, ak hnu ah ka pyein hlü cu, Bawipa ung yeikyai vä. Ka guk pyi te ka pyein ba cu kei ah phäh ah yaica nak vai kä kyak ci nei, cun cu nangmi ah m’lung üp nak vai ah kyak ci nei.

1 PETER 4:11

Thu pyein ci phung naw Khanpughi ah ng’thu ng’shäu ne pyein ah mäih ah a pyein vai; khuut bik ci phung naw Khanpughi ah peit ah k’thagui awn abi vai. Cun ung vah a mawng a ma avan ung, Bawi Jesuh Khrit ung Khanpughi cu m’kümto hlawt vai. Cun ah Bawipa ung bämang nak la hlüngtai nak cu ngawiyä khäng ne om sä. Amen.

1 JOHAN 2:14

Ka hta nau gui, nangmi cu Pa Khanpughi nami hmat ci kyasei ca ka ning guk law gui ci. Pa gui, nangmi cu ak htük ge ung om ciah Bawipa cu nami hmat ci kyasei ca ka ning guk law gui ci. Hmaw chang gui, nangmi cu nami khüighaat ci kyasei ca ka ning guk law gui ci: Khanpughi ah ng’thu cu nangmi ung om sei, nangmi naw khoshe cu tu ne nami näng pyi ci nei.